അടൂര് . പട്ടാഴിമുക്ക് കെപി റോഡില് കാര് കണ്ടെയ്നര് ലോറിയിൽ ഇടിച്ചു രണ്ടുപേര് മരിച്ച സംഭവത്തില് ആര്ടിഒ എന്ഫോഴ്സമെന്റിന്റെ അന്വേഷണ റിപ്പോര്ട്ട് പുറത്ത് വന്നു. നൂറനാട് സ്വദേശിനി അനുജ രവീന്ദ്രന് (37) ചാരുംമൂട് സ്വദേശി ഹാഷിം (31) എന്നിവരാണ് വെള്ളിയാഴ്ച പുലര്ച്ചെ ഉണ്ടായ അപകടത്തില് മരണപ്പെട്ടിരുന്നത്. ഹാഷീം ഓടിച്ച കാർ മനഃപൂര്വം അമിതവേഗതയിൽ ട്രക്കിലേക്ക് ഇടിച്ചു കയറ്റിയെന്നാണ് ആര്ടിഒ എന്ഫോഴ്സമെന്റിന്റെ അന്വേഷണ റിപ്പോര്ട്ടില് പറഞ്ഞിരിക്കുന്നത്. അപകടം സമയം ബ്രേക്ക് ഉപയോഗിച്ചിട്ടില്ലെന്നും പരിശോധനയില് കണ്ടെത്തി.
അനുജയും ഹാഷിമും വാഹനാപകടത്തില് മരണപ്പെട്ടതിന് പിറകെ സംഭവത്തില് പല ദുരൂഹതകളും ഉണ്ടായി. അനുജയും ഹാഷിമും തമ്മിലുള്ള സൗഹൃദം ബന്ധുക്കള് അറിയുകയും അത് കുടുംബപ്രശ്നങ്ങള്ക്ക് വഴിവെക്കുകയും ഉണ്ടായി. തുമ്പമണ് നോര്ത്ത് ഹൈസ്കൂളിലെ അധ്യാപികയായിരുന്നു അനുജ. ഹാഷിം സ്വകാര്യ ബസ് ഡ്രൈവറാണ്.
തിരുവനന്തപുരത്തുനിന്ന് സ്കൂളിലെ അധ്യാപകരുമൊത്ത് വിനോദയാത്ര കഴിഞ്ഞെത്തിയ അനുജയെ വാഹനം തടഞ്ഞ് ഹാഷിം കൂട്ടിക്കൊണ്ടു പോവുകയാണ് ഉണ്ടായത്. അനുജയും സംഘവും വന്ന വാഹനത്തിന് പിന്നാലെ ഹാഷിം കാറുമായെത്തുകയായിരുന്നു. പത്തനംതിട്ട – കൊല്ലം ജില്ലാ അതിര്ത്തിയായ ഏനാത്തുവെച്ച് അധ്യാപക സംഘത്തിന്റെ വാഹനത്തിന് കുറുകേ ഹാഷിം കാര് നിര്ത്തി. വാഹനത്തിന്റെ വാതിലില് തട്ടി അനുജയെ പുറത്തേക്ക് വിളിച്ചിറക്കുകയായിരുന്നു. ഹാഷിം ബന്ധുവാണെന്നും വീട്ടിലേക്കെത്തിക്കോളാമെന്നുമായിരുന്നു കാര്യം എന്താണെന്ന് ആരാഞ്ഞ സഹപ്രവര്ത്തകര്ക്ക് അനുജ നല്കുന്ന മറുപടി.
എന്നാലും സഹഅധ്യാപകര് അനുജയുടെ ഭര്ത്താവിനേയും അച്ഛനേയും വിവരം അറിയിച്ചു. അടുത്ത പൊലീസ് സ്റ്റേഷനില് വിവരം അറിയിക്കാനും തങ്ങള് സ്റ്റേഷനിലേക്ക് എത്താമെന്നും ഇവര് പറഞ്ഞു. തുടര്ന്ന് ഇവര് നൂറനാട് പൊലീസ് സ്റ്റേഷന് വഴി അടൂര് സ്റ്റേഷനിലേക്ക് വിവരം കൈമാറുകയായിരുന്നു. വൈകാതെ ഇരുവരുടേയും മരണവാര്ത്ത അറിയുകയായിരുന്നു.
കണ്ണൂര് . കേരളത്തെ ബോംബ്കൾ ഉപയോഗിച്ച് തകർക്കുവാൻ ഒരുങ്ങുകയാണോ സിപിഎം.നിർമ്മിച്ച് കൂടിയിരിക്കുന്ന ബോംബുകൾ രാഷ്ട്രീയ ശത്രുക്കൾക്കെതിരെ എറിയുകയുയാണ് സി പി…
ന്യൂഡൽഹി . ലോക്സഭാ തിരഞ്ഞെടുപ്പിൽ കേരളത്തിൽ ബിജെപി അക്കൗണ്ട് തുറക്കുമെന്ന് കേന്ദ്ര ആഭ്യന്തര മന്ത്രി അമിത് ഷാ. എൻഡിഎ സംഖ്യം…
പൊന്നാനി. മത്സ്യബന്ധന ബോട്ടിൽ കപ്പലിടിച്ച് 2 പേരെ കാണാതായി. ഇടിയുടെ ആഘാതത്തിൽ ബോട്ട് രണ്ടായി മുറിഞ്ഞ് കടലിൽ താഴുകയായിരുന്നു. സ്രാങ്ക്…
കോഴിക്കോട് . ആർഎംപി നേതാവ് കെ എസ് ഹരിഹരന്റെ വീടിന് നേരെ സ്ഫോടക വസ്തുക്കൾ ഉപയോഗിച്ച് ആക്രമണം. സ്കൂട്ടറിലെ ത്തിയ…
റഫയിലേക്കുള്ള ഇസ്രയേലിന്റെ കടന്നാക്രമണം ഏതുവിധേനെയും അവസാനിപ്പിക്കുക എന്നത് ഇപ്പോൾ ലോകരാഷ്ട്രങ്ങളുടെ ആവശ്യമായി മാറിയിരിക്കുകയാണ്. ഒരു നാട്ടിൽ ഇത്രയേറെ ദുരിതം വിതച്ചുള്ള…
സ്ത്രീ വിരുദ്ധ പരാമർശം നടത്തി വിവാദത്തിലായിരിക്കുകയാണ് കെ എസ് ഹരിഹരൻ… ആർ എം പി നേതാവായ ഹരിഹരൻ ഒരു പൊതുപരിപാടിയിൽ…