ഔദ്യോഗിക ഭാഷ സംസ്കൃതവും ശ്രീരാമന്റെ പേരിൽ കറൻസിയും ഉള്ള ഒരുനാടുണ്ട് ലോകത്ത്, മഹർഷി വേദിക് സിറ്റിയെ അറിയുക

ഭാരതത്തിന്റെ സനാതനമൂല്യങ്ങൾ കാത്തു സൂക്ഷിച്ച് വേദങ്ങളിൽ അധിഷ്ഠിതമായ ജീവിതം നയിക്കുന്ന ഒരു കൂട്ടം മനുഷ്യരുടെ ഒരു നഗരമുണ്ട് ലോകത്ത്. ഇന്ത്യക്ക് പുറത്ത് അമേരിക്കയിൽ ആണത്. മഹർഷി വേദിക് സിറ്റി എന്ന പേരിൽ അറിയപ്പെടുന്ന ഈ നഗരത്തിന് സ്വന്തമായി ഔദ്യോഗിക ഭാഷയും കറൻസിയും ഒക്കെയുണ്ട്. സംസ്കൃതമാണ് ഇവിടുത്തെ ഔദ്യോഗിക ഭാഷ. ശ്രീരാമന്റെ ചിത്രം ആലേഖനം ചെയ്ത റാം ആണ് ഇവിടുത്തെ കറൻസി.

യു എസ് എ യിലെ അയോവയിലെ ജെഫേഴ്സൺ കൗണ്ടിയിലാണ് ഈ നഗരം സ്ഥിതി ചെയ്യുന്നത്. ലോകത്തിലെ ആദ്യ വേദനഗരം എന്നാണ് മഹർഷി വേദിക് സിറ്റി അറിയപ്പെടുന്നത്. മഹർഷി വേദിക് സിറ്റി യുടെ രൂപീകരണം 2001-ലാണ് നടക്കുന്നത്. മഹർഷി മഹേഷ് യോഗിയാണ് ഈ വേദനഗരത്തിന്റെ സ്ഥാപകൻ. 1982 ന് ശേഷം അയോവയിൽ സംയോജിപ്പിച്ച ആദ്യത്തെ നഗരമെന്ന പ്രത്യേകത കൂടി ഇതിനുണ്ട്. ഇവിടുത്തെ കെട്ടിടങ്ങൾ പോലും മഹർഷി വേദത്തെ അടിസ്ഥാനമാക്കിയാണ് നിർമ്മിച്ചിട്ടുള്ളത്.

ഈ വേദനഗരത്തിൽ പുരാതന വാസ്തുവിദ്യയുടെ രൂപകൽപ്പനയാണ് കാണാൻ കഴിയുക. 2002 മുതൽ ഇവിടെ ജൈവേതര ഭക്ഷണം വിൽക്കുന്നത് നിരോധിച്ചു. സംസ്കൃതമാണ് ഇവിടുത്തെ ഔദ്യോഗിക ഭാഷ. ശ്രീരാമന്റെ ചിത്രം ആലേഖനം ചെയ്ത റാം ആണ് ഇവിടുത്തെ കറൻസിയായി പ്രഖ്യാപിച്ചിരുന്നത്. ‘ലോകസമാധാനത്തിന്റെ ആഗോള രാജ്യം (ജി‌സി‌ഡബ്ല്യു‌പി ) യു‌എസ്‌എ ആസ്ഥാനമായുള്ള ഒരു ലാഭേച്ഛയില്ലാത്ത സ്ഥാപനമാണ്കറൻസിയ്‌ക്ക് പിന്നിൽ.

വേൾഡ് പീസ് ബോണ്ട് എന്നാണ് ഇവിടുത്തെ കറൻസി അറിയപ്പെടുന്നത്. ഇത് ലോകസമാധാനം ശക്തിപ്പെടുത്തുമെന്നും സമ്പദ്‌വ്യവസ്ഥയെ സന്തുലിതമാക്കുമെന്നും ദാരിദ്ര്യത്തിനെതിരെ പോരാടുമെന്നുമാണ് വിശ്വസിക്കുന്നത്. യൂറോപ്പിൽ, ഇത് പത്ത് യൂറോയ്‌ക്ക് തുല്യമാണ്, യുഎസിൽ ഇത് പത്ത് ഡോളറായി മാറുന്നു. നൂറ്റാണ്ടുകൾ പഴക്കമുള്ള വേദങ്ങളെ അടിസ്ഥാനമാക്കി തികച്ചും ഹൈന്ദവ വിശ്വാസപ്രകാരമുള്ള ജീവിതമാണിവിടെ ഏവരും നയിക്കുന്നത് എന്നതാണ് ശ്രദ്ധേയം. ദിവസവും രണ്ട് നേരം യോഗാഭ്യാസം ഇവിടെ നിർബന്ധമാണെന്നതും എടുത്ത് പറയേണ്ടിയിരിക്കുന്നു.