നടിയെ ആക്രമിച്ച കേസിലെ മെമ്മറി കാര്ഡ് പരിശോധിച്ചത് ആരാണെന്ന് കണ്ടെത്തണമെന്ന ആവശ്യവുമായി അതിജീവിത. മെമ്മറി കാര്ഡ് നിയമവിരുദ്ധ പരിശോധന നടത്തിയ സംഭവത്തില് അന്വേഷണം തേടി അതിജീവിത വിചാരണ കോടതിക്ക് കത്ത് നൽകി. സംഭവം നീതിപൂര്വ്വമായി അന്വേഷിക്കണമെന്നും വിവോ ഫോണിന്റെ ഉടമയെ കണ്ടെത്തണമെന്നും കത്തിൽ പറയുന്നു.
കോടതിയില് സൂക്ഷിച്ച മെമ്മറി കാര്ഡിലെ ദൃശ്യങ്ങള് ആരോ അനധികൃതമായി കണ്ടിട്ടുണ്ടെന്നും അവ പകര്ത്തിയിട്ടുണ്ടെന്നും കൈമാറ്റം ചെയ്തിട്ടുണ്ടെന്നുമായിരുന്നു അതിജീവിത ഹൈക്കോടതിയിൽ ഉന്നയിച്ചിരുന്ന ആരോപണം. ഈ സംഭവത്തില് ഹൈക്കോടതി നേരത്തെ അന്വേഷണത്തിന് ഉത്തരവിട്ടിരുന്നു.
നടിയെ ആക്രമിച്ച ദൃശ്യങ്ങളടങ്ങിയ മെമ്മറി കാർഡിന്റെ ഹാഷ് വാല്യുവില് മാറ്റം വന്നതായി തിരുവനന്തപുരം ഫൊറന്സിക് ലാബില് നടത്തിയ പരിശോധനയില് കണ്ടെത്തിയിരുന്നു. ഇതോടെയാണ് അതിജീവിത അന്വേഷണം ആവശ്യപ്പെട്ട് രംഗത്ത് വരുന്നത്. ഡിസംബര് ഏഴിന് ഹൈക്കോടതി ഇത് സംബന്ധിച്ച് അന്വേഷണത്തിന് ഉത്തരവിട്ടു. ഒരു മാസത്തിനകം അന്വേഷണം പൂര്ത്തിയാക്കി റിപ്പോര്ട്ട് നല്കണമെന്നായിരുന്നു നിര്ദ്ദേശം. സംഭവത്തില് കോടതി മേല്നോട്ടത്തില് അന്വേഷണം ആവശ്യപ്പെട്ടായിരുന്നു അതിജീവിത ഹര്ജി നൽകിയിരുന്നത്.
വിചാരണ കോടതിയുടെ കസ്റ്റഡിയില് ഇരിക്കെ മെമ്മറി കാര്ഡിന്റെ ഹാഷ് വാല്യു മാറിയെന്നതിന് ഫോറന്സിക് റിപ്പോര്ട്ട് തെളിവുണ്ടെന്നതാന് ശ്രദ്ധേയം. ആരെങ്കിലും ദൃശ്യം പരിശോധിക്കുമ്പോഴാണ് ഹാഷ് വാല്യു മാറുന്നതെന്നും കോടതിയുടെ കസ്റ്റഡിയിലിരിക്കെ ദൃശ്യങ്ങള് ആരോ പരിശോധിച്ചെന്നും ഹര്ജിയില് ആരോപിച്ചിരുന്നു. അപകീര്ത്തികരമായ ദൃശ്യങ്ങള് പുറത്ത് പോകുന്നത് സ്വകാര്യതയെ ബാധിക്കുമെന്നും അതിജീവിത പറഞ്ഞിരുന്നതാണ്.
ആക്രമണ ദൃശ്യങ്ങളടങ്ങിയ മെമ്മറി കാര്ഡിന്റെ ഹാഷ് വാല്യു 2018 ജനുവരി 9നും ഡിസംബര് 13നുമാണ് ആദ്യം മാറിയതെന്നും പിന്നീട് 2021 ജൂലൈയിലും മാറിയതായും ഫോറന്സിക് പരിശോധന ഫലത്തിലാണ് കണ്ടെത്തുന്നത്. വിചാരണക്കോടതിയില് സമര്പ്പിച്ച മെമ്മറി കാര്ഡിന്റെ ഹാഷ് വാല്യു മാറിയത് ഗുരുതരമായ സംഭവമാണ്. ഇക്കാര്യത്തിൽ കൂടുതല് അന്വേഷണം വേണമെന്നും ക്രൈംബ്രാഞ്ചും ആവശ്യപ്പെട്ടിരുന്നതാണ്.
ദൃശ്യങ്ങള് സുരക്ഷിതമാണെന്ന് ഉറപ്പാക്കേണ്ടതുണ്ടെന്ന് സര്ക്കാരും കോടതിയെ അറിയിക്കുകയുണ്ടായി. മുമ്പ് ആക്രമണ ദൃശ്യങ്ങള് അടങ്ങിയ മെമ്മറി കാര്ഡ് കോടതിയുടെ കസ്റ്റഡിയിലിരിക്കെ ചോര്ന്നതില് പരിശോധന വേണമെന്ന് അതിജീവിത ഹൈക്കോടതിയെ സമീപിച്ചപ്പോള് ആശങ്ക വേണ്ടെന്നായിരുന്നു മറുപടിയായി ലഭിച്ചിരുന്നത്. ‘കോടതിയിലുള്ളത് തന്റെ ദൃശ്യങ്ങളാണ്. അത് പുറത്ത് പോയാല് തന്റെ ഭാവിയെ ബാധിക്കും. ദൃശ്യങ്ങള് ചോര്ത്തിയത് ആരാണെന്ന് അറിയണമെന്നും ഹര്ജിക്കാരി ആവശ്യപ്പെടുകയായിരുന്നു.
തിരുവനന്തപുരം . പോലീസ് സംരക്ഷണത്തിൽ പരിഷ്കരിച്ച ഡ്രൈവിങ് ടെസ്റ്റ് നടത്താനൊരുങ്ങി മോട്ടോര് വാഹന വകുപ്പ്. ടെസ്റ്റിന് തീയതി ലഭിച്ച അപേക്ഷകര്…
തിരുവനന്തപുരം . ഉയർന്ന കറന്റ് ബില്ലിന്റെ പേരിൽ വലിയ ആരോപണങ്ങൾ ഉണ്ടാവുന്നതിനിടെ കെഎസ്ഇബിക്കെതിരെ മുൻ ഡിജിപി ആർ ശ്രീലേഖ രംഗത്ത്.…
ന്യൂഡൽഹി . ഇന്ത്യയിലെ ഹിന്ദു ജനസംഖ്യ 1950നും 2015നും ഇടയില് എട്ട് ശതമാനത്തോളം കുറഞ്ഞതായി പഠനം. പ്രധാനമന്ത്രിയുടെ സാമ്പത്തിക ഉപദേശക…
ശിവകാശി . ശിവകാശിയിൽ പടക്കനിർമാണ ശാലയിലുണ്ടായ സ്ഫോടനത്തിൽ എട്ടുമരണം. തമിഴ്നാട്ടിലെ വിരുദുനഗർ ജില്ലയിൽ ശിവകാശിക്ക് സമീപം ചെങ്കമലപ്പട്ടിയിലെ പടക്കനിർമാണ ശാലയിലാണ്…
ന്യൂഡൽഹി . ഡൽഹി മുഖ്യമന്ത്രി അരവിന്ദ് കെജ്രിവാളിന്റെ ഇടക്കാല ജാമ്യാപേക്ഷയെ എതിർത്ത് ഇഡി സുപ്രീം കോടതിയിൽ. തെരഞ്ഞെടുപ്പിന്റെ പശ്ചാത്തലത്തിൽ കെജ്രിവാളിന്…
കൊച്ചി. കാരക്കോണം മെഡിക്കല് കോളജ് കോഴക്കേസില് ഇഡി കോടതിയിൽ കുറ്റപത്രം സമര്പ്പിച്ചു. സിഎസ്ഐ സഭ മുന് ബിഷപ് ധര്മ്മരാജ് റസാലവും…