വയനാട് പൂക്കോട് വെറ്റിനറി സര്വകലാശാലയില് എസ് എഫ് ഐ യുടെ പരസ്യ വിചാരണക്കും ക്രൂരമർദ്ദനത്തിനുള് പിറകെ കൊല്ലപ്പെട്ടതായി സംശയിക്കുന്ന തിരുവനന്തപുരം സ്വദേശി സിദ്ധാര്ത്ഥ് മരിച്ച സംഭവത്തില് എല്ലാ പ്രതികളും പിടിയിലായി. കേസില് 18 പ്രതികളാണ് കസ്റ്റഡിയിലുള്ളത്. കേസിലെ മുഖ്യപ്രതി സിന്ജോ ജോണ് ഉള്പ്പെടെയുള്ളവരാണ് പിടിയിലായിട്ടുള്ളത്. കല്പ്പറ്റയില് വച്ചാണ് സിന്ജോ പിടിയിലാകുന്നത്.
രാവിലെ കേസിലെ രണ്ട് പ്രതികളെ പിടികൂടിയിരുന്നു. കാശിനാഥന് അല്ത്താഫ് എന്നിവരെയാണ് പിടികൂടിയത്. കാശിനാഥന് പൊലീസി ല് കീഴടങ്ങുകയായിരുന്നു. കൊല്ലത്ത് ഒളിവില് കഴിയുന്നതിനിടെയാ ണ് അല്ത്താഫ് പിടിയിലാകുന്നത്. സിന്ജോയ്ക്കും കാശിനാഥനും ഉള്പ്പെടെ ഒളിവില് പോയവര്ക്കെതിരെ പൊലീസ് ലുക്കൗട്ട് നോട്ടിസ് പുറപ്പെടുവിച്ചിരുന്നു. ഇതോടെ കേസില് മുഴുവന് പ്രതികളും പിടിയിലായെന്നാണ് പോലീസ് പറയുന്നത്.
സിദ്ധാര്ഥന്റെ മരണത്തില് കുറ്റക്കാരായ മുഴുവന് എസ്എഫ്ഐ ക്കാരെയും പിടികൂടണമെന്ന് ആവശ്യപ്പെട്ട് കെഎസ്യു സെക്രട്ടേറിയറ്റിലേക്കും, വെറ്ററിനറി കോളജിലേക്ക് ബിജെപിയും യൂത്ത് കോണ്ഗ്രസും പ്രതിഷേധ മാര്ച്ച് നടത്തി. കഴിഞ്ഞ പതിനെട്ടിനാണ് സിദ്ധാര്ഥനെ ഹോസ്റ്റലിലെ ശുചിമുറിയില് മരിച്ച നിലയിൽ കണ്ടെത്തിയത്.
കല്പറ്റ ഡിവൈഎസ്പി ടി.എന്.സജീവന്റെ നേതൃത്വത്തില് 24 അംഗ സംഘമാണ് കേസ് ഇപ്പോൾ അന്വേഷിച്ചു വരുന്നത്. ജില്ലാ പൊലീസ് മേധാവി മേല്നോട്ടം വഹിക്കും. ഒരുമാസത്തിനുള്ളില് കുറ്റപത്രം സമര്പ്പിക്കുകയാണ് ലക്ഷ്യം. പ്രതികളുടെ സമാനകളില്ലാത്ത മര്ദ്ദനവും ആള്ക്കൂട്ട വിചാരണയും സഹായത്തിന് ആരും എത്താത്തതിലുള്ള മനോവിഷമവുമാണ് ആത്മഹത്യയിലേക്ക് നയിച്ചതെന്ന നിലപാടിൽ തന്നെയാണ് പോലീസ്.
അതേ സമയം സിദ്ധാര്ത്ഥിനെ ആക്രമിച്ച 19 വിദ്യാര്ഥികള്ക്ക് മൂന്നു വര്ഷത്തെ പഠന വിലക്ക് സര്വകലാശാല ഏര്പ്പെടുത്തി. പൂക്കോട് വെറ്ററിനറി കോളജ് ആന്റി റാഗിംഗ് കമ്മിറ്റിയുടെതാണ് തീരുമാനം. രാജ്യത്തെ അംഗീകൃത സ്ഥാപനങ്ങളില് ഇവര്ക്ക് പഠനം സാധ്യമാകില്ലെന്ന് സര്വകലാശാല അധികൃതര് വ്യക്തമാക്കി.