ഗവർണറെ SFI ക്കാർ കരിങ്കൊടി കാട്ടി, നട് റോഡിലിരുന്ന് പ്രതിഷേധിച്ച് ഗവർണർ ആരിഫ് മുഹമ്മദ് ഖാൻ, അമ്പരന്ന് പോലീസ്

കൊല്ലം . പിണറായി സർക്കാരിന്റെ ആഭ്യന്തര വീഴ്ചയിൽ നട് റോഡിലിരുന്ന് പ്രതിഷേധിച്ച് സംസ്ഥാനത്തെ പ്രഥമ പൗരൻ കൂടിയായ ഗവർണർ ആരിഫ് മുഹമ്മദ് ഖാൻ. കൊല്ലം നിലമേലാണ് നാടിനെ ആകെ അമ്പരപ്പിക്കുന്ന സംഭവം ഉണ്ടായിരിക്കുന്നത്. നിലമേലിൽ എസ്എഫ്ഐ പ്രവർത്തകർ കരിങ്കൊടി കാണിച്ചതിനു പിന്നാലെ കാറിൽനിന്നു പുറത്തിറങ്ങുകയായിരുന്നു ഗവർണർ. തനിക്ക് സുരക്ഷാ ഒരുക്കാത്തതിൽ പ്രതിഷേധിച്ച് ഗവർണർ തുടർന്ന് റോഡിൻറെ ഒരമായി ഇരുന്നു.

SFI പ്രവർത്തകർക്കു നേരെ ഗവർണർ ക്ഷുഭിതനായി നടന്നെത്തുകയും, പോലീസ് കാണിച്ച അനാസ്ഥക്കെതിരെ പോലീസിനെ രൂക്ഷമായി ശകാരിക്കുകയും ചെയ്തു. വാഹനത്തിൽ തിരിച്ചുകയറാൻ കൂട്ടാക്കാതെ ഗവർണർ ഏറെനേരമായി റോഡിനു സമീപത്തിരിന്ന് പ്രതിഷേധിക്കുകയാണെന്നാണ് റിപ്പോർട്ട്. SFI ക്കാർ കരിങ്കൊടി കാണിക്കുന്നു എന്നറിഞ്ഞിട്ടും എന്തുകൊണ്ട് ഇവരെ കരുതൽ കസ്റ്റഡിയിൽ എടുത്തില്ല എന്നാണ് ഗവർണർ പൊലീസിനോട് ചോദിച്ചത്. ഗവർണറുടെ അസാധാരണ നീക്കത്തിൽ അമ്പരന്നു പോയിരിക്കുകയാണ് പോലീസ്. കൂടുതൽ പോലീസ് സ്ഥലത്തെത്തിയിട്ടുണ്ട്.

കരിങ്കൊടി കാണിക്കുന്നു എന്നറിഞ്ഞിട്ടും എന്തുകൊണ്ട് ഇവരെ കരുതൽ കസ്റ്റഡിയിൽ എടുത്തില്ല എന്ന് പൊലീസിനോട് ചോദിച്ചു കൊണ്ടാണ് ഗവർണറുടെ അസാധാരണമായ നീക്കം. 12 പ്രവർത്തകരെ അറസ്റ്റ് ചെയ്തതായി പൊലീസ് അറിയിച്ചെങ്കിലും അമ്പതിലധികം പേരുണ്ടായിരുന്നു എന്നായിരുന്നു ഗവർണറുടെ മറുപടി. മുഖ്യമന്ത്രി പോയാൽ ഇങ്ങനെയാണോ സുരക്ഷ ഒരുക്കുന്നതെന്നും ഗവർണർ ചോദിച്ചു. കേന്ദ്ര ആഭ്യന്തരമന്ത്രിയുടെ സെക്രട്ടറിക്ക് ഗവർണർ പരാതി നൽകി. സംഭവത്തെ പറ്റി അറിയിക്കാൻ പ്രധാനമന്ത്രിയെ വിളിക്കാനും ഗവർണർ ഉദ്യോഗസ്ഥർക്ക് നിർദേശം നൽകി.