ഇടത് സർക്കാരിന്റെ ഭരണ കാലയളവിലെ അവസാന ബജറ്റ് അവതരണത്തിൽ റെക്കോഡിട്ട് ധനമന്ത്രി ടി. എം തോമസ് ഐസക്. സംസ്ഥാന ചരിത്രത്തിലെ ഏറ്റവും ദൈര്ഘ്യമേറിയ ബജറ്റിന് ഇന്ന് നിയമസഭ സാക്ഷിയായി. 2021 ലെ ഈ ബജറ്റ് മൂന്ന് മണിക്കൂര് പതിനെട്ട് മിനിട്ട് നീണ്ടുകൊണ്ടാണ് മന്ത്രി തോമസ് ഐസക് അവതരിപ്പിച്ചത്.
സംസ്ഥാന ചരിത്രത്തിലെ ഏറ്റവും ദൈര്ഘ്യമുള്ള ബജറ്റ് അവതരിപ്പിച്ചതിന്റെ റെക്കോഡ് മുന് മുഖ്യമന്ത്രി ഉമ്മന്ചാണ്ടിക്കായിരുന്നു. 2016ലായിരുന്നുഉമ്മന്ചാണ്ടി ബജറ്റ് അവതരിപ്പിച്ചത്. അന്ന് ബജറ്റ് അവതരണം രണ്ട് മണിക്കൂര് 54 മിനിട്ട് നീണ്ടു നിന്നു. 2013 ല് കെ. എം മാണിയുടെ രണ്ട് മണിക്കൂര് 50 മിനിട്ട് സമയമാണ് ഉമ്മന്ചാണ്ടി മറികടന്നത്.
സര്ക്കാറിന്റെ അഞ്ച് വര്ഷത്തെ ക്ഷേമപദ്ധതികള് എണ്ണിപ്പറഞ്ഞും സാമ്ബത്തിക ഞെരുക്കത്തിനിടയാക്കിയ സാഹചര്യങ്ങള് വിശദീകരിച്ചുമായിരുന്നു ധനമന്ത്രിയുടെ പ്രസംഗം. പ്രസംഗത്തിന്റെ തുടക്കം മുതല്ത്തന്നെ സ്കൂള് വിദ്യാര്ഥികളുടെ കവിതകള് സാന്ദർഭികമായി ഉദ്ധരിച്ചു എന്നതും ഇത്തവണത്തെ ബജറ്റിനെ ഏറെ ശ്രദ്ധേയമാക്കി.
കഴിഞ്ഞ അഞ്ച് വര്ഷം പൊതുവിദ്യാഭ്യാസമടക്കം സാമൂഹിക സുരക്ഷാ മേഖലയിലായിരുന്നു സര്ക്കാര് ഏറെ ശ്രദ്ധ പുലര്ത്തിയത്. ഇതിന്റെ ഫലം ഇന്ന് സംസ്ഥാനം അനുഭവിക്കുന്നുണ്ട്. ഇനി സർക്കാർ മുന്നോട്ടുവെക്കുന്നത് ഉന്നത വിദ്യാഭ്യാസ മേഖലയിൽ ഒരു കുതിപ്പാണ്. ഇതിനായി നിരവധി പ്രഖ്യാപനങ്ങളാണ് ബജറ്റില് ഉള്പ്പെടുത്തിയത്.
ബജറ്റ് പ്രഖ്യാപനങ്ങള്
* 2021-22 ല് എട്ട് ലക്ഷം തൊഴിലവസരങ്ങള് സൃഷ്ടിക്കും.
* 15,000 കോടിയുടെ കിഫ്ബി പദ്ധതി നടപ്പാക്കും.
* തദ്ദേശസ്ഥാപനങ്ങള്ക്ക് 1,000 കോടി അധികം നല്കും.
* 4,530 കിലോമീറ്റര് റോഡുകളുടെ പുനരുദ്ധാരണം പൂര്ത്തിയാക്കും.
* എട്ട് ലക്ഷം തൊഴില് അവസരങ്ങള് പുതിയതായി സൃഷ്ടിക്കും.
* സ്ത്രീകള്ക്കായി പ്രത്യേക തൊഴില് പദ്ധതി.
* കോവിസ് സൃഷ്ടിച്ച ധനപ്രതിസന്ധി പരിഹരിക്കാന് വിവിധ മേഖലകള്ക്ക് വായ്പകള് അടക്കം പദ്ധതികള്.
* സര്ക്കാര് കോളജുകളുടെ പശ്ചാത്തല വികസനത്തിന് 56 കോടി.
* വീടിനടുത്ത് ജോലി പദ്ധതിക്ക് 20 കോടി.
* ജോലി നഷ്ടപ്പെട്ട പ്രൊഫഷണലുകള്ക്ക് ജോലിക്കായി പദ്ധതി.
* അഫിലിയേറ്റഡ് കോളജുകള്ക്ക് 1,000 കോടി.
* കെ.ഫോണ് പദ്ധതിയുടെ ആദ്യഘട്ടം ഫെബ്രുവരിയില്.
*അഭ്യസ്തവിദ്യര്ക്ക് തൊഴിലിന് കര്മ്മപദ്ധതി
* സ്ത്രീകള്ക്ക് തൊഴിലിന് പ്രത്യേക പദ്ധതി
* തൊഴില് അന്വേഷകര്ക്ക് കംപ്യൂട്ടര് അടക്കം വായ്പ നല്കും
* തൊഴിലന്വേഷകരുടെ വിവരങ്ങള് ഡിജിറ്റല് പ്ളാറ്റ്ഫോമില് ലഭ്യമാക്കും
* അഞ്ച് വര്ഷം കൊണ്ട് 20 ലക്ഷം പേര്ക്ക് തൊഴില് നല്കും.
* ജൂലായ് മാസത്തോടെ കെ ഫോണ് പദ്ധതി പൂര്ത്തിയാക്കും, ഫെബ്രുവരിയില് ആദ്യ ഘട്ടം
* തൊഴില് വേണ്ടവര്ക്ക് അടുത്തമാസം മുതല് ഡിജിറ്റല് രജിസ്ട്രേഷന് ആരംഭിക്കും
* ദുര്ബല വിഭാഗക്കാര്ക്ക് പകുതി വിലയ്ക്ക് ലാപ്ടോപ്പ് , സംവരണ വിഭാഗങ്ങള്ക്ക് സൗജന്യ ലാപ്ടോപ്പ്
* ജോലി നഷ്ടപ്പെട്ട പ്രൊഫഷണലുകള്ക്ക് തൊഴില് നല്കും
* സര്വകലാശാലകളില് പുതിയ അധ്യാപക തസ്തിക സൃഷ്ടിക്കും
* ഉന്നത വിദ്യാഭ്യാസ മേഖലയില് പുതിയ പദ്ധതികള് നടപ്പാക്കും
* പശ്ചാത്തല സൗകര്യങ്ങള്ക്ക് കിഫ്ബി വഴി 2000 കോടി അനുവദിക്കും
* കോളജുകള്ക്ക് 1000 കോടി
* പുതിയ കോഴ്സ്ുകള് അനുവദിക്കും
* ഉന്നത വിദ്യാഭ്യാസത്തിന് ആറിന പദ്ധതി
* കോളജുകളില് ഒഴിവുള്ള 800 തസ്തികകള് ഉടന് നികത്തും
* കോളജുകളില് 10 ശതമാനം സീറ്റ് വര്ധന
* സര്വകലാശാലകളില് 800 തസ്തികകള്
* ആരോഗ്യ ഗവേഷണ സര്വകലാശാലക്ക് ഡോ. പല്പ്പുവിന്റെ പേര്
* സര്വകലാശാലകളില് മികവിന്റെ 30 കേന്ദ്രങ്ങള്
* ഗവേഷണത്തിന് മുഖ്യമന്ത്രിയുടെ ഫെല്ലോഷിപ്പ്
* വരുന്ന അധ്യയന വര്ഷം 20000 കുട്ടികള്ക്ക് ഉന്നത പഠന സൗകര്യം
* 2600 സ്റ്റാര്ട്ടപ്പുകള് വരും
* സ്റ്റാര്ട്ടപ്പുകള്ക്ക് 50 കോടി
* തിരുവനന്തപുരത്ത് മെഡിക്കല് ഡിവൈസ് പാര്ക്ക്
* കേരളത്തിലെ മരുന്ന് ഉല്പ്പാദനം 250 കോടിയായി ഉയര്ത്തും
* കാന്സര് മരുന്നുകള്ക്കുള്ള പ്രത്യേക പാര്ക്ക് ഈ വര്ഷം തറക്കല്ലിടും
* ടെക്നോപാര്ക്കിന് 22 കോടി, ഇന്ഫോപാര്ക്കിന് 36 കോടി, സൈബര് പാര്ക്കിന് 12 കോടി
* കേരള ഇന്നവേഷന് ചലഞ്ചിന് 40 കോടി
* കേരള വിനോദ സഞ്ചാര തൊഴിലാളി ക്ഷേമ ബോര്ഡ് രൂപീകരിക്കും
* മൂന്ന് വ്യവസായ ഇടനാഴികള്ക്ക് തുടക്കമിടും; ഇതിനായി 5000 കോടി അനുവദിക്കും
* മൂന്നരലക്ഷം കുട്ടികള്ക്ക് പുതുതായി പഠന സൗകര്യം
* കേരളത്തില് ഇന്റര്നെറ്റ് ആരുടെയും കുത്തകയാവില്ല.
