കോഴിക്കോട് . അഴിമതിക്കേസില്‍ കേജ്‌രിവാള്‍ അറസ്റ്റിലായതോടെ ഏറ്റവുമധികം ചങ്കുപിടയ്‌ക്കുന്നത് മുഖ്യമന്ത്രി പിണറായി വിജയനാണെന്ന് മുന്‍ ചീഫ് വിപ്പും ബി ജെ പി നേതാവുമായ പി.സി. ജോര്‍ജ്. പിണറായിയും മകളും വൈകാതെ കേജ്‌രിവാളിനു പിന്നാലെ ജയിലില്‍ കിടക്കേണ്ടിവരും. അതില്‍ വേവലാതിപ്പെട്ടിട്ട് കാര്യമില്ല. പിണറായി കട്ടുമുടിച്ചതിന്റെ തെളിവുകള്‍ ഹൈക്കോടതിയുടെ മുന്നിലെത്തിയിട്ടുണ്ട്. ഹൈക്കോടതി നിര്‍ദേശപ്രകാരമുള്ള അന്വേഷണം അവസാനഘട്ടത്തിലാണ്. കേരളത്തിലെ ജനങ്ങളെ കൊള്ളയടിക്കുമ്പോള്‍ ഓര്‍ക്കണമായിരുന്നു. മോഷ്ടിച്ചും ഗുണ്ടായിസം കാട്ടിയും കേരളത്തെ നശിപ്പിക്കുന്നതിനെതിരെയുള്ള വിധിയെഴുത്താവണം നടക്കാനിരിക്കുന്ന തെരഞ്ഞെടുപ്പ് – പി.സി. ജോര്‍ജ് കോഴിക്കോട് പറഞ്ഞു.
ഹമാസിനു വേണ്ടിയും പൗരത്വ നിയമത്തിനെതിരെയും പ്രതിഷേധിക്കുന്നവര്‍ പൂഞ്ഞാറിലെ അച്ചനെ വണ്ടിയിടിപ്പിച്ചു കൊല്ലാന്‍ ശ്രമിച്ചപ്പോള്‍ ഒരക്ഷരം മിണ്ടിയില്ല. ക്രിസ്ത്യാനിക്ക് കൊള്ളുന്നതില്‍ ഇടതിനും വലതിനും ഒരു പ്രശ്‌നവുമില്ല. ഹമാസിന് അനുകൂലമായും പൗരത്വനിയമ ഭേദഗതിക്കെതിരെയും ഇടതുവലതു മുന്നണികള്‍ കോഴിക്കോട് കേന്ദ്രീകരിച്ച് നടത്തുന്ന പ്രതിഷേധങ്ങള്‍ മുസ്ലിംവോട്ട് ബാങ്ക് ലക്‌ഷ്യം വെച്ചാണെന്നും പി സി ജോർജ് പറഞ്ഞു.
മുസ്ലിം സമൂഹം ഇവരെ തിരിച്ചറിയണം. ഭാരതത്തിലെ ക്രൈസ്തവ സമൂഹം ഉള്‍പ്പെടെ മുഴുവന്‍ സമൂഹത്തോടും തനിക്ക് പറയാനുള്ളത് ഏകരക്ഷ മോദിയാണെന്നും ലോകരാഷ്‌ട്രങ്ങള്‍ക്കു മുന്നില്‍ ഭാരതം നിറഞ്ഞുനില്‍ക്കാന്‍ നരേന്ദ്ര മോദിക്കും മോദിയെ പിന്തുണയ്‌ക്കു ന്നവര്‍ക്കും വോട്ട് ചെയ്യണമെന്നും പി സി ജോർജ് പറഞ്ഞു.
കേന്ദ്ര ആഭ്യന്തര മന്ത്രി അമിത് ഷാ മണിപ്പൂര്‍ സംഘര്‍ഷം പരിഹരി ക്കുന്നതില്‍ ഏറെ പങ്കുവഹിച്ചു. പ്രശ്‌നം പരിഹരിക്കുന്നതില്‍ ഒരു ഭരണാധികാരിയും മുതിരാത്ത നടപടികളാണ് അമിത് ഷാ കൈക്കൊണ്ടത്. മണിപ്പൂരില്‍ ഗോത്രവര്‍ഗ വിഭാഗമായ കുക്കി ക്രിസ്ത്യാനികളും മെയ്‌തെയ് ക്രിസ്ത്യാനികളും തമ്മിലാണ് സംഘര്‍ഷമുണ്ടായത്. മറ്റ് സംസ്ഥാനങ്ങളില്‍ നിന്ന് ചില ഭീകരവാദികള്‍ മണിപ്പൂരില്‍ കടന്ന് ഉണ്ടാക്കുന്ന പ്രശ്‌നമാണ് ഇപ്പോൾ നിലവിലുള്ളത്. മണിപ്പൂരിലെ തദ്ദേശീയ പ്രശ്‌നങ്ങള്‍ ചര്‍ച്ചകളിലൂടെ പരിഹരിക്കുകയാണെന്നും പി സി ജോർജ് പറഞ്ഞു. ബിജെപി ജില്ലാ പ്രസിഡന്റ് അഡ്വ. വി.കെ. സജീവന്‍, സംസ്ഥാന വക്താവ് അഡ്വ. ശ്രീപത്മനാഭന്‍, ലോക്‌സഭാ മണ്ഡലം തെരഞ്ഞെടുപ്പ് ഇന്‍ ചാര്‍ജ് കെ. നാരായണന്‍ എന്നിവര്‍ പങ്കെടുത്തു.
തിരുവനന്തപുരം . മേയര്‍ ആര്യാ രാജേന്ദ്രനും ഭര്‍ത്താവ് സച്ചിന്‍ദേവ് എം എല്‍ എയും ബന്ധുക്കളും കെഎസ്ആര്‍ടിസി ബസ് തടഞ്ഞിട്ട് ഡ്രൈവര്‍…
തിരുവനന്തപുരം . ഐജി പി.വിജയന് എഡിജിപിയായി സ്ഥാനക്കയറ്റം നൽകി ഉത്തരവിറങ്ങി. പൊലീസ് അക്കാദമി ഡയറക്ടറായാണ്‌ നിയമന ഉത്തരവ്. എലത്തൂർ തീവയ്പ്പ്…
പ്രധാനമന്ത്രി നരേന്ദ്ര മോദിക്കും ബി ജെ പിക്കുമെതിരെ രാഷ്ട്രീയ പടവാൾ ഉയർത്തി രൂക്ഷമായി ആക്രമിച്ച് സി പി എം. നരേന്ദ്ര…
തിരുവനന്തപുരം . പ്രധാനമന്ത്രി നരേന്ദ്രമോദിയുടെ സുരക്ഷയെ ബാധിക്കുന്ന തരത്തിൽ വ്യാജ വിഡിയോ പ്രചരിപ്പിച്ച കെപിസിസിക്കെതിരെ നടപടിയെടുക്കണമെന്ന ആവശ്യവുമായി ബിജെപി സംസ്ഥാന…
പത്തനംതിട്ട . ജസ്ന തിരോധാന കേസിൽ രണ്ട് പേരെ മുഖ്യമായി സംശയിക്കുന്നതായി ജസ്നയുടെ പിതാവ് ജെയിംസ്. മകളെ അപായപ്പെടുത്തി എന്നാണ്…
തിരുവനന്തപുരം . ഡൽഹി മുഖ്യമന്ത്രി അരവിന്ദ് കേജ്‌രിവാളിന് ജാമ്യം ലഭിച്ചത് ഭരണത്തിൽ കടിച്ചു തൂങ്ങാനുള്ള ബി ജെ പിയുടെ കുത്സിത…