സംസ്ഥാനത്ത് നിയമസഭ തെരഞ്ഞെടുപ്പിന്റെ ഏകദേശ ചിത്രം തെളിഞ്ഞുവരുമ്പോള് പിണറായി വിജയന് ആശംസയുമായി നടന് ഹരീഷ് പേരടി. പിണറായി വിജയന് വീണ്ടും അധികാരത്തിലെത്തുമെന്ന് ഹരീഷ് പേരടി കുറിക്കുന്നു. രണ്ടാം വരവ് എന്ന് എഴുതിയ പിണറായി വിജയന്റെ പോസ്റ്ററാണ് ഹരീഷ് പേരടി ഷെയര് ചെയ്തിരിക്കുന്നത്. നാളെ വിജയിച്ചില്ലെങ്കിലും ജനകീയ പ്രശ്നങ്ങളില് സജീവമായി ഇടപെട്ട് പിണറായി വിജയനുണ്ടാകുമെന്നും ഹരീഷ് പേരടി പറയുന്നു.
‘ഈ രാത്രിയില് ഞാനിതെഴുതുമ്പോള് ഈ രണ്ടാം വരവിന് പ്രകൃതിയുടെ സംഗീതമുണ്ട്…ഇടിയും മിന്നലും മഴയുമുണ്ട്…പ്രകൃതിക്കു പോലും അയാളെ ഇഷ്ടമാണ് …പ്രകൃതി താണ്ഡവമാടിയ സമയത്തും ധിരതയോടെ മനുഷ്യപക്ഷത്ത് ഉറച്ച് നിന്നവന് പ്രകൃതിയുടെ സ്നേഹ സംഗീതമെന്നാണ് ഹരീഷ് ഫേസ്ബുക്കില് കുറിച്ചത്. എന്നും ഇടതിനോട് ഇഷ്ടം കാണിക്കുകയും അഭിപ്രായങ്ങള് ഇടതിന് അനുകൂലമായി തുറന്നു പറയുകയും ചെയ്യുന്ന നടനാണ് ഹരീഷ് പേരടി.
ഹരീഷ് പേരടിയുടെ ഫേസ്ബുക്ക് കുറിപ്പിങ്ങനെ..
ഈ രാത്രിയില് ഞാനിതെഴുതുമ്പോള് ഈ രണ്ടാം വരവിന് പ്രകൃതിയുടെ സംഗീതമുണ്ട്…ഇടിയും മിന്നലും മഴയുമുണ്ട്…പ്രകൃതിക്കു പോലും അയാളെ ഇഷ്ടമാണ് …പ്രകൃതി താണ്ഡവമാടിയ സമയത്തും ധിരതയോടെ മനുഷ്യപക്ഷത്ത് ഉറച്ച് നിന്നവന് പ്രകൃതിയുടെ സ്നേഹ സംഗീതം.. ഇനി നാളെ ജനവിധി മറിച്ചായാല് പോലും നിങ്ങളുടെ ജനകിയ പ്രശ്നങ്ങള് കേള്ക്കാനും അതില് ഇടപ്പെടാനും അയാള് എന്നുമുണ്ടാവും..കാരണം അയാളുടെ പേര് പിണറായി വിജയന് എന്നാണ്..സഖാവാണ്.