* വിഴിഞ്ഞം മുതല് നാവായിക്കുളം വരെ വന്കിട പദ്ധതികള്
* തൊഴിലില്ലായ്മ പരിഹരിക്കാന് ബൃഹദ്പദ്ധതി
* കണ്ണൂര് വിമാനത്താവളത്തിന് സമീപം 8000 ഏക്കര് ഏറ്റെടുക്കും
* തൊഴിലുറപ്പ് തൊഴിലാളികള്ക്ക് ക്ഷേമനിധി രൂപീകരിക്കും
* അയ്യന്കാളി തൊഴിലുറപ്പ് പദ്ധതിക്ക് നൂറ് കോടി രൂപ അനുവദിക്കും. ശരാശരി 75 ദിവസം തൊഴില് നല്കും
* ടൂറിസം നിക്ഷേപകര്ക്ക് പലിശ ഇളവോടെ വായ്പ
* ടൂറിസം മാര്ക്കറ്റിംഗിന് 100 കോടി
* ഏകോപിത പ്രവാസി പദ്ധതിക്ക് നൂറ് കോടി
* ചാന്പ്യന്സ് ബോട്ട് ലീഗ് പുനരാരംഭിക്കും
* പ്രവാസി ചിട്ടി ഊര്ജിതമാക്കും
* മടങ്ങിവരുന്ന പ്രവാസികള്ക്ക് നൈപുണ്യ പദ്ധതി
* നാട്ടില് തിരിച്ചെത്തുന്ന പ്രവാസിക്ക് 3000 രൂപ പെന്ഷന്
* കാര്ഷിക വികസനത്തിന് മൂന്നിന കര്മ്മപദ്ധതി
* കാര്ഷിക മേഖലയില് രണ്ട് ലക്ഷം തൊഴിലവസരം
* കര്ഷക തൊഴിലാളി ക്ഷേമനിധിയ്ക്ക് 100 കോടി
* ആലപ്പുഴയില് അടുത്ത മാസം ഡിജിറ്റല് ആയി കയര് വ്യാപാര മേള നടത്തും
* കൈത്തറി മേഖലക്ക് 52 കോടി രൂപ വകയിരുത്തും
* മത്സ്യ സംസ്കരണ വിപണനത്തിനും മത്സ്യകൃഷിക്കും 66 കോടി രൂപ
* എല്ലാ പഞ്ചായത്തുകളിലും കുടുംബശ്രീയുടെ സഹായത്തോടെ കയര് ക്രാഫ്ട് സെന്ററുകള്ക്ക് നാല് കോടി
* അതിഥി തൊഴിലാളികളുടെ ക്ഷേമത്തിന് 10 കോടി
* ഭിന്നശേഷിക്കാരുടെ സ്വയം തൊഴില് പദ്ധതിക്ക് 6 കോടി
* ഗാര്ഹിക തൊഴിലാളികള്ക്ക് 5 കോടി
* ബാര്ബര് ഷോപ്പുകളുടെ നവീകരണത്തിന് 2 കോടി
* പ്രായമായവര്ക്ക് സ്വയം തൊഴിലിന് പദ്ധതി
* ഭിന്നശേഷിക്കാര്ക്ക് സ്വയംതൊഴിലിന് 6 കോടി
* കടല്ഭിത്തി നിര്മാണത്തിന് 150 കോടി
* പട്ടിക ജാതി/പട്ടിക വിഭാഗത്തിന് ലൈഫ് മിഷന് വഴി വീട് വയ്ക്കാന് 2080 കോടി
* മത്സ്യത്തൊഴിലാളികള്ക്ക് മണ്ണെണ്ണ സബ്സിഡി 60 കോടി
* ഭക്ഷ്യ സബ്സിഡിക്ക് 60 കോടി
* വയോജനങ്ങള്ക്ക് മരുന്ന് വീട്ടിലെത്താന് കാരുണ്യ അറ്റ് ഹോം
* ബാംബു കോര്പ്പറേഷന് 5 കോടി രൂപ അനുവദിക്കും
* ആഴക്കടല് മത്സ്യബന്ധനത്തിനും മറ്റ് പദ്ധതികള്ക്കും 25 കോടി രൂപ
* മത്സ്യബന്ധന മേഖലയില് 10,000 വീടുകള് നിര്മ്മിക്കും
* മുന്നോക്കക്കാരിലെ പിന്നോക്കകാര്ക്ക് 31 കോടി
* ലേബര് കമ്മീഷണറേറ്റിന് 100 കോടി
* 5000 വയോക്ലബ് രൂപീകരിക്കും
* ഭക്ഷ്യ കിറ്റ് വിതരണം തുടരും
* കിറ്റിന് പുറമെ 15 രൂപ നിരക്കില് 10 കിലോ അരി നൽകും.
Summary: Budget 2021; Popular Announcements
തിരുവനന്തപുരം . പോലീസ് സംരക്ഷണത്തിൽ പരിഷ്കരിച്ച ഡ്രൈവിങ് ടെസ്റ്റ് നടത്താനൊരുങ്ങി മോട്ടോര് വാഹന വകുപ്പ്. ടെസ്റ്റിന് തീയതി ലഭിച്ച അപേക്ഷകര്…
തിരുവനന്തപുരം . ഉയർന്ന കറന്റ് ബില്ലിന്റെ പേരിൽ വലിയ ആരോപണങ്ങൾ ഉണ്ടാവുന്നതിനിടെ കെഎസ്ഇബിക്കെതിരെ മുൻ ഡിജിപി ആർ ശ്രീലേഖ രംഗത്ത്.…
ന്യൂഡൽഹി . ഇന്ത്യയിലെ ഹിന്ദു ജനസംഖ്യ 1950നും 2015നും ഇടയില് എട്ട് ശതമാനത്തോളം കുറഞ്ഞതായി പഠനം. പ്രധാനമന്ത്രിയുടെ സാമ്പത്തിക ഉപദേശക…
ശിവകാശി . ശിവകാശിയിൽ പടക്കനിർമാണ ശാലയിലുണ്ടായ സ്ഫോടനത്തിൽ എട്ടുമരണം. തമിഴ്നാട്ടിലെ വിരുദുനഗർ ജില്ലയിൽ ശിവകാശിക്ക് സമീപം ചെങ്കമലപ്പട്ടിയിലെ പടക്കനിർമാണ ശാലയിലാണ്…
ന്യൂഡൽഹി . ഡൽഹി മുഖ്യമന്ത്രി അരവിന്ദ് കെജ്രിവാളിന്റെ ഇടക്കാല ജാമ്യാപേക്ഷയെ എതിർത്ത് ഇഡി സുപ്രീം കോടതിയിൽ. തെരഞ്ഞെടുപ്പിന്റെ പശ്ചാത്തലത്തിൽ കെജ്രിവാളിന്…
കൊച്ചി. കാരക്കോണം മെഡിക്കല് കോളജ് കോഴക്കേസില് ഇഡി കോടതിയിൽ കുറ്റപത്രം സമര്പ്പിച്ചു. സിഎസ്ഐ സഭ മുന് ബിഷപ് ധര്മ്മരാജ് റസാലവും…