കൊച്ചി . ശബരിമല ഭക്തർ മണിക്കൂറുകളോളം വഴിയിൽ കുടുങ്ങിയ സംഭവത്തിൽ ഡി ജി പി നേരിട്ട് ഇടപെടണമെന്ന ആവശ്യപ്പെട്ട് ഹൈക്കോടതി. ശബരിമല ഭക്തർ മണിക്കൂറുകളോളം വഴിയിൽ കുടുങ്ങിയതിന്റെ പശ്ചാത്തലത്തിൽ അവധിദിന സ്‌പെഷ്യൽ സിറ്റിംഗ് നടത്തി ഹൈക്കോടതി വിഷയത്തിൽ ഇടപെടുകയാ യിരുന്നു. തീര്‍ത്ഥാടകര്‍ മണിക്കൂറുകളോളം കാത്തുകെട്ടിക്കിട ക്കുകയും അവര്‍ക്ക് പലപ്പോഴും ഭക്ഷണവും വെള്ളവും ഇല്ലാത്ത സ്ഥിതിയാണെന്നും പരാതി ഉയര്‍ന്നിരുന്നു.
കോടതിയുടെ ദേവസ്വംബെഞ്ചാണ് സിറ്റിംഗ് നടത്തിയത്. അഞ്ചോളം ഇടങ്ങളിൽ ശബരിമലയിലെ തിരക്ക് കാരണം ഭക്തരെ തടഞ്ഞുനിർത്തിയതായി കോടതിയെ സർക്കാർ അറിയിച്ചു. തടഞ്ഞുനിർത്തിയിരിക്കുന്ന ഭക്തർക്ക് അടിയന്തരമായി ഭക്ഷണവും വെള്ളവും മറ്റ് സൗകര്യവും എത്തിക്കാൻ കോടതി ആവശ്യപെട്ടു. ഇക്കാര്യങ്ങളിൽ ആവശ്യമെന്നുകണ്ടാൽ സംസ്ഥാന പൊലീസ് മേധാവി നേരിട്ട് ഇടപെടണമെന്നും കോടതി വ്യക്തമാക്കി. ഇതോടൊപ്പം യാതൊരു ബുക്കിംഗും ഇല്ലാതെ എത്തുന്നവരെ കടത്തിവിടുന്ന കാര്യത്തിൽ കർശന നിയന്ത്രണം വേണമെന്നും കോടതി അറിയിച്ചു.
കോട്ടയം, പാലാ, പൊന്‍കുന്നം അടക്കമുള്ള സ്ഥലങ്ങളില്‍ തടഞ്ഞു വച്ചിരിക്കുന്ന ഭക്തര്‍ക്ക് അടിയന്തരമായി സൗകര്യങ്ങള്‍ ഒരുക്കാനും ഹൈക്കോടതി നിര്‍ദ്ദേശം നല്‍കി. ഭക്തരുടെ അടിസ്ഥാന ആവശ്യങ്ങളെല്ലാം പരിഹരിക്കണം. ആവശ്യമെങ്കില്‍ സംസ്ഥാന പോലീസ് മേധാവി നേരിട്ടിടപ്പെടണം – ഹൈക്കോടതി പറഞ്ഞു.
കോട്ടയം, പാലാ, വൈക്കം, പൊൻകുന്നമടക്കം വിവിധ ഇടത്താവളങ്ങളിലാണ് പൊലീസ് ഭക്തരെ തടഞ്ഞുനിർത്തിയത്. മണിക്കൂറുകളോളം ദർശനത്തിന് സാദ്ധ്യത കാണാതായതോടെ അയ്യപ്പഭക്തർ റോഡ് ഉപരോധിക്കുക വരെ ചെയ്തു. വിവിധയിടങ്ങളിൽ എട്ട് കിലോമീറ്ററോളം നീളുന്ന ഗതാഗത കുരുക്കും ഉണ്ടായി. പ്രതിഷേധിച്ച ഭക്തരെ ആശ്വസിപ്പിക്കാൻ പൊലീസ് ശ്രമം നടത്തി. ഇവർക്കായി ചിലയിടങ്ങളിൽ വെള്ളവും എത്തിക്കുകയുണ്ടായി. പൊൻകുന്നത്ത് യാതൊരു പ്രാഥമിക സൗകര്യവുമില്ലെന്ന് പരാതി ഉയർന്നതോടെയാണ് അവധിദിനത്തിലും കോടതി പ്രത്യേക സിറ്റിംഗ് നടത്തുന്നത്.
ന്യൂഡല്‍ഹി . പ്രധാനമന്ത്രി നരേന്ദ്രമോദിയുമായി തുറന്ന സംവാദത്തിന് സമ്മതം അറിയിച്ച് കോണ്‍ഗ്രസ് നേതാവ് രാഹുല്‍ ഗാന്ധി. സംവാദത്തിനായി മുന്‍ ജസ്റ്റിസുമാരായ…
പഠനത്തിന് ആവശ്യമായ അടിസ്ഥാന സൗകര്യങ്ങളോ ലാബ് സൗകര്യങ്ങളോ കൊണ്ട് വരാതെ പ്ലസ് വണ്‍ പ്രവേശനത്തിന് ഇക്കുറിയും അധിക ബാച്ച് അനുവദിക്കാതെ…
കാലാവസ്ഥാ വ‍്യതിയാനം കടലിനെ ഗുരുതരമായി ബാധിച്ചിരിക്കെ, കള്ളക്കടൽ പ്രതിഭാസവും കടൽക്ഷോഭവും സ്ഥിതിഗതികൾ ഗുരുതരമാക്കിയിരിക്കുന്ന സംസ്ഥാനത്തെ തീരാദേശ മേഖലയിൽ പട്ടിണി മരണങ്ങൾ…
തിരുവനന്തപുരം . പിതാവിനും സഹോദരനുമൊപ്പം പുഴയിൽ കുളിക്കാനിങ്ങിയ പതിമൂന്നുകാരൻ ഒഴുക്കിൽ പെട്ട് മരിച്ചു. വട്ടിയൂർക്കാവ് കാവടിക്കടവിന് സമീപം ശനിയാഴ്ച ഉച്ച…
തിരുവനന്തപുരം . കരമന സ്വദേശി അഖിലിനെ കൊലപ്പെടുത്തിയ കേസില്‍ ഒരാള്‍ പിടിയില്‍. കൊലയാളി സംഘത്തില്‍ ഉള്‍പ്പെട്ട അനീഷാണ് പിടിയിലായിരിക്കുന്നത്. അഖിലിനെ…
ഇന്ത്യയിലെ ഏറ്റവും സ്വാധീനമുള്ള വ്യക്തിയായി ഫോബ്‌സ് മാസിക തെരഞ്ഞെടുത്ത താരമാണ് രജനികാന്ത്. ശിവാജി റാവു ഗെയ്‌ക്ക്‌വാദ് എന്നാണ് അദ്ദേഹത്തിന്റെ യഥാർത്ഥ…