ഡീപ്പ് ഫേക്കുകളിലും താരമായി രശ്മിക മന്ദാന, പുതിയ വീഡിയോയും വെറലായി

സമൂഹ മാധ്യമങ്ങളിൽ പ്രചരിച്ച നടി രശ്മിക മന്ദാനയുടെ ഡീപ് ഫേക്ക് വീഡിയോ സാമൂഹ്യ മാധ്യമങ്ങളിൽ ആകെ ചർച്ചയാവുകയാണ്. കഴിഞ്ഞ ദിവസങ്ങളിൽ കറുത്ത വസ്ത്രം ധരിച്ച ഒരു സ്ത്രീ ലിഫ്റ്റിലേക്ക് കയറുന്ന വീഡിയോ ആണ് രശ്മിക മന്ദാനയുടെതെന്ന പേരിൽ പ്രചരിച്ചത്. എക്സ് പ്ലാറ്റ്ഫോമിൽ വീഡിയോ ഏകദേശം 12 മില്യൺ ആളുകൾ ആണ് കണ്ടു കഴിഞ്ഞിരുന്നത്.

വിഡിയോയിൽ സ്ത്രീയുടെ മുഖത്തിന് പകരം രശ്മികയുടെ മുഖം മോർഫ് ചെയ്ത് വയ്ക്കുകയാണ് ചെയ്തിരിക്കുന്നത്. