ആർടിഒക്കും മകനും ഭക്ഷ്യ വിഷബാധയേറ്റു, കാക്കനാട്ടെ ആര്യാസ് ഹോട്ടൽ അടച്ച് പൂട്ടിച്ചു

ഭഷ്യ വിഷ ബാധ സംബന്ധിച്ച് പരാതി ഉണ്ടായതിനെ തുടർന്ന് കാക്കനാട്ടെ ആര്യാസ് ഹോട്ടൽ അടച്ച് പൂട്ടിച്ചു. ഹോട്ടലിൽ നിന്ന് ഭക്ഷണം കഴിച്ച ആർടിഒയ്ക്ക് ഭക്ഷ്യ വിഷബാധയേറ്റതിന് പിറകെ തൃക്കാക്കര നഗരസഭ ആരോഗ്യവിഭാഗമാണ് ഹോട്ടൽ അടപ്പിച്ചത്. ആർടിഒ നിലവിൽ സ്വകാര്യ ആശുപത്രിയിൽ ചികിത്സയിൽ കഴിയുകയാണ്.

ഹോട്ടലിൽ നിന്ന് ഭക്ഷണം കഴിച്ച ആർടിഒയ്ക്കും മകനും ഭക്ഷ്യവിഷബാധ നിൽക്കുകയായിരുന്നു. കാക്കനാട് കളക്ടറേറ്റിനു സമീപത്തെ ആര്യസ് ഹോട്ടലിൽ നിന്ന് ഭക്ഷണം കഴിച്ചതോടെയാണ് ഭക്ഷ്യവിഷബാധ ഉണ്ടായതെന്നാണ് ആർടിഒ അനന്ദകൃഷ്ണൻ തൃക്കാക്കര നഗരസഭയിലെ ആരോഗ്യ വിഭാഗം ഉദ്യോഗസ്ഥരെ അറിയിക്കുകയാണ് ഉണ്ടായത്.

ഭക്ഷണത്തിൽ നിന്നുള്ള ആരോഗ്യപ്രശ്‌നങ്ങളാണ് ആർടിഒയ്ക്കും മകനും ഉണ്ടായതെന്ന് ഡോക്ടർമാരും നഗരസഭ ആരോഗ്യവിഭാഗത്തെ അറിയിക്കുകയുണ്ടായി.. ഇതോടെയാണ് ഹോട്ടൽ അടപ്പിക്കുന്നത്. നഗരസഭാ പരിധിയിലെ ഹോട്ടലുകൾ കേന്ദ്രീകരിച്ച് പരിശോധനകൾ ശക്തമായി തുടരുമെന്നാണ് തൃക്കാക്കര നഗരസഭ ആരോഗ്യവിഭാഗം ഇതോടെ പറയുന്നത്.