തൊടുപുഴ ന്യൂമാൻ കോളേജ് അധ്യാപകനായിരുന്ന പ്രൊഫ. ടി ജെ ജോസഫിന്റെ കൈവെട്ടിയ കേസിലെ ഒന്നാം പ്രതി സവാദിനെ ജനുവരി 27 വരെ കോടതി എൻഐഎ കസ്റ്റഡിയിൽ വിട്ടു. 10 ദിവസം കസ്റ്റഡിയിൽ വേണമെന്നായിരുന്നു എൻഐഎ ആവശ്യപ്പെട്ടിരുന്നത്. സവാദിന്റെ തിരിച്ചറിയൽ പരേഡ് വ്യാഴാഴ്ച സബ് ജയിലിൽ പൂർത്തിയാക്കിയിരുന്നു. എറണാകുളം സബ് ജയിലിൽ നടത്തിയ തിരിച്ചറിയൽ പരേഡിൽ ഒന്നാം പ്രതി സവാദിനെ ടി ജെ ജോസഫ് തിരിച്ചറിഞ്ഞിരുന്നു.
ആക്രമണ സംഭവത്തിന് ശേഷം ഒളിവിൽ പോയ സവാദിനെ 13 വർഷത്തിൽ പിന്നെ കഴിഞ്ഞ ആഴ്ചയാണ് കണ്ണൂരിൽ നിന്ന് എൻഐഎ അറസ്റ്റ് ചെയ്യുന്നത്. ആദ്യം സവാദിനെ 24 വരെ കൊച്ചിയിലെ എൻഐഎ കോടതി റിമാന്റ് ചെയ്തിരുന്നു. തുടർന്ന് പ്രതിയുടെ തിരിച്ചറിയൽ പരേഡ് നടത്തണമെന്ന എൻഐഎയുടെ ആവശ്യം കോടതി അംഗീകരിച്ചു. ഇതിനായി ഇയാളെ എറണാകുളം സബ് ജയിലിലേക്ക് അയക്കണമെന്നും അന്വേഷണ ഏജൻസി ആവശ്യപ്പെടുകയുണ്ടായി. 2010 ജൂലൈ നാലിനാണ് തൊടുപുഴ ന്യൂമാൻ കോളേജിലെ അധ്യാപകനായിരുന്ന പ്രൊഫസർ ടി ജെ ജോസഫിന്റെ കൈ വെട്ടിയ സംഭവം നടക്കുന്നത്.
സവാദിനെ ഒളിവിൽ കഴിയവേ കണ്ണൂർ ജില്ലയിലെ മട്ടന്നൂരിൽ നിന്നാണ് എൻഐഎ അറസ്റ്റ് ചെയ്യുന്നത്. മട്ടന്നൂരിൽ ഷാജഹാൻ എന്ന പേരിൽ ഒളിവിൽ താമസിച്ച് ആശാരിപ്പണി ചെയ്ത് വരികയായിരുന്നു സവാദ്. ലഭിച്ച രഹസ്യവിവരത്തിന്റെ അടിസ്ഥാനത്തിൽ ഇയാൾ താമസിച്ചിരുന്ന വീട് വളഞ്ഞ് സവാദിനെ എൻ ഐ എ പിടികൂടുകയായിരുന്നു. ഇയാൾ ഷാജഹാൻ എന്ന പേരിലാണ് ഇപ്പോൾ അറിയപ്പെടുന്നതെന്ന് എൻഐഎ കോടതിയെ അറിയിച്ചിട്ടുണ്ട്.
ഇയാളെ കസ്റ്റഡിയിൽ വാങ്ങി വിശദമായ ചോദ്യം ചെയ്യാനാണ് എൻഐഎയുടെ തീരുമാനിച്ചിരിക്കുന്നത്. 13 വർഷം ഒളിവിൽ കഴിയാൻ സഹായം ചെയതവർ ആരൊക്കെ എന്നതടക്കമുള്ള വിവരങ്ങളാണ് എൻഐഎ അന്വേഷിച്ചു വരുന്നത്. പോപ്പുലർ ഫ്രണ്ട് പ്രവർത്തകൻ കൂടിയായ സവാദിനെ കണ്ടെത്താൻ സഹായിക്കുന്ന വർക്ക് നേരത്തെ എൻഐഎ പാരിതോഷികം പ്രഖ്യാപിച്ചിരു ന്നതുമാണ്.
ന്യൂദല്ഹി . അന്താരാഷ്ട്ര ഭീകര സംഘടനകളിൽ ഒന്നായ ഐഎസിന്റെ ഖൊറാസാന് മൊഡ്യൂളിന്റെ ആശയങ്ങള് പ്രചരിപ്പിച്ച കേസില് കശ്മീരി ദമ്പതികള് ഉള്പ്പെടെ…
ന്യൂഡല്ഹി . പ്രധാനമന്ത്രി നരേന്ദ്രമോദിയുമായി തുറന്ന സംവാദത്തിന് സമ്മതം അറിയിച്ച് കോണ്ഗ്രസ് നേതാവ് രാഹുല് ഗാന്ധി. സംവാദത്തിനായി മുന് ജസ്റ്റിസുമാരായ…
പഠനത്തിന് ആവശ്യമായ അടിസ്ഥാന സൗകര്യങ്ങളോ ലാബ് സൗകര്യങ്ങളോ കൊണ്ട് വരാതെ പ്ലസ് വണ് പ്രവേശനത്തിന് ഇക്കുറിയും അധിക ബാച്ച് അനുവദിക്കാതെ…
കാലാവസ്ഥാ വ്യതിയാനം കടലിനെ ഗുരുതരമായി ബാധിച്ചിരിക്കെ, കള്ളക്കടൽ പ്രതിഭാസവും കടൽക്ഷോഭവും സ്ഥിതിഗതികൾ ഗുരുതരമാക്കിയിരിക്കുന്ന സംസ്ഥാനത്തെ തീരാദേശ മേഖലയിൽ പട്ടിണി മരണങ്ങൾ…
തിരുവനന്തപുരം . പിതാവിനും സഹോദരനുമൊപ്പം പുഴയിൽ കുളിക്കാനിങ്ങിയ പതിമൂന്നുകാരൻ ഒഴുക്കിൽ പെട്ട് മരിച്ചു. വട്ടിയൂർക്കാവ് കാവടിക്കടവിന് സമീപം ശനിയാഴ്ച ഉച്ച…
തിരുവനന്തപുരം . കരമന സ്വദേശി അഖിലിനെ കൊലപ്പെടുത്തിയ കേസില് ഒരാള് പിടിയില്. കൊലയാളി സംഘത്തില് ഉള്പ്പെട്ട അനീഷാണ് പിടിയിലായിരിക്കുന്നത്. അഖിലിനെ…