നവകേരള സദസിനായി സർക്കാർ ധൂർത്തടിക്കുന്ന പണമുണ്ടെങ്കിൽ പാവങ്ങൾക്ക് പെൻഷൻ കൊടുക്കാമെന്ന് ബിജെപി നേതാവ് സുരേഷ് ഗോപി. ജനകീയ സമരങ്ങൾ ശക്തിപ്രാപിക്കേണ്ട സമയം വളരെ അധികം അതിക്രമിച്ചിരിക്കുകയാണ്. സ്വന്തം ജീവിതം സ്തംഭിപ്പിച്ച് സർക്കാരിനെതിരെ സമരം നടത്താൻ ജനം തയ്യാറാകണമെന്നും സുരേഷ് ഗോപി പറഞ്ഞു. നവകേരള സദസിനെതിരെ കണ്ണൂരിൽ കരിങ്കൊടി കാണിച്ച യൂത്ത് കോൺഗ്രസ് പ്രവർത്തകരുടെ നടപടിയെ സുരേഷ് ഗോപി പിന്തുണച്ചു. ജനങ്ങൾക്ക് വേണ്ടിയാണ് അവർ അത് ചെയ്തതെന്നായിരുന്നു അദ്ദേഹത്തിന്റെ പ്രതികരണം.
‘നിർദ്ദേശിത രാജ്യസഭ അംഗങ്ങൾ എന്താണ് ചെയ്തതെന്ന് അന്വേഷിക്കൂ. തിരഞ്ഞെടുത്ത അംഗങ്ങൾ എന്താണ് ചെയ്തതെന്ന് വ്യക്തമല്ലാത്തൊരു രാജ്യമാണ് നമ്മുടേത്. സംസ്ഥാനത്തെ കുറിച്ച് പിന്നെ പ്രത്യേകം പറയേണ്ടതില്ലല്ലോ. വെറും വാചകവും തള്ളും മാത്രമാണ്. പിന്നെ രാക്ഷസ വാഹനത്തെ ചളിയിൽ നിന്നും തള്ളിക്കയറ്റുന്നതും അങ്ങനെ നല്ല തമാശകളൊക്കെയാണ് നടക്കുന്നത്. ആ വാഹനത്തെ കുറ്റം പറയുന്നില്ല. അതൊക്കെ എപ്പോൾ വേണമെങ്കിലും സംഭവിക്കാം. പക്ഷേ അതൊക്കെ അവർക്കുള്ള ചില സൂചനകളാണ്. ഈ പണമൊക്കെ എടുത്ത് ആളുകൾക്ക് പെൻഷൻ കൊടുത്താ മതിയായിരുന്നു.
അവരുടെ പ്രാർത്ഥനയെങ്കിലും ഉണ്ടായേനെ. പാർട്ടിയെ കനപ്പിക്കാനാണ് ദൂർത്ത് നടക്കുന്നത്. പ്രതിപക്ഷത്തിന് അവരുടെ പങ്കുവഹിക്കാൻ സാധിക്കാത്ത തരത്തിലാണ്. പ്രതിപക്ഷമാകണം ജനത്തിന്റെ ശബ്ദം. അത് ഏത് പാർട്ടിയായാലും ജനങ്ങൾ അവരെ അകമഴിഞ്ഞ് പിന്തുണക്കണമെന്ന് മാത്രമാണ് അപേക്ഷിക്കാനുള്ളത്. ബസ് വരുന്നതിനു മുൻപ് എന്തൊക്കെ ബഹളം ആയിരുന്നു നിങ്ങൾക്ക് വേണ്ടിയാണ് അവർ ആ വണ്ടിക്ക് മുന്നിൽ ചാടിയത്. നിങ്ങൾക്ക് വേണ്ടിയാണ് അവർ തല്ലുകൊണ്ട് ആശുപത്രിയിൽ കിടക്കുന്നത്. അത് യൂത്ത് കോൺഗ്രസുകാരായത് കൊണ്ട് അവരോട് ദൂരം കൽപ്പിക്കണമെന്ന് ആരും പറയില്ല, പറഞ്ഞാൽ തന്നെ അവരോട് മാത്രമേ എനിക്ക് ദൂരം കൽപ്പിക്കാൻ പറ്റുള്ളൂ.
ജനകീയ സമരങ്ങൾ ശക്തിപ്രാപിക്കേണ്ട സമയം വളരെ അധികം അതിക്രമിച്ചിരിക്കുന്നു. പെട്രോളിനും ഡീസലിനും വിലകൂട്ടിയെന്ന് പറഞ്ഞ് പ്രേക്ഷോഭം നടത്തിയവരാണ് ഇപ്പോൾ രണ്ട് രൂപ അടിച്ചുമാറ്റിക്കൊണ്ടിരിക്കുന്നത്. അതിൽ നിന്ന് പോലും അവർക്ക് പെൻഷൻ കൊടുക്കാൻ സാധിക്കുന്നില്ല. ജനങ്ങൾ മുന്നോട്ട് വരണം, പെട്രോളും ഡീസലും അടിക്കുമ്പോൾ ചുമത്തുന്ന രണ്ട് രൂപ ചുങ്കം തരാൻ തയ്യാറില്ലെന്ന് പറയണം. ഒരാഴ്ച പെട്രോൾ അടിക്കാതെ ഇരിക്കണം. സ്വന്തം ജീവിതം സ്തംഭിപ്പിച്ച് വേണം ഇതിനെതിരെ സമരം നടത്താൻ. ഈ മണ്ണ് നിങ്ങളുടെ അപ്പന്റെ വകയാണെന്ന് നിങ്ങൾ അടിയുറച്ച് വിശ്വസിക്കണം. ജോലിക്കാരെ മാത്രമാണ് നിങ്ങൾ അഞ്ച് വർഷം കൂടുമ്പോൾ തെരഞ്ഞെടുക്കുന്നത്. ഈ മണ്ണും രാജ്യവും ഒരുത്തന്റെയും തന്തയുടെ വകയല്ലാ, നമ്മുടെ എല്ലാവരുടെയും വകയാണ്’, എന്നും സുരേഷ് ഗോപി പറഞ്ഞു.
കണ്ണൂര് . കേരളത്തെ ബോംബ്കൾ ഉപയോഗിച്ച് തകർക്കുവാൻ ഒരുങ്ങുകയാണോ സിപിഎം.നിർമ്മിച്ച് കൂടിയിരിക്കുന്ന ബോംബുകൾ രാഷ്ട്രീയ ശത്രുക്കൾക്കെതിരെ എറിയുകയുയാണ് സി പി…
ന്യൂഡൽഹി . ലോക്സഭാ തിരഞ്ഞെടുപ്പിൽ കേരളത്തിൽ ബിജെപി അക്കൗണ്ട് തുറക്കുമെന്ന് കേന്ദ്ര ആഭ്യന്തര മന്ത്രി അമിത് ഷാ. എൻഡിഎ സംഖ്യം…
പൊന്നാനി. മത്സ്യബന്ധന ബോട്ടിൽ കപ്പലിടിച്ച് 2 പേരെ കാണാതായി. ഇടിയുടെ ആഘാതത്തിൽ ബോട്ട് രണ്ടായി മുറിഞ്ഞ് കടലിൽ താഴുകയായിരുന്നു. സ്രാങ്ക്…
കോഴിക്കോട് . ആർഎംപി നേതാവ് കെ എസ് ഹരിഹരന്റെ വീടിന് നേരെ സ്ഫോടക വസ്തുക്കൾ ഉപയോഗിച്ച് ആക്രമണം. സ്കൂട്ടറിലെ ത്തിയ…
റഫയിലേക്കുള്ള ഇസ്രയേലിന്റെ കടന്നാക്രമണം ഏതുവിധേനെയും അവസാനിപ്പിക്കുക എന്നത് ഇപ്പോൾ ലോകരാഷ്ട്രങ്ങളുടെ ആവശ്യമായി മാറിയിരിക്കുകയാണ്. ഒരു നാട്ടിൽ ഇത്രയേറെ ദുരിതം വിതച്ചുള്ള…
സ്ത്രീ വിരുദ്ധ പരാമർശം നടത്തി വിവാദത്തിലായിരിക്കുകയാണ് കെ എസ് ഹരിഹരൻ… ആർ എം പി നേതാവായ ഹരിഹരൻ ഒരു പൊതുപരിപാടിയിൽ…