മണിപ്പൂരിലെ ഉഖ്രുലിൽ ഭൂചലനം, 4.6 തീവ്രത

മണിപ്പൂരിലെ ഉഖ്രുലിൽ സമീപം ഭൂചലനം ഉണ്ടായി. 208 കിലോമീറ്റർ അകലെ മ്യാൻമറിനോട് ചേർന്നാണ് ഭൂചലനം രേഖപ്പെടുത്തിയത്. റിക്ടർ സ്കെയിലിൽ 4.6 തീവ്രത രേഖപ്പെടുത്തിയ ഭൂചലനമുണ്ടാ യതായി നാഷണൽ സെന്റർ ഫോർ സീസ്മോളജി ആണ് അറിയിച്ചിരിക്കുന്നത്. രാത്രി 10 മണിയോടെ 120 കിലോമീറ്റർ താഴ്ചയിൽ ഭൂചലനം ഉണ്ടായതെന്നും പറഞ്ഞിട്ടുണ്ട്.

മ്യാൻമറിൽ ഇതേ ദിവസം റിപ്പോർട്ട് ചെയ്യുന്ന രണ്ടാമത്തെ ഭൂചലന മാണിത്. നേരത്തെ ഉച്ചയ്ക്ക് 1:47ന് അസമിലെ ദിബ്രുഗഢിൽ നിന്ന് 226 കിലോമീറ്റർ അകലെ 3.5 തീവ്രത രേഖപ്പെടുത്തിയ ഭൂചലനം അനുഭവപ്പെട്ടിരുന്നു. സംഭവത്തിൽ ആളപായമൊന്നും ഇതുവരെ റിപ്പോർട്ട് ചെയ്തിട്ടില്ല.

ഇന്ത്യയുടെ ഭൂകമ്പ മേഖല ഭൂപടമനുസരിച്ച് ഉയർന്ന അപകടസാ ധ്യതയുള്ള ഭൂകമ്പ മേഖലയിലാണ് മണിപ്പൂർ ഉള്ളത്. ഏറ്റവും തീവ്രമായ ഭൂകമ്പങ്ങൾ ഉണ്ടാകുന്ന മേഖലയാണ് സോൺ 5, അതേസമയം ഏറ്റവും കുറഞ്ഞ ഭൂചലനങ്ങൾ അനുഭവപ്പെടുന്ന മേഖലയെ സോൺ 2 ലാണ് ഉൾപ്പെടുത്തിയിട്ടുള്ളത്. ഭൂമിശാ സ്ത്രപരമായ ഘടന സ്ഥാനവും കാരണം ഈ പ്രദേശത്ത് ഇടയ്ക്കിടെയുള്ള ഭൂചലനങ്ങൾ ഉണ്ടാവാറുണ്ട്. സെപ്റ്റംബറിൽ ഉഖ്‌റുളിൽ നിന്ന് 60 കിലോമീറ്റർ അകലെ 5.1 തീവ്രത രേഖപ്പെടുത്തിയ ശക്തമായ ഭൂചലനം ഉണ്ടായി.