കൽപ്പറ്റ . വിദേശരാജ്യങ്ങളിലേക്ക് ജോലി വാഗ്ദാനം ചെയ്ത് പണം തട്ടിയെന്ന പരാതിയില് കലാഭവന് സോബി ജോര്ജ് (56) അറസ്റ്റിലായി. കഴിഞ്ഞ ദിവസം കൊല്ലത്ത് വച്ചാണ് ബത്തേരി പൊലീസ് സോബിയെ പിടികൂടുന്നത്. വയനാട്ടില് ആറ് കേസുകളടക്കം സംസ്ഥാനത്ത് 26 കേസുകളാണ് ഇയാള്ക്കെതിരെയുള്ളതെന്നാണ് പോലീസ് പറയുന്നുണ്ടെങ്കിലും കഴിഞ്ഞ ദിവസം ബാലഭാസ്കര് കേസുമായി ബന്ധപ്പെട്ട് സോബി മൊഴി നൽകിയ പിറകെയാണ് അറസ്റ്റ് ഉണ്ടായിരിക്കുന്നതെന്നതാണ് ശ്രദ്ധേയം. സംഭവം ഈ കേസ് അന്വേഷിചിച്ചിരുന്ന കേരള പോലീസിനെ ചൊടിപ്പിച്ചിരുന്നു.
വിദേശ രാജ്യങ്ങളില് ജോലി വാഗ്ദാനം നല്കി ലക്ഷങ്ങള് തട്ടിയെന്നാണ് പരാതി. പുല്പ്പള്ളി സ്വദേശിയുടെ പരാതിയിലാണ് അറസ്റ്റ് ഉണ്ടായത്. ‘പുല്പ്പള്ളി സ്വദേശിക്ക് സ്വിറ്റ്സര്ലാന്റിലേക്ക് വിസ വാഗ്ദാനം ചെയ്ത് മൂന്ന് ലക്ഷം രൂപ മൂന്ന് വര്ഷം മുൻപ് സോബി തട്ടിയെടുത്തത്. സമാനരീതിയില് പുല്പ്പള്ളി പൊലീസ് സ്റ്റേഷനില് നാലും അമ്പലവയല് സ്റ്റേഷനില് ഒരു കേസുമടക്കം ജില്ലയില് ആറ് കേസാണ് സോബിക്കെതിരെ നിലവിൽ ഉള്ളത്. സംസ്ഥാനത്തെ വിവിധ സ്റ്റേഷനുകളിലായി സമാന പരാതിയില് ഇരുപത് കേസുകളും സോബിക്കെതിരെ ഉണ്ട്.
നിരവധി ചേക്ക് കേസുകളിലും സോബി പ്രതിയാണ്. വയനാട്ടില് നിന്ന് മാത്രം 25 ലക്ഷം രൂപ ഇയാള് തട്ടിയതായാണ് നിഗമനം.’ ഇയാള് സഞ്ചരിച്ചിരുന്ന ബെന്സ് കാറും കസ്റ്റഡിയിലെടുത്തതായി പൊലീസ് പറഞ്ഞു. അതേസമയം, ബാലഭാസ്കര് കേസുമായി ബന്ധപ്പെട്ട് നല്കിയ മൊഴിയില് താന് ഉറച്ചുനില്ക്കുന്നതായും കഴിഞ്ഞദിവസം സിബിഐക്ക് മൊഴി നല്കിയതിന്റെ പരിണിതഫലമാണ് നിലവിലെ കേസുകളെന്നും സോബി പ്രതികരിക്കുകയുണ്ടായി. കോടതിയിലേക്ക് കൊണ്ടുപോകാന് വാഹനത്തില് കയറ്റുന്നതിനിടെയാണ് സോബി ഇക്കാര്യം മാധ്യമങ്ങളോട് പറയുന്നത്.
കണ്ണൂർ . പാനൂർ വിഷ്ണുപ്രിയ കൊലക്കേസിൽ പ്രതി ശ്യാംജിത്തിന് ജീവപര്യന്തം തടവ് ശിക്ഷവിധിച്ച് കോടതി. പ്രതി ശ്യാംജിത്തിന് ജീവപര്യന്തം തടവ്…
കണ്ണൂര് . കേരളത്തെ ബോംബ്കൾ ഉപയോഗിച്ച് തകർക്കുവാൻ ഒരുങ്ങുകയാണോ സിപിഎം.നിർമ്മിച്ച് കൂടിയിരിക്കുന്ന ബോംബുകൾ രാഷ്ട്രീയ ശത്രുക്കൾക്കെതിരെ എറിയുകയുയാണ് സി പി…
ന്യൂഡൽഹി . ലോക്സഭാ തിരഞ്ഞെടുപ്പിൽ കേരളത്തിൽ ബിജെപി അക്കൗണ്ട് തുറക്കുമെന്ന് കേന്ദ്ര ആഭ്യന്തര മന്ത്രി അമിത് ഷാ. എൻഡിഎ സംഖ്യം…
പൊന്നാനി. മത്സ്യബന്ധന ബോട്ടിൽ കപ്പലിടിച്ച് 2 പേരെ കാണാതായി. ഇടിയുടെ ആഘാതത്തിൽ ബോട്ട് രണ്ടായി മുറിഞ്ഞ് കടലിൽ താഴുകയായിരുന്നു. സ്രാങ്ക്…
കോഴിക്കോട് . ആർഎംപി നേതാവ് കെ എസ് ഹരിഹരന്റെ വീടിന് നേരെ സ്ഫോടക വസ്തുക്കൾ ഉപയോഗിച്ച് ആക്രമണം. സ്കൂട്ടറിലെ ത്തിയ…
റഫയിലേക്കുള്ള ഇസ്രയേലിന്റെ കടന്നാക്രമണം ഏതുവിധേനെയും അവസാനിപ്പിക്കുക എന്നത് ഇപ്പോൾ ലോകരാഷ്ട്രങ്ങളുടെ ആവശ്യമായി മാറിയിരിക്കുകയാണ്. ഒരു നാട്ടിൽ ഇത്രയേറെ ദുരിതം വിതച്ചുള്ള…