കൊച്ചി . പൊതുജനങ്ങളോട് എങ്ങനെ പെരുമാറണമെന്ന് പോലീസിനെ പഠിപ്പിക്കാൻ സർക്കാരിനോട് ഹൈക്കോടതി. ആലത്തൂരിലെ കോടതിയലക്ഷ്യ കേസ് പരിഗണിക്കവെയാണ് ഹൈക്കോടതി ഇങ്ങനെ പറഞ്ഞത്. പൊതുജനങ്ങളോട് എങ്ങനെ പെരുമാറണമെന്നത് സംബന്ധിച്ച് പോലീസിന് കര്ശന പരിശീലനം നല്കണമെന്ന് ഹൈക്കോടതി പറഞ്ഞു. ആലത്തൂരിലെ അഭിഭാഷകനും പോലീസും തമ്മില് സ്റ്റേഷനുള്ളില് നടന്ന തര്ക്കവുമായി ബന്ധപ്പെട്ട കോടതിയലക്ഷ്യ കേസ് പരിഗണിക്കുമ്പോൾ ഹൈക്കോടതി പോലീസിനെ രൂക്ഷമായ ഭാഷയിലാണ് വിമർശിച്ചത്.
കോടതി നിര്ദ്ദേശ പ്രകാരം സംസ്ഥാന പോലിസ് മേധാവി ഷേഖ് ദര്വേഷ് സാഹേബും ഓണ്ലൈനായി കോടതിയില് ഹാജരായിരുന്നു. ജസ്റ്റിസ് ദേവന് രാമചന്ദ്രനാണ് ഹര്ജി പരിഗണിച്ചത്. പോലീസ് ഓഫീസറുടെ നടപടി ശരിയെന്ന് തോന്നുന്നുണ്ടോയെന്ന് ഡിജിപിയോട് കോടതി ചോദിക്കുകയുണ്ടായി. സംഭവിക്കാന് പാടില്ലാത്തതായിരുന്നു എന്ന് ഡിജിപി മറുപടി പറഞ്ഞു. ആരോപണവിധേയനായ എസ്ഐയെ സ്ഥലം മാറ്റിയെന്നും ഇത്തരം സംഭവങ്ങള് ആവര്ത്തിക്കരുതെന്ന് ഉദ്യോഗസ്ഥന് മുന്നറിയിപ്പ് നല്കിയിട്ടുണ്ടെന്നും പോലീസ് മേധാവി കോടതിയെ അറിയിച്ചു.
വകുപ്പുതല അന്വേഷണം ആരംഭിച്ചുവെന്നും കുറ്റക്കാരനാണെങ്കിൽ നടപടി ഉണ്ടാകുമെന്നും പോലീസ് മേധാവി കോടതിക്ക് ഉറപ്പു നല്കി. കോടതിയുടെ താല്പര്യം എന്താണെന്നു മനസിലാക്കണമെന്നും ഇത്തരത്തിലുള്ള സംഭവം ആവര്ത്തിക്കാതെ നോക്കണമെന്നും കോടതി ഡിജിപിയോട് തുടർന്ന് നിര്ദ്ദേശിച്ചു. ഒരു വാഹനപകട ക്കേസില് വണ്ടി വിട്ടുകിട്ടാനുള്ള കോടതിയുത്തരവുമായി ആലത്തൂര് സ്റ്റേഷനിലെത്തിയ അഡ്വ. സുഹൈലിനോടു ഒരു പോലീസ് ഉദ്യോഗസ്ഥന് അപമര്യാദയായി പെരുമാറുന്നതിന്റെ ദൃശ്യങ്ങള് സമൂഹ മാധ്യമങ്ങളിൽ വ്യാപകമായി പ്രചരിച്ചിരുന്നു.
തിരുവനന്തപുരം . സി ബി ഐ അന്വേഷിച്ച വിവാദമായ ജസ്ന ജെയിംസിന്റെ തിരോധാനത്തിൽ തുടരന്വേഷണം പ്രഖ്യാപിച്ച് കോടതി. കാഞ്ഞിരപ്പളളി സെന്റ്…
ന്യൂഡൽഹി . സൈനിക ബലം കാണിച്ച് പ്രകോപിപ്പിച്ചാൽ പാകിസ്ഥാൻ ഇന്ത്യയ്ക്കെതിരെ അണുവായുധങ്ങൾ പ്രയോഗിച്ചേക്കുമെന്നു മുതിർന്ന കോൺഗ്രസ് നേതാവ് മണിശങ്കർ അയ്യർ.…
തിരുവനന്തപുരം . മുഖ്യമന്ത്രി പിണറായി വിജയൻ സഞ്ചരിച്ചിരുന്ന നവകേരള ബസ്സിനു നേരെ പ്രതിഷേധിച്ച യൂത്ത് കോൺഗ്രസ്, കെഎസ്യു നേതാക്കളെ മർദിച്ച…
കണ്ണൂര് . പാനൂര് വിഷ്ണുപ്രിയ കൊലക്കേസില് പ്രതി ശ്യാം ജിത്ത് കുറ്റക്കാരനെന്ന് കോടതി. തലശ്ശേരി അഡീഷണല് ജില്ലാ സെഷന്സ് കോടതിയാണ്…
തിരുവനന്തപുരം . പൊലീസ് സംരക്ഷയിൽ സംസ്ഥാനത്ത് ഡ്രൈവിംഗ് ടെസ്റ്റുകള് നടത്തുമെന്ന മന്ത്രി ഗണേഷ് കുമാറിന്റെ പ്രഖ്യാപനം പ്രതിഷേധവും അപേക്ഷകർ എത്താതിരുന്നതും…
കൊച്ചി . ശബരിമല ദര്ശനം ഓണ്ലൈന് ബുക്കിങ് വഴി മാത്രം എന്ന് നിജപ്പെടുത്തിയ ദേവസ്വം ബോര്ഡ് തീരുമാനം അയ്യപ്പഭക്തരോടുള്ള അവഗണനയും,…