മലപ്പുറം . മലപ്പുറം പോത്തുകല്ലില് വൈറല് ഹെപ്പറ്റൈറ്റിസ് പടരുമ്പോഴും പ്രതിരോധ പ്രവര്ത്തനങ്ങളില് ഗുരുതര വീഴ്ച. കഴിഞ്ഞ രണ്ട് മാസത്തിനിടെ പോത്തുകല്ലില് 350ഓളം പേര്ക്ക് ആണ് രോഗം റിപ്പോര്ട്ട് ചെയ്യപ്പെട്ടത്. പഞ്ചായത്തിലെ സര്ക്കാര് ആശുപത്രികളില് മതിയായ സൗകര്യമൊരുക്കാൻ പോലും സർക്കാർ ഇതുവരെ തയ്യാറായിട്ടില്ല. അടിയന്തിര നടപടി ആവശ്യപ്പെട്ട് യുഡിഎഫ് ജനപ്രതിനിധികളുടെ നേതൃത്വത്തില് സമരം തുടങ്ങി.
മലപ്പുറം ജില്ലയിലെ എടക്കരയിലും പോത്തുകല്ലിലുമാണ് വൈറല് ഹെപ്പറ്റൈറ്റിസ് പടര്ന്ന് പിടിക്കുന്നത്. മൂന്നാഴ്ചക്കിടെ മൂന്ന് മരണവും റിപ്പോര്ട്ട് ചെയ്യപ്പെട്ടു. വൈറല് ഹെപ്പറ്റൈറ്റിസ് ലക്ഷണങ്ങളോടെ പോത്തുകല്ലില് കഴിഞ്ഞ ദിവസം മറ്റൊരു യുവാവ് കൂടി മരിച്ചു. രോഗം പടരുമ്പോഴും പ്രതിരോധ പ്രവര്ത്തനങ്ങളില് ആരോഗ്യ വകുപ്പും പഞ്ചായത്ത് അധികൃതരും വീഴ്ച വരുത്തുകയാണ്. പോത്തുകല്ല് ഫാമിലി ഹെല്ത്ത് സെന്ററില് മെഡിക്കല് ഓഫീസര് അവധിയിൽ പോയിരിക്കുകയാണ്.
അടിയന്തിര സാഹചര്യം മനസിലാക്കി പകരം ഒരു ഡോക്ടറെ എത്തിക്കാനും സർക്കാരിന് ആയിട്ടില്ല. ആശുപത്രിയില് ആവശ്യത്തിന് ഡോക്ടര്മാരെ നിയോഗിച്ചിട്ടില്ലെന്ന പരാതി ഉയരുമ്പോൾ, ജില്ലാ കലക്ടര് വിഷയത്തില് ഇടപെടണമെന്നാവശ്യപ്പെട്ട് പോത്തുകല്ല് പഞ്ചായത്തിലെ യുഡിഎഫ് അംഗങ്ങള് സമരം ആരംഭിച്ചിരിക്കുകയാണ്.
രോഗം പകരാതിരിക്കാനുള്ള പ്രതിരോധ പ്രവർത്തങ്ങളിൽ ആരോഗ്യ വകുപ്പിന്റെയും പഞ്ചായത്തിന്റെയും ഭാഗത്ത് വീഴ്ച ഉണ്ടായിട്ടുണ്ട്. പോത്തു കല്ല് അങ്ങാടിയിലെ ഓവു ചാലുകളിലേക്ക് മാലിന്യമൊഴുക്കിയ കടകള്ക്കെതിരെ പഞ്ചായത്ത് അധികൃതർ നടപടിയെടുത്തെങ്കിലും മാലിന്യം നീക്കാന് ഇതുവരെ തയ്യാറായിട്ടില്ല. പ്രതിരോധ പ്രവര്ത്തനങ്ങളില് വീഴ്ചയുണ്ടായിട്ടില്ലെന്നും എന് എച്ച് എമ്മിൽ നിന്നും കുടുംബാരോഗ്യ കേന്ദ്രത്തിലേക്ക് ഒരു ഡോക്ടറെ കൂടി നിയമിക്കാനുള്ള ശ്രമം തുടങ്ങിയിട്ടുണ്ടെന്നുമാണ് പോത്തുകല്ല് പഞ്ചായത്ത് അധികൃതർ ഇക്കാര്യത്തിൽ നൽകുന്ന വിശദീകരണം.
ന്യൂ ഡൽഹി . ഓക്സ്ഫോർഡ് സർവ്വകലാശാലയുമായി ചേർന്ന് വികസിപ്പിച്ച കോവിഡ്-19 നുള്ള വാക്സിൻ ടിടിഎസ് മൂലമുള്ള മരണത്തിനും ഗുരുതരമായ പരിക്കിനും…
വാഷിങ്ടണ് . ബിലീവേഴ്സ് ഈസ്റ്റേണ് ചര്ച്ച് അധ്യക്ഷന് മാര് അത്തനാസിയസ് യോഹാന്(കെ പി യോഹന്നാന്) മൊത്രാപ്പൊലീത്ത അന്തരിച്ചു. 74 വയസായിരുന്നു.…
ന്യൂ ഡൽഹി . എസ് എൻ സി ലാവലിൻ കേസ് സുപ്രീം കോടതി ബുധനാഴ്ചയും പരിഗണിച്ചില്ല. ലാവലിൻ കേസിൽ അന്തിമവാദം…
പ്രധാനമന്ത്രി നരേന്ദ്ര മോദി ഇ.ഡിയെ ഉപയോഗിക്കുന്നത് പോലെയാണ് പിണറായി വിജയൻ വിജിലന്സിനെ ഉപയോഗിക്കുന്നതെന്ന് മാത്യു കുഴല്നാടന് എംഎൽഎ. തങ്ങൾക്കെതിരെ വിമർശനം…
തിരുവനനന്തപുരം . ഈ വര്ഷത്തെ എസ്എസ്എല്സി പരീക്ഷാഫലം പ്രഖ്യാപിച്ചു 99.69 ആണ് വിജയശതമാനം. കഴിഞ്ഞ തവണത്തേക്കാള് 0.01 ശതമാനത്തിന്റെകുറവാണിത്. 2970…
ഇടുക്കി . ചിന്നക്കനാലിലെ ഭൂമി കയ്യേറ്റ കേസിൽ എംഎൽഎ മാത്യു കുഴൽനാടനെതിരെ വിജിലൻസ് എഫ്ഐആർ രജിസ്റ്റർ ചെയ്തു. ഇടുക്കി വിജിലൻസ്…