കുടുംബത്തോടൊപ്പം 73-ാം പിറന്നാൾ ആഘോഷിച്ച് സൂപ്പർ സ്റ്റാർ രജനികാന്ത്. ഭാര്യ ലത, മക്കളായ ഐശ്വര്യ, സൗന്ദര്യ രജനികാന്ത് എന്നിവരും മറ്റ് കുടുംബാംഗങ്ങൾക്കും ഒപ്പമാണ് രജനികാന്തിന്റെ 73-ാം ജന്മദിന ആഘോഷം നടന്നത്. കുടുംബത്തോടൊപ്പം കേക്ക് മുറിക്കുന്നതിന്റെ വീഡിയോകളും ചിത്രങ്ങളും സമൂഹമാദ്ധ്യമത്തിൽ വളരെ പെട്ടെന്നാണ് വൈറലായത്.
ചെന്നൈയിലെ രജനിയുടെ വസതിക്ക് മുന്നിൽ ജന്മദിനത്തില് ആശംസകൾ അറിയിക്കാൻ വലിയ ആരാധകക്കൂട്ടം തന്നെ എത്തുകയുണ്ടായി. പിറന്നാൾ ദിനത്തിൽ നിരവധി പേരാണ് രജനികാന്തിന് ആശംസകൾ അറിയിച്ച് രംഗത്ത് വന്നത്. ഇതിന്റെ ദൃശ്യങ്ങളും സമൂഹമാദ്ധ്യമങ്ങളിൽ തരംഗമായി കൊണ്ടിരിക്കുന്നു.
രജനിയുടെ ജന്മദിനത്തോടനുബന്ധിച്ച് എല്ലാ വർഷവും തലൈവരുടെ മാസ് സിനിമകൾ തീയേറ്ററുകളിൽ എത്താറുണ്ട്. ഇത്തവണ ആരാധകരെ ആവേശത്തിലാക്കാൻ മുത്തു എന്ന സിനിമയാണ് തമിഴ്നാട്ടിലെ തിയേറ്ററിലെത്തിയിരിക്കുന്നത്. കാലങ്ങൾ പിന്നിട്ട് തീയേറ്ററുകളിൽ വീണ്ടും എത്തിയ മുത്തുവിനെ ഇരുകൈകളും നീട്ടിയാണ് ആരാധകർ എതിരേൽക്കുന്നതെന്നാണ് ചെന്നൈയിൽ നിന്നുള്ള റിപോർട്ടുകൾ പറയുന്നത്. രജനികാന്ത് ഇപ്പോൾ ടി.ജെ ജ്ഞാനവേൽ സംവിധാനം ചെയ്യുന്ന ‘വേട്ടയാൻ’ എന്ന സിനിമയുടെ തിരക്കിലാണ്. തലൈവരുടെ പിറന്നാളിനോടനുബന്ധിച്ച് ബുധനാഴ്ച സിനിമയുടെ ടീസർ പുറത്തിറക്കി. അടുത്ത വർഷമായിരിക്കും സിനിമ തിയേറ്ററുകളിലെത്തുന്നത്..
സൂപ്പർസ്റ്റാർ രജനിയുടെ പിറന്നാൾ ദിനത്തിൽ ആരാധകർക്ക് ഇത് ഇരട്ടി മധുരമാണ് സമ്മാനിച്ചിരിക്കുന്നത്. രജനികാന്തിന്റെ 73-ാം ജന്മദിന ആഘോഷത്തോട് അനുബന്ധിച്ച് സ്റ്റൈൽ മന്നന്റെ ഏറ്റവും പുതിയ ചിത്രമായ വേട്ടയാന്റെ ടൈറ്റിൽ നേരത്തെ റിലീസ് ചെയ്തിരുന്നു. വളരെ അവേശത്തോടെയാണ് ആരാധകർ ടൈറ്റിൽ വിഡിയോ ഏറ്റെടുത്തത്. മണിക്കൂറുകൾക്കകം ആരാധകരുടെ ആവേശം ഇരട്ടിയാക്കി മകൾ ഐശ്വര്യ സംവിധാനം ചെയ്ത് റിലീസിനൊരുങ്ങുന്ന ലാൽ സലാം എന്ന ചത്രത്തിന്റെ ഗ്ലീംസ് വീഡിയോയും പുറത്ത് വിട്ടിട്ടുണ്ട്.
സ്റ്റൈൽ മന്നന്റെ മാസ് രംഗങ്ങൾ ഉൾക്കൊള്ളിച്ചുള്ള വീഡിയോയാണ് പുറത്തുവന്നിരിക്കുന്നത്. ചിത്രത്തിൽ കാമിയോ ലുക്കിലാണ് രജനികാന്ത് എത്തുന്നത്. പൊങ്കൽ റിലീസായിട്ടാണ് ലാൽ സലാമെത്തുക. ചിത്രത്തിൽ വിഷ്ണു വിശാലും വിക്രാന്തുമാണ് പ്രധാന കഥാപാത്രങ്ങൾ. മൊയ്ദീൻ ഭായ് എന്നാണ് രജനിയുടെ കഥാപാത്രത്തിന്റെ പേര്. ദീപാവലി ദിനത്തോടനുബന്ധിച്ച് പുറത്തിറങ്ങിയ ആദ്യ ടീസറിലും രജനികാന്തിന്റെ രംഗങ്ങൾ ആണ് ഉണ്ടായിരുന്നത്. ആരാധകർ ഇതുവരെ കാണാത്ത ഗെറ്റപ്പിലാണ് ചിത്രത്തിൽ രജനികാന്ത് എത്തുന്നതെന്നതാണ് ശ്രദ്ധേയം.
രജനികാന്ത് നായകനാവുന്ന 170-ാമത്തെ ചിത്രമാണ് ‘വേട്ടയാൻ’ തലൈവരുടെ മാസ് രംഗങ്ങൾ ഉൾപ്പെടുത്തിയാണ് സിനിമയുടെ ടൈറ്റിൽ അണിയറപ്രവർത്തകർ പുറത്തുവിട്ടിരിക്കുന്നത്. ടി.ജെ ജ്ഞാനവേലാണ് ചിത്രത്തിന്റെ സംവിധാനം. ജയ്ഭീമിന് ശേഷം അദ്ദേഹം ഒരുക്കുന്ന സിനിമയാണ് വേട്ടയാൻ. രജനികാന്തിനു പുറമെ അമിതാഭ് ബച്ചൻ, ഫഹദ് ഫാസിൽ, റാണ ദഗ്ഗുബട്ടി, മഞ്ജു വാര്യർ, ഋതിക സിംഗ് തുടങ്ങിയവരും ചിത്രത്തിൽ പ്രധാന വേഷങ്ങളി ലെത്തുന്നുണ്ട്. 1991-ൽ പുറത്തിറങ്ങിയ ഹം എന്ന ചിത്രത്തിനു ശേഷം രജനികാന്തും അഭിതാഭ് ബച്ചനും ഒരുമിക്കുന്ന സിനിമ എന്ന പ്രത്യേകത കൂടി വേട്ടയാനുണ്ട് എന്നതും എടുത്ത് പറയേണ്ടിയിരിക്കുന്നു.
തിരുവനന്തപുരം . ക്രമസമാധാനം പൂര്ണമായും തകര്ത്ത് ആര്ക്കും നിയമം കയ്യിലെടുക്കാവുന്ന സ്ഥിതിലേക്കാണ് സര്ക്കാരും ആഭ്യന്തര വകുപ്പും കേരളത്തെ എത്തിച്ചിരിക്കുന്നതെന്ന് പ്രതിപക്ഷ…
കൊച്ചി . അച്ഛനെ വാടക വീട്ടില് ഉപേക്ഷിച്ച് മകനും കുടുംബവും മുങ്ങി. എറണാകുളം തൃപ്പൂണിത്തുറ ഏരൂരിലാണ് സംഭവം. ഏരൂരില് കിടപ്പുരോഗിയായ…
മേയര് ആര്യാ രാജേന്ദ്രനും ഭര്ത്താവ് സച്ചിന്ദേവ് എം എല് എയും ബന്ധുക്കളും കെഎസ്ആര്ടിസി ബസ് തടഞ്ഞിട്ട് ഡ്രൈവര് യദുവുമായി തർക്കം…
പഠനത്തിന് ആവശ്യമായ അടിസ്ഥാന സൗകര്യങ്ങളോ ലാബ് സൗകര്യങ്ങളോ കൊണ്ട് വരാതെ പ്ലസ് വണ് പ്രവേശനത്തിന് ഇക്കുറിയും അധിക ബാച്ച് അനുവദിക്കാതെ…
കൊച്ചി . മുഖ്യമന്ത്രി പിണറായി വിജയന്റെ വിദേശ സന്ദര്ശനത്തെക്കുറിച്ച് അറിയിച്ചിട്ടില്ലെന്ന് കാണിച്ച് ഗവര്ണര് ആരിഫ് മുഹമ്മദ് ഖാന് രാഷ്ട്രപതിക്കു കത്ത്…
തിരുവനന്തപുരം . ജനറൽ ആശുപത്രിയിൽ ഒപി ഡ്യൂട്ടിയിൽ ജോലി നോക്കുകയായിരുന്ന ഡോക്ടറെ തന്റെ കുഴിനഖ ചികിത്സയ്ക്കായി തിരുവനന്തപുരം കലക്ടർ ഔദ്യോഗിക…