ഈ നാരീശക്തി പ്രകടനത്തിൽ മലയാളികൾക്കും അഭിമാനിക്കാം പുതു ചരിത്രം കുറിയ്ക്കാനായി റിപ്പബ്ലിക്ക് പരേഡ്

റിപ്പബ്ലിക്ദിന പരേഡിന്റെ ചരിത്രത്തിൽ ആദ്യമായി ഇത്തവണ ഡൽഹി പൊലീസ് സംഘത്തിൽ വനിതകൾ മാത്രം അണിനിരക്കും. 147 അംഗ സംഘത്തെ നയിക്കുന്നത് മലയാളി ഐപിഎസ് ഓഫിസർ ശ്വേത കെ.സുഗതനാണു. കഴിഞ്ഞ റിപ്പബ്ലിക്ദിന പരേഡിലും ഡൽഹി പൊലീസ് സംഘത്തെ നയിച്ചത് തൃശൂർ ചാലക്കുടി സ്വദേശിയായ ശ്വേതയാണ്. കഴിഞ്ഞ വർഷം പരേഡ് നയിച്ച അനുഭവപരിചയത്തിന്റെ അടിസ്ഥാനത്തിലാണ് രണ്ടാം തവണയും ഈ നിയോഗമെത്തിയത്. ഡൽഹി നോർത്ത് അഡീഷനൽ ഡിസിപിയാണു ശ്വേത. ശ്വേത നയിക്കുന്ന പരേഡിൽ അഭിമാനം കൊണ്ട് തന്റെ മാതാപിതാക്കളും ഗാലറിയിൽ ഉണ്ടാകും. വടക്കുകിഴക്കൻ സംസ്ഥാനങ്ങളിൽ നിന്നുള്ളരാണ് പരേഡിൽ പങ്കെടുക്കുന്ന വനിത കോൺസ്റ്റബിൾമാരിൽ 80 ശതമാനവും . പരേഡ് നയിക്കുന്ന ശ്വേതയൊഴികെ മറ്റെല്ലാ വനിത കോൺസ്റ്റബിൾമാരും ആദ്യമായി റിപ്പബ്ലിക്ദിന പരേഡിൽ പങ്കെടുന്നവരാണെന്നു സ്പെഷൽ പൊലീസ് കമ്മിഷണർ (ആംഡ് പൊലീസ്) റോബിൻ ഹിബു പറഞ്ഞു. ഇത്തവണ ഡൽഹി പൊലീസിന്റെ ഗാനം ആലപിച്ച് കർത്തവ്യ പഥിലൂടെ നീങ്ങുക വനിത കോൺസ്റ്റബിൾ റുയാംഗുന്വോ കെൻസെ നയിക്കുന്ന വനിതാ ഉദ്യോഗസ്ഥരുടെ പൈപ്പ് ബാൻഡ് സംഘമാണ്. വനിതകളുടെ മാത്രം പൈപ്പ് ബാൻഡ് ആയിരുന്നു കഴിഞ്ഞ വർഷവും പങ്കെടുത്തിരുന്നത്. വിവിധ മേഖലകളിലെ സ്ത്രീ പങ്കാളിത്തം പ്രോത്സാഹിപ്പിക്കുന്നതിനായി ഭാഗമായി കർത്തവ്യ പാതയിലെ റിപ്പബ്ലിക്ക് ദിന പരേഡിൽ മാർച്ച് പാസ്റ്റുകളിലും ടാബ്ലോകളിലും മറ്റു പ്രകടനങ്ങളിലും സ്ത്രീകളെ മാത്രം പങ്കെടുപ്പിക്കാൻ സർക്കാർ തീരുമാനിച്ചതിൽ ചില ആശയ കുഴപ്പം സൃഷ്ടിച്ചതായും മാധ്യമങ്ങൾ റിപ്പോർട്ട് ചെയ്തു. ഇതിനായി വേണ്ടത്ര സ്ത്രീകൾ സേനയിൽ ഇല്ല എന്നാണു പറയുന്നത്. എന്ത് തന്നെ ആയാലും ശ്വേതാ നയിക്കുന്ന പരേഡ് കേരള ജനതകൾക് ഒരു അഭിമാന മുഹൂർത്തമാകും.