ദൃശ്യം മോഡൽ അടച്ചിട്ട മുറിയിൽ തലയോട്ടി

കോഴിക്കോട് വടകരയിലെ കടമുറിയിൽ നിന്നും തലയോട്ടി കണ്ടെത്തി. കോഴിക്കോട് വടകര കുഞ്ഞിപ്പള്ളിയിലാണ് അടച്ചിട്ട കടമുറിയിൽ നിന്നും തലയോട്ടി കണ്ടെത്തിയത് . കെട്ടിടം പൊളിച്ചു നീക്കുന്നവരാണ് ആദ്യം തലയോട്ടി കണ്ടത് . ഏകദേശം ആറുമാസം പഴക്കമുണ്ടെന്നാണ് പ്രാഥമിക നിഗമനം . പോലീസ് സ്ഥലത്തെത്തി എന്താണ് സംഭവിച്ചതെന്ന് അന്വേഷിച്ചുവരികയാണ്. ദേശീയ പാത നവീകരണത്തിനായി കുറെ നാളുകളായി കടമുറി അടച്ചിട്ടിരുന്നു. പേപ്പർ പ്ലാസ്റ്റിക്ക് അവശിഷ്ടങ്ങൾക്കിടയിലായിരുന്നു തലയോട്ടി കിടന്നിരുന്നത് . കെട്ടിടം പൊളിക്കുന്നതിനിടെ തൊഴിലാളികളാണ് പ്ലാസ്റ്റിക് മാലിന്യങ്ങൾക്കിടയിൽ നിന്നും തലയോട്ടി കണ്ടെടുത്തത്. ഒരു വർഷത്തിലേറെയായി കട അടച്ചിട്ടിരിക്കുകയാണ്. എന്നാൽ മനുഷ്യന്റെ തലയോട്ടി എങ്ങനെ ഇവിടെ വന്നുവെന്നതിൽ വ്യക്തത ആയിട്ടില്ല എന്ന് പോലീസ് പറഞ്ഞു . ഇന്ന് രാവിലെയാണ് പ്രദേശവാസികളെ ഞെട്ടിച്ച സംഭവം നടന്നത്. ഫോറൻസിക് സംഘം ഉൾപ്പെടെ സ്ഥലത്തെത്തും.