കോടിക്കണക്കിന് മനുഷ്യർ അധിവസിക്കുന്ന ഈ ഭൂമിയിലെ ഓരോ കോണും ഓരോ പ്രത്യേകതകളാൽ നിറഞ്ഞതാണ്. പല സംസ്കാരങ്ങളിൽ ജീവിക്കുന്ന മനുഷ്യകുലത്തിന്റെ ഭക്ഷ്യ സംസ്കാരവും വേറിട്ടതാണ്. ചിലപ്പോൾ നമുക്ക് ഓക്കാനിക്കാൻ വരുന്ന രീതിയിലുള്ള വിഭവങ്ങൾ പോലും പലവശംങ്ങളുടെയും പ്രിയവിഭവങ്ങളാണ്. എന്നാൽ ഓരോ വിഭവത്തിനും ഓരോ ദേശത്തിന്റെയും കഥ പറയാനുണ്ട്.
ഒഡീഷയിലെ മയൂര്ഭഞ്ച് ജില്ലയിലെ ഗോത്രവര്ഗക്കാരുടെ പ്രിയപ്പെട്ട വിഭവമാണ് ഉറുമ്പ് ചമ്മന്തി. പ്രോട്ടീനുകളുടെയും കാല്സ്യത്തിന്റെയും കലവറയായാണ് ഉറുമ്പ് ചമ്മന്തിയെ ഇവർ കണക്കാക്കുന്നത്. ചുവന്ന ഉറുമ്പുകളെ കൊണ്ട് ഉണ്ടാക്കുന്ന ചട്ണിയാണ് ഈ വിഭവം. ഇപ്പോഴിതാ ഈ ചമ്മന്തിക്ക് കേന്ദ്രസര്ക്കാരിന്റെ ജിയോഗ്രഫിക്കല് ഐഡന്റിക്കേഷന് (ജിഐ) ടാഗ് ലഭിച്ചിരിക്കുകയാണ്. സിമിലിപാൽ കൈ ചട്നി എന്നും ഇതറിയപ്പെടുന്നു. 2020ലാണ് ചമ്മന്തിക്ക് ജിഐ ടാഗ് ലഭിക്കാനായി ദ മയൂർഭഞ്ച് കൈ സൊസൈറ്റി അപേക്ഷ സമർപ്പിച്ചത്. ജനുവരി നാലിനാണ് ജിഐ ടാഗ് ലഭിച്ചത്. ചുവന്ന നിറത്തിലുള്ള പുളിയുറുമ്പിനൊപ്പം ചില സുഗന്ധവ്യഞ്ജനങ്ങളും ചേർത്താണ് ഈ സ്പെഷ്യൽ ചമ്മന്തി തയ്യാറാക്കുന്നത്. മയൂർഭഞ്ച് ജില്ലയിലെ കാടുകളിൽ വർഷം മുഴുവൻ സുലഭമായി ലഭ്യമാണ് ഈ ചുവന്ന ഉറുമ്പുകൾ. മരങ്ങളിലെ ഇലകൾ തുന്നിക്കൂട്ടിയാണ് ഇവ കൂടുകൾ നിർമിക്കുന്നത്. ഉറുമ്പുകളെ ശേഖരിക്കുന്നതാണ് ഇതിൽ ഏറ്റവും പ്രയാസമെറിയ ജോലി. മുട്ടയിടുന്ന പെണ്ണ് ഉറുമ്പുകളെ സംരക്ഷിക്കുന്ന ആൺ ഉറുമ്പുകൾ കർഷകരെ പരമാവധി ആക്രമിക്കാൻ ശ്രമിക്കും. ഇവിടുത്തെ പ്രാദേശിക ഭാഷയിൽ ‘കൈ പിംപുഡി’ എന്നാണ് ഉറുമ്പ് അറിയപ്പെടുന്നത്. മലയാളത്തിൽ പുളിയുറുമ്പ്, നീർ എന്നിങ്ങനെയാണ് പറയുന്നത്. ഒഡീഷയ്ക്ക് പുറമെ ഛത്തീസ്ഗഢിലെയും ജാർഖണ്ഡിലെയും ചില പ്രദേശങ്ങളിൽ ഉറുമ്പുകളെ ചമ്മന്തികളിൽ പ്രധാന ചേരുവയായി ഉപയോഗിക്കാറുണ്ട്. സെലിബ്രിറ്റി ഷെഫായ ഗോൾഡൻ റാംസി ഒരു ഡോക്യൂമെന്ററിയുടെ ഭാഗമായി ഇന്ത്യ സന്ദർശിച്ചപ്പോൾ ഈ ചമ്മന്തി കഴിക്കുകയും ആസ്വദിക്കുകയും ചെയ്തിരുന്നു. ധാരാളം പ്രോട്ടീൻ, കാത്സ്യം, സിങ്ക്, വൈറ്റമിൻ ബി 12 എന്നിങ്ങനെ ശരീരത്തിന് അവശ്യം വേണ്ടുന്ന പല ഘടകങ്ങളുടെയും മികച്ച സ്രോതസാണത്ര ഇത്. പ്രതിരോധശേഷി മെച്ചപ്പെടുത്താനും, എല്ലുകളുടെ വളർച്ചയ്ക്കും, കാഴ്ചശക്തിക്കും, തലച്ചോറിൻറെ സുഗമമായ പ്രവർത്തനത്തിനും, നാഡികളുടെ ആരോഗ്യത്തിനുമെല്ലാം മികച്ചതാണെന്നാണ് പറയുന്നത്.
സ്ത്രീധനത്തിന്റെ പേരിൽ കൊടിയ പീഡനങ്ങൾ ഏറ്റു വാങ്ങി നീതിക്ക് വേണ്ടി പന്തീരാങ്കാവ് പോലീസ് സ്റ്റേഷനിൽ അഭയം തേടിയ ഒരു നവ…
ദുബായ് . നേരത്തേ തീരുമാനിച്ചിരുന്ന സിംഗപൂർ യാത്ര വെട്ടിച്ചുരുക്കി മുഖ്യമന്ത്രി പിണറായി വിജയൻ ബുധനാഴ്ച ദുബായിൽ എത്തി. ഇപ്പോൾ ദുബായിലുള്ള…
കോഴിക്കോട് . പന്തീരാങ്കാവിൽ സ്ത്രീ ധനം പോരെന്നു പറഞ്ഞു നവവധുവിനെ വധിക്കാൻ ശ്രമിച്ച രാഹുൽ പി ഗോപാലിന് വേറെയും ഭാര്യമാർ…
കോഴിക്കോട് . സ്ത്രീധനം കുറഞ്ഞു പോയതിന്റെ പേരിൽ പന്തീരാങ്കാവില് നവവരന് ക്രൂരമായി തല്ലിച്ചതച്ച പെൺകുട്ടി ഭർതൃ വീട്ടിൽ ദിവസങ്ങൾ തള്ളിയത്…
തിരുവനന്തപുരം . തലസ്ഥാന നഗരിയില് ഉള്പ്പെടെ ഗുണ്ടാ - ലഹരി സംഘങ്ങള് അഴിഞ്ഞാട്ടം തുടരുകയാണ്. വെള്ളറട കണ്ണനൂരിൽ കഴിഞ്ഞ രാത്രിയിലും…
മലയാള സിനിമാ രംഗത്തെ കറുത്ത കരങ്ങളുടെ ഇടപെടലുകൾ വെളിപ്പെടുത്തി സിനിമാ സംവിധായികയുടെ ഭര്ത്താവും വ്യവസായിയുമായ മുഹമ്മദ് ഷര്ഷാദ് രംഗത്ത്. മലയാള…