കര്‍മ്മന്യൂസ് ഹാക്കിങ്, എംഎ യൂസഫലിക്കെതിരെ ഡിജിപിക്ക് ഗുരുതര പരാതി

കേരളത്തിലെ ഏറ്റവും വലിയ വ്യവസായി ആരാണെന്ന് ചോദിച്ചാല്‍ എല്ലാവര്‍ക്കും അറിയാം അത് എംഎ യൂസഫലി ആണെന്ന്. അദ്ദേഹത്തിന്റെ ഏറ്റവും വലിയ ഷോപ്പിങ് മാളാണ് അടുത്തമാസം തിരുവനന്തപുരത്ത് ഉദ്ഘാടനം ചെയ്യാനിരിക്കുന്നത്. എന്നാല്‍, ആ ഷോപ്പിങ് മാള്‍ നിര്‍മ്മിച്ചിരിക്കുന്നത് എല്ലാ നിയമവും ലംഘിച്ചാണെന്ന് പറഞ്ഞുകൊണ്ട് നിരന്തരം വാര്‍ത്ത കൊടുത്ത യൂട്യൂബ് ചാനലാണ് കര്‍മ്മന്യൂസ്. ഈ വര്‍ത്ത നിമിഷനേരം കൊണ്ട് വൈറലായിരുന്നു. ഇതുകൂടാതെ എറണാകുളത്തെ ലുലു മാളിലെ പാര്‍ക്കിങ് ഫീസ് അനധികൃതമായിട്ടാണ് പിരിക്കുന്നതെന്നുള്ള വാര്‍ത്തയും കര്‍മ്മ പുറത്തുവിട്ടിരുന്നു. വാര്‍ത്ത വൈറലായതോടെ കര്‍മ്മയെ പൂട്ടാനൊരുങ്ങി ലുലു ഗ്രൂപ്പ് കോടതിയില്‍ കേസ് കൊടുത്തു. അഞ്ച് കോടി ആവശ്യപ്പെട്ടാണ് കേസ് കൊടുത്തത്.

ഇതിനുപിന്നാലെയാണ് കര്‍മ്മ ന്യൂസ് ഒരു ദിവസം പെട്ടെന്ന് ഹാക്ക് ചെയ്യപ്പെട്ടത്. ലുലുമാള്‍ ഉടമയ്‌ക്കെതിരെ കര്‍മ്മ ന്യൂസ് ഹാക്ക് ചെയ്യപ്പെട്ടെന്ന് കാണിച്ച് ക്രിമിനല്‍ കേസെടുക്കണമെന്നാവശ്യപ്പെട്ടു കൊണ്ട് ഡിജിപിക്ക് കര്‍മ്മ പരാതി നല്‍കിയിരിക്കുകയാണ്. ഗുരുതരമായ ആരോപണവുമായിട്ടാണ് കര്‍മ്മ മുന്നോട്ട് പോയിരിക്കുന്നത്.