ലക്ഷദ്വീപും ആൻഡമാനും പോലുള്ള ഇന്ത്യൻ ദ്വീപുകൾ കണ്ട് തീർത്ത ശേഷം നമുക്കിനി വിദേശ രാജ്യങ്ങൾ കാണാമെന്ന് നടി ശ്വേതാ മേനോൻ. ഇന്ത്യൻ ടൂറിസത്തെ പിന്തുണയ്ക്കണമെന്ന് അഭ്യർത്ഥിച്ച് നടി ശ്വേതാ മേനോന്റെ ഫേസ്ബുക്ക് പോസ്റ്റ്. ഇന്ത്യ- മാലദ്വീപ് പ്രശ്നങ്ങൾക്കിടെയാണ് നടിയുടെ പ്രതികരണം. ലോകത്തെ ഒന്നായി കാണാനാണ് ഇന്ത്യ പഠിപ്പിക്കുന്നതെന്ന് പറഞ്ഞിരിക്കുന്ന ശ്വേത മേനോന്റെ ഫേസ് ബുക്ക് പോസ്റ്റ് ഇങ്ങനെ .
‘വസുധൈവ കുടുംബകം. ലോകം ഒരു കുടുംബമായി ഞങ്ങൾ വിശ്വസിക്കുന്നു. എന്നാൽ എന്റെ രാജ്യത്തെക്കുറിച്ച് പറയുമ്പോൾ, അത് എന്റെ വൈകാരിക വശമാണ്. ഒരു പട്ടാളക്കാരന്റെ മകൾ എന്ന നിലയിൽ രാജ്യത്തെയോർത്ത് അഭിമാനം കൊള്ളുന്നു. നിങ്ങൾക്ക് ഞങ്ങളെ അപമാനിക്കാനാകില്ല. ഞങ്ങളുടെ ടൂറിസം വരുമാനം ഇനിയും ഉയരും. അതിനാൽ, നമുക്ക് നമ്മുടെ ലക്ഷദ്വീപും ആൻഡമാനും ഇന്ത്യൻ ദ്വീപുകൾ കണ്ട് തീർത്തതിന് ശേഷം വിദേശ രാജ്യങ്ങൾ കാണാം. എന്റെ എല്ലാ ആരാധകരോടും ഇന്ത്യക്കാരോടും #ExploreIndianIslandsലേക്ക് പോകാൻ ഞാൻ അഭ്യർത്ഥിക്കുന്നു. നമ്മുടെ പ്രാദേശിക ടൂറിസത്തെ പിന്തുണയ്ക്കണം. ഒരു ഇന്ത്യക്കാരിയയതിൽ ഞാൻ അഭിമാനിക്കുന്നു.’- ശ്വേത മേനോൻ കുറിച്ചു.
ലക്ഷദ്വീപ് സന്ദർശനത്തിന് പിന്നാലെ പ്രധാനമന്ത്രി നരേന്ദ്രമോദി വിനോദ സഞ്ചാരികളെ ഇവിടേയ്ക്ക് ക്ഷണിച്ചിരുന്നു. പിന്നാലെയാണ് രാജ്യത്തേയും പ്രധാനമന്ത്രിയേയും ആക്ഷേപിച്ച് മാലദ്വീപ് മന്ത്രിമാർ ആക്ഷേപവുമായി രംഗത്ത് എത്തുന്നത്. സോഷ്യൽ മീഡിയയിൽ മാലദ്വീപ് സർക്കാരിന്റെ നിലപാടിനെതിരായ പ്രതിഷേധം കനത്തിരിക്കുകയാണ്. ബോയ്കോട്ട് മാലദ്വീപ്, എക്സ്പ്ലോർ ഇന്ത്യൻ ഐലന്റ്സ് എന്നീ ഹാഷ്ടാഗുകൾ എക്സിൽ തരംഗമാണ്. ഇന്ത്യയിൽ നിന്നുള്ള ആയിരക്കണക്കിന് പേർ മാലദ്വീപിലേക്കുളള യാത്രകൾ റദ്ദാക്കി.
ലക്ഷദ്വീപിന്റെ മനോഹാരിത ആസ്വദിക്കുന്ന പ്രധാനമന്ത്രി നരേന്ദ്രമോദിയുടെ ചിത്രം പങ്കുവച്ച് നടി രചന നാരായണൻ കുട്ടിയും പിന്തുണയുമായി എത്തിയിട്ടുണ്ട്. അടുത്ത യാത്ര എന്തുകൊണ്ട് ലക്ഷദ്വീപിലേക്ക് ആയിക്കൂടാ എന്ന ക്യാപ്ഷനോടെയാണ് ചിത്രം പങ്കുവച്ചിരിക്കുന്നത്. തന്റെ സുഹൃത്തുക്കളെ അടക്കം പങ്കുവച്ചാണ് രചന പോസ്റ്റ് ഷെയർ ചെയ്തിരിക്കുന്നത്.
റഫയിലേക്കുള്ള ഇസ്രയേലിന്റെ കടന്നാക്രമണം ഏതുവിധേനെയും അവസാനിപ്പിക്കുക എന്നത് ഇപ്പോൾ ലോകരാഷ്ട്രങ്ങളുടെ ആവശ്യമായി മാറിയിരിക്കുകയാണ്. ഒരു നാട്ടിൽ ഇത്രയേറെ ദുരിതം വിതച്ചുള്ള…
സ്ത്രീ വിരുദ്ധ പരാമർശം നടത്തി വിവാദത്തിലായിരിക്കുകയാണ് കെ എസ് ഹരിഹരൻ… ആർ എം പി നേതാവായ ഹരിഹരൻ ഒരു പൊതുപരിപാടിയിൽ…
മേയർ ആര്യ രാജേന്ദ്രൻ - ഡ്രൈവർ യദു തർക്കത്തിൽ നടക്കുന്നത് വൻ അട്ടിമറി നീക്കം. സംഭവത്തിന്റെ തുടക്കം മുതൽ തന്നെ…
ലോക്സഭാ തിരഞ്ഞെടുപ്പിന്റെ ഫലം കാത്തിരിക്കുകയാണ് എല്ലാ രാഷ്ട്രീയ പാർട്ടികളും അണികളും. രാഷ്ട്രീയപരമായി എല്ലാ നീക്കങ്ങളും ഇനി നടത്തണമെങ്കിൽ തിരഞ്ഞെടുപ്പ് ഫലം…
ലോക്സഭാ തെരഞ്ഞെടുപ്പിന് ശേഷം സംസ്ഥാന കോണ്ഗ്രസില് സംഘടനാ തലത്തില് അടി മുടി അഴിച്ചുപണി ഉണ്ടാകുമെന്ന് റിപ്പോര്ട്ടുകള്. ലോക്സഭാ തെരഞ്ഞെടുപ്പിനിടെ ഉണ്ടായ…
'എന്റെ ഉപ്പുപ്പാന് ആനയുണ്ടായിരുന്നു' എന്ന് പറഞ്ഞു മാടമ്പിത്തരം കാട്ടി ജനത്തിന് മേൽ കുതിരകേറാം എന്ന് ചിന്തിക്കുന്ന ഒരു രാഷ്ട്രീയക്കാരനെയും കേരളം…