തിരുവനന്തപുരം . പൂക്കോട് വെറ്ററിനറി കോളജ് വിദ്യാര്ഥി സിദ്ധാര്ഥന്റെ മരണത്തിന് പിന്നാലെ സിദ്ധാർഥ് എസ്എഫ്ഐ പ്രവര്ത്തകനാണെന്ന് കാണിച്ച് രാഷ്ട്രീയ ലാക്കോടെ സി പി എം വീടിന് മുന്നില് ഫ്ളക്സ് ബോർഡ് സ്ഥാപിച്ചു. സിദ്ധാർഥ് എസ്എഫ്ഐ പ്രവര്ത്തകനാണെന്ന് ചൂണ്ടിക്കാണിച്ച് സിപിഎം വച്ച ബോർഡ് മാറ്റാൻ പല തവണ അച്ഛന് ടി ജയപ്രകാശ് ആവശ്യപ്പെട്ടെങ്കിലും ബോർഡ് നീക്കം ചെയ്യാൻ സി പി എം കൂട്ടാക്കിയിട്ടില്ല. മകന് എസ്എഫ്ഐ പ്രവര്ത്തകനല്ല. മരണവും മുതലെടുക്കുന്ന ചെറ്റകളാണ് അവരെന്നും പലതവണ ഫ്ലെക്സ് മാറ്റാന് ആവശ്യപ്പെട്ടിട്ടും ഇതുവരെ മാറ്റാന് തയ്യാറായിട്ടില്ലന്നും ജയപ്രകാശ് പറഞ്ഞു.
എസ്എഫ്ഐ പ്രവര്ത്തകനായ സിദ്ധാര്ഥന്റെ കൊലപാതകത്തില് ഉള്പ്പെട്ടിട്ടുള്ള മുഴുവന് ക്രിമിനലുകളേയും നിയമത്തിന് മുന്നില് കൊണ്ടുവരണമെന്നും നീതിക്കായി എന്നും കുടുംബത്തോടൊപ്പം എന്നതാണ് ഫ്ലെക്സില് സി പി എം പറഞ്ഞിരിക്കുന്നത്. വിഷയത്തില് കൃത്യമായ അന്വേഷണം നടത്തണമെന്നും സിപിഎം സ്ഥാപിച്ച ബോർഡിൽ ആവശ്യപ്പെടുന്നു. സിദ്ധാര്ഥ് ഒരിക്കലും എസ്എഫ്ഐയില് പ്രവര്ത്തിച്ചിട്ടില്ല. മറ്റ് പാര്ട്ടിക്കാരുടെ ഭാഗത്തുനിന്ന് എന്തെങ്കിലും സഹായം കിട്ടുന്നുണ്ടെങ്കില് അത് ഇല്ലാതാക്കാനാണ് പാര്ട്ടിക്കാര് അങ്ങനെ ഒരു ഫ്ളക്സ് വെച്ചിരിക്കുന്നത്. അവന് ഒരു പാര്ട്ടിയിലും പ്രവര്ത്തിച്ചില്ല. അതിനുള്ള സമയവും അവന് ഉണ്ടായിരുന്നില്ല – ജയപ്രകാശ് പറഞ്ഞു.
നിലവിലുള്ള അന്വേഷണത്തില് തൃപ്തനാണ്. ഇനിയും പ്രതികളെ പിടിക്കാന് വൈകിയാല് മറ്റ് അന്വേഷണ ഏജന്സികളെ ആവശ്യപ്പെടും – ജയപ്രകാശ് പറഞ്ഞു. ബിവിഎസ്സി രണ്ടാംവര്ഷ വിദ്യാര്ഥിയായിരുന്ന തിരുവനന്തപുരം നെടുമങ്ങാട് സ്വദേശി സിദ്ധാര്ഥനെ ഫെബ്രുവരി 18-നാണ് ഹോസ്റ്റലിലെ കുളിമുറിയില് മരിച്ചനിലയില് കണ്ടെത്തുന്നത്. വാലെന്റൈന്സ് ഡേ ദിനാചരണത്തിൽ കോളജിലുണ്ടായ തര്ക്കത്തെത്തുടര്ന്ന് കോളജില്വെച്ച് സിദ്ധാര്ഥന് ക്രൂരമര്ദനവും ആള്ക്കൂട്ട വിചാരണയും നേരിടേണ്ടിവന്നിരുന്നു. മൂന്നുദിവസം ഭക്ഷണംപോലും കൊടുക്കാതെ തുടര്ച്ചയായി എസ് എഫ് ഐ നേതാക്കൾ സിദ്ധാർത്ഥിന്റെ മർദ്ദിച്ചിരുന്നു. കഴിഞ്ഞദിവസം പുറത്തുവന്ന പോസ്റ്റ്മോര്ട്ടം റിപ്പോര്ട്ടിൽ പിതാവ് ഉൾപ്പടെ ഉന്നയിക്കുന്ന ആരോപണങ്ങൾ ശരിയെന്നാണ് വ്യകതമാക്കുന്നത്.
തിരുവനന്തപുരം . പോലീസ് സംരക്ഷണത്തിൽ പരിഷ്കരിച്ച ഡ്രൈവിങ് ടെസ്റ്റ് നടത്താനൊരുങ്ങി മോട്ടോര് വാഹന വകുപ്പ്. ടെസ്റ്റിന് തീയതി ലഭിച്ച അപേക്ഷകര്…
തിരുവനന്തപുരം . ഉയർന്ന കറന്റ് ബില്ലിന്റെ പേരിൽ വലിയ ആരോപണങ്ങൾ ഉണ്ടാവുന്നതിനിടെ കെഎസ്ഇബിക്കെതിരെ മുൻ ഡിജിപി ആർ ശ്രീലേഖ രംഗത്ത്.…
ന്യൂഡൽഹി . ഇന്ത്യയിലെ ഹിന്ദു ജനസംഖ്യ 1950നും 2015നും ഇടയില് എട്ട് ശതമാനത്തോളം കുറഞ്ഞതായി പഠനം. പ്രധാനമന്ത്രിയുടെ സാമ്പത്തിക ഉപദേശക…
ശിവകാശി . ശിവകാശിയിൽ പടക്കനിർമാണ ശാലയിലുണ്ടായ സ്ഫോടനത്തിൽ എട്ടുമരണം. തമിഴ്നാട്ടിലെ വിരുദുനഗർ ജില്ലയിൽ ശിവകാശിക്ക് സമീപം ചെങ്കമലപ്പട്ടിയിലെ പടക്കനിർമാണ ശാലയിലാണ്…
ന്യൂഡൽഹി . ഡൽഹി മുഖ്യമന്ത്രി അരവിന്ദ് കെജ്രിവാളിന്റെ ഇടക്കാല ജാമ്യാപേക്ഷയെ എതിർത്ത് ഇഡി സുപ്രീം കോടതിയിൽ. തെരഞ്ഞെടുപ്പിന്റെ പശ്ചാത്തലത്തിൽ കെജ്രിവാളിന്…
കൊച്ചി. കാരക്കോണം മെഡിക്കല് കോളജ് കോഴക്കേസില് ഇഡി കോടതിയിൽ കുറ്റപത്രം സമര്പ്പിച്ചു. സിഎസ്ഐ സഭ മുന് ബിഷപ് ധര്മ്മരാജ് റസാലവും…