ലോകം ഇന്ത്യയെ വികസന പങ്കാളിയായി കാണുന്നു: വിദേശകാര്യമന്ത്രി ഡോ. എസ് ജയശങ്കർ

പാക്കിസ്ഥാനിൽ നിന്നുള്ള ഭീകരതയെ ചെറുക്കാൻ നരേന്ദ്ര മോഡി സർക്കാരിന് കഴിഞ്ഞെന്നു വിദേശകാര്യമന്ത്രി ഡോ. എസ് ജയശങ്കർ. അതുകൊണ്ട് ലോകത്തി​ന്റെ വലിയൊരു വിഭാ​ഗവും ഇന്ത്യയെ വികസന പങ്കാളിയായിട്ടാണ് കാണുന്നത്. നരേന്ദ്ര മോദി സർക്കാരി​ന്റെ 9ാം ഒമ്പതാം വാർഷികത്തോടനുബന്ധിച്ച് നടത്തിയ പത്രസമ്മേളനത്തിൽ സംസാരിക്കുകയായിരുന്നു വിദേശകാര്യമന്ത്രി.ഇന്ന് ഇന്ത്യയുടെ രണ്ടാമത്തെ പ്രതിച്ഛായ ഒരു സാമ്പത്തിക സഹകാരിയുടേതാണെന്നും അദ്ദേ​ഹം കൂട്ടിച്ചേർത്തു. ഇന്ന് ഇന്ത്യയെ ലോകം എങ്ങനെ കാണുന്നു, വിദേശനയം സാധാരണ പൗരന്റെ ജീവിതത്തെ എങ്ങനെ ബാധിച്ചു എന്നീ രണ്ട് കാര്യങ്ങൾ സൂചിപ്പിച്ചുകൊണ്ട് ഒമ്പത് വർഷത്തെ ഇന്ത്യൻ വിദേശനയം എസ് ജയശങ്കർ വിലയിരുത്തി. ആഗോളതലത്തിൽ അംഗീകരിക്കപ്പെട്ട വലിയ സാമ്പത്തിക സ്വാധീനമാണ് ഇന്ത്യ സൃഷ്ടിക്കുന്നത്. പ്രധാനമന്ത്രി നരേന്ദ്രമോദി പറഞ്ഞത് പോലെ വിശ്വസനീയവും ഫലപ്രദവുമായ വികസന പങ്കാളിയായി മാറാൻ ഇന്ത്യയ്‌ക്ക് കഴിഞ്ഞിട്ടുണ്ട്, നമീബിയ, ഗയാന, മൊസാംബിക്, കെനിയ, മൗറീഷ്യസ് എന്നിവിടങ്ങളിലെ ഇന്ത്യയുടെ വികസന പങ്കാളിത്തവും അദ്ദേഹം ചൂണ്ടിക്കാട്ടി. അതോടൊപ്പം പാക്കിസ്ഥാനിൽ നിന്നുയരുന്ന ഭീകരതയെ ചെറുക്കാൻ നരേന്ദ്രമോദി സർക്കാരിന് കഴിഞ്ഞെന്നും അദ്ദേഹം പറഞ്ഞു.