തൃശൂർ . കോൺഗ്രസ് എംപി ടി.എൻ.പ്രതാപന്റെ മകൻ ആഷിഖ് വിവാഹിതനായി. അപർണയാണ് വധു. ലളിതമായ ചടങ്ങു കളോടെയായിരുന്നു വിവാഹം. പരിമിതമായ ആളെ മാത്രമേ ക്ഷണിച്ചിരുള്ളൂ എന്നും ടി.എൻ.പ്രതാപൻ സമൂഹമാധ്യമത്തിൽ കുറിച്ചു. മകന്റെ വിവാഹത്തിന്റെ ഭാഗമായി നിർധനരായ രണ്ടു പെൺകുട്ടികളുടെ വിവാഹത്തിന് വേണ്ട പുടവയും ആഭരണങ്ങളും കൈമാറിയെന്നും ടി.എൻ.പ്രതാപൻ കുറിപ്പിൽ പറഞ്ഞു.
കെപിസിസി പ്രസിഡന്റും പാണക്കാട് സാദിഖലി തങ്ങളും ഇരിഞ്ഞാലക്കുട ബിഷപ്പ് ഡോ. പോളി കണ്ണൂക്കാടനും ഗുരുവായൂർ ദേവസ്വം പ്രസിഡന്റ് വി.കെ.വിജയനും ചടങ്ങിൽ പങ്കെടുത്തിരുന്നു. ‘വിവാഹത്തിന് വന്നവരോടും ആശംസകൾ നേർന്നവരോടും പ്രാർഥനകൾ നൽകിയവരോടും ഹൃദയത്തിൽ നിന്നുള്ള നന്ദി അറിയിക്കട്ടെ’’– വിവാഹത്തിന്റെ ചിത്രം പങ്കുവച്ച് ടി.എൻ.പ്രതാപൻ ഫെയ്സ്ബുക്കിൽ കുറിച്ചു.
