സ്കൂൾ വിദ്യാർത്ഥിയായ14 കാരനെ പൊലീസ് സ്റ്റേഷനിൽ വിളിച്ചുവരുത്തി മർദ്ദിച്ച സംഭവത്തിൽ ബാലാവകാശ കമ്മീഷൻ കേസെടുത്തു. സംഭവത്തിൽ അടിയന്തരമായി റിപ്പോർട്ട് നൽകാൻ ബാലാവകാശ കമ്മീഷൻ ജില്ലാ പൊലീസ് മേധാവിയോട് ആവശ്യപ്പെട്ടിട്ടുണ്ട്. മണ്ണഞ്ചേരി പൊലീസ് സ്റ്റേഷനിലായിരുന്നു അതിക്രൂരത അരങ്ങേറുന്നത്.
ആലപ്പുഴയിൽ പതിനാലുകാരനായ സ്കൂൾ വിദ്യാർത്ഥിയെ സ്റ്റേഷനിൽ വിളിച്ചു വരുത്തി പോലീസ് തല്ലിച്ചതച്ചു എന്നാണു പരാതി. മണ്ണഞ്ചേരി പോലീസ് സ്റ്റേഷനിലാണ് സംഭവം. ഇതര സംസ്ഥാന തൊഴിലാളിയുടെ പത്താം ക്ലാസ് വിദ്യാർഥിയായ മകനെ ആലപ്പുഴയിൽ സ്റ്റേഷനിൽ വിളിച്ചു വരുത്തി പോലീസ് തല്ലിച്ചതക്കുകയായിരുന്നു.
കുട്ടിയുടെ ശരീരമാകെ ലാത്തികൊണ്ട് അടിച്ച പാടുകൾ ഉണ്ട്. വിദ്യാർഥിയെ പൊലീസ് 6 മണിക്കൂർ കസ്റ്റഡിയിൽ വെക്കുകയുണ്ടായി. ഈ സമയത്ത് കുട്ടിയെ കാണാമെന്നു ആവശ്യപ്പെട്ടു എത്തിയ മാതാപിതാക്കളെ പോലും കാണാൻ അനുവദിക്കുകയുണ്ടായില്ല. പരുക്കേറ്റ കുട്ടി ചെട്ടികാട് ഗവ.ആശുപത്രിയിൽ ചികിൽസയിൽ കഴിയുകയാണ്. സംഭവത്തിൽ പ്രായപൂർത്തിയാകാത്ത ആളാണെന്നു അറിയില്ലായിരുന്നു
എന്ന ന്യായീകരണമാണ് പോലീസ് പറയുന്നത്.