ഇസ്രായേലില് നിന്ന് കേന്ദ്രാനുമതി ഇല്ലാതെ വാങ്ങിയ ഉപകരണങ്ങളുടെ സഹായത്തോടെ ഫോണ് ചോര്ത്തിയ സംഭവത്തില് കെ ചന്ദ്രശേഖര് റാവുവിന്റെ നേതൃത്വത്തിലുള്ള ഭാരതീയ രാഷ്ട്ര സമിതി പ്രതിക്കൂട്ടിലായി. തെലങ്കാന മുഖ്യമന്ത്രി രേവന്ത് റെഡ്ഡി ഉള്പ്പെടെയുള്ള നേതാക്കന്മാരുടെയും വ്യവസായികളുടെയും ഫോണ് ചോര്ത്തിയെന്നാണ് കണ്ടെത്തല്.
ചോര്ത്തിയ ഫോണ് സംഭാഷണങ്ങള് ഉപയോഗിച്ച് നിരവധി വ്യവസായികളെ ബിആര്എസ് പാര്ട്ടി നേതാക്കള് ഭീഷണിപ്പെടുത്തിയതായും കണ്ടെത്തിയിട്ടുണ്ട്. വ്യവസായികളോട് ബിആര്എസ് പാര്ട്ടി ഫണ്ടിലേക്ക് വന് തുക സംഭാവന നല്കണമെന്ന് ആവശ്യപ്പെട്ടായിരുന്നു ഭീഷണി. ആരോപണങ്ങളോട് ബിആര്എസ് ഇതുവരെ പ്രതികരിച്ചിട്ടില്ല.
ചന്ദ്രശേഖര് റാവു സര്ക്കാര് അധികാരത്തിലിരുന്ന കാലത്താണ് അന്നത്തെ പ്രതിപക്ഷ നേതാവായിരുന്ന രേവന്ത് റെഡ്ഡി ഉള്പ്പെടെയുള്ളവരുടെ ഫോണ് ചോര്ത്തുന്നത്. സംഭവത്തെ തുടര്ന്ന് മുതിര്ന്ന മൂന്ന് പൊലീസ് ഉദ്യോഗസ്ഥര് അറസ്റ്റിലായിട്ടുണ്ട്. അഡീഷണല് പൊലീസ് സൂപ്രണ്ട് ഭുജംഗ റാവു, അഡീഷണല് പൊലീസ് സൂപ്രണ്ട് തിരുപതണ്ണ എന്നിവര് സംഭവത്തില് കുറ്റസമ്മതം നടത്തിയതായും പൊലീസ് പറയുന്നു.
കേന്ദ്രത്തിന്റെ അനുമതി കൂടാതെ ഇസ്രായേലില് നിന്ന് വാങ്ങിയ ഉപകരണത്തിലൂടെ ആയിരുന്നു ഫോണ് ചോര്ത്തല് നടക്കുന്നത്. ഉപകരണത്തിന് 300 മീറ്റര് ചുറ്റളവിലുള്ള ഫോണ്സംഭാഷണങ്ങള് ചോര്ത്താന് സാധിക്കും എന്നാണു വിവരം. രേവന്ത് റെഡ്ഡിയുടെ വീടിന് സമീപം ഒരു ഓഫീസ് സ്ഥാപിച്ചാണ് സംസ്ഥാന ഇന്റലിജന്സിന്റെ സാങ്കേതിക കണ്സള്ട്ടന്റ് ആയിരുന്ന രവി പോള് ഫോണ് ചോര്ത്തുന്നത്.
സംഭവത്തെ തുടര്ന്ന് അമേരിക്കയിലുള്ള സംസ്ഥാന ഇന്ലിജന്സ് ബ്യൂറോ മുന്മേധാവി ടി പ്രഭാകറിന് പൊലീസ് നോട്ടീസ് അയച്ചിരിക്കുകയാണ്. രേവന്ത് റെഡ്ഡി ഉള്പ്പെടെയുള്ള പ്രതിപക്ഷ നേതാക്കള്ക്ക് പുറമേ വ്യവസായികള്, ഭൂമിക്കച്ചവടക്കാര്, ജ്വല്ലറി ഉടമകള് തുടങ്ങി നിരവധി പേരും ഫോണ് ചോര്ത്തലിന് ഇരയായിട്ടുണ്ടെന്നാണ് പുറത്ത് വരുന്ന വിവരം.
തിരുവനന്തപുരം . പോലീസ് സംരക്ഷണത്തിൽ പരിഷ്കരിച്ച ഡ്രൈവിങ് ടെസ്റ്റ് നടത്താനൊരുങ്ങി മോട്ടോര് വാഹന വകുപ്പ്. ടെസ്റ്റിന് തീയതി ലഭിച്ച അപേക്ഷകര്…
തിരുവനന്തപുരം . ഉയർന്ന കറന്റ് ബില്ലിന്റെ പേരിൽ വലിയ ആരോപണങ്ങൾ ഉണ്ടാവുന്നതിനിടെ കെഎസ്ഇബിക്കെതിരെ മുൻ ഡിജിപി ആർ ശ്രീലേഖ രംഗത്ത്.…
ന്യൂഡൽഹി . ഇന്ത്യയിലെ ഹിന്ദു ജനസംഖ്യ 1950നും 2015നും ഇടയില് എട്ട് ശതമാനത്തോളം കുറഞ്ഞതായി പഠനം. പ്രധാനമന്ത്രിയുടെ സാമ്പത്തിക ഉപദേശക…
ശിവകാശി . ശിവകാശിയിൽ പടക്കനിർമാണ ശാലയിലുണ്ടായ സ്ഫോടനത്തിൽ എട്ടുമരണം. തമിഴ്നാട്ടിലെ വിരുദുനഗർ ജില്ലയിൽ ശിവകാശിക്ക് സമീപം ചെങ്കമലപ്പട്ടിയിലെ പടക്കനിർമാണ ശാലയിലാണ്…
ന്യൂഡൽഹി . ഡൽഹി മുഖ്യമന്ത്രി അരവിന്ദ് കെജ്രിവാളിന്റെ ഇടക്കാല ജാമ്യാപേക്ഷയെ എതിർത്ത് ഇഡി സുപ്രീം കോടതിയിൽ. തെരഞ്ഞെടുപ്പിന്റെ പശ്ചാത്തലത്തിൽ കെജ്രിവാളിന്…
കൊച്ചി. കാരക്കോണം മെഡിക്കല് കോളജ് കോഴക്കേസില് ഇഡി കോടതിയിൽ കുറ്റപത്രം സമര്പ്പിച്ചു. സിഎസ്ഐ സഭ മുന് ബിഷപ് ധര്മ്മരാജ് റസാലവും…