ഒന്നാം പ്രതിയുടെ ശിക്ഷ മരവിപ്പിച്ചതിനെതിരെ മധുവിന്റെ കുടുംബം സുപ്രീം കോടതിയിലേക്ക്

അട്ടപ്പാടിയിൽ ആൾക്കൂട്ടക്രമണത്തിൽ മർദ്ദനത്തെ തുടർന്ന് കൊല്ലപ്പെട്ട മധുവിന്റെ കുടുംബം കേസിൽ ഒന്നാം പ്രതിയുടെ ശിക്ഷ മരവിപ്പിച്ച നടപടിക്കെതിരെ സുപ്രീം കോടതിയെ സമീപിക്കാനൊ രുങ്ങുന്നു. കേസിൽ ഒന്നാം പ്രതിയുടെ ശിക്ഷ മരവിപ്പിച്ച നടപടിക്കെ തിരെയാണ് നിയമനടപടിയുമായി നീങ്ങാൻ കുടുംബം തീരുമാനിച്ചി രിക്കുന്നത്. ഒന്നാം പ്രതി ഹുസൈന്റെ ശിക്ഷ മരവിപ്പിച്ച നടപടിയി ലാണ് കുടുംബത്തിന്റെ ഈ തീരുമാനം.

‘ഇനി എന്ത് ചെയ്യണമെന്ന് അറിയില്ല. സുപ്രിം കോടതിയിൽ പോകും. നീതികിട്ടാൻ എതറ്റം വരെയും പോകുമെന്നും’ ആണ് മധുവിന്റെ അമ്മ മല്ലി പറഞ്ഞത്. ഹുസൈന്റെ മർദനമാണ് മധുവിന്റെ മരണത്തിന് കാരണമായതെന്ന് മധുവിന്റെ സഹോദരി നേരത്തെ ആരോപിച്ചിരുന്നു. മധുവിനെ വനത്തിൽ നിന്ന് കൂട്ടിക്കൊണ്ടു പോരുന്നതിൽ പ്രതിയുടെ സാന്നിധ്യം ഇല്ലാത്തതിനാലാണ് ശിക്ഷ മരവിപ്പിക്കുന്നത്.

വിവാദമായ സംഭവം നടന്ന് അഞ്ച് വർഷത്തിന് ശേഷമായിരുന്നു കേസിന്റെ വാദം പൂർത്തിയാക്കി കോടതിയുടെ വിധി ഉണ്ടാവുന്നത്. 2022 ഏപ്രിൽ 28 നാണ് മണ്ണാർക്കാട് എസ്.സി.എസ്.ടി ജില്ലാ പ്രത്യേക കോടതിയിൽ കേസിന്റെ വിചാരണ തുടങ്ങുന്നത്. മൊത്തം 16 പ്രതികളുള്ള കേസിൽ 127 സാക്ഷികളിൽ 24 പേർ വിചാരണയ്ക്കിടെ കൂറുമാറുകയായിരുന്നു. രണ്ടുപേർ മരണപ്പെട്ടു. 24 പേരെ വിസ്തരിക്കേണ്ടതില്ലെന്ന് തീരുമാനിച്ച് ഒഴിവാക്കുകയും ചെയ്തിരുന്നു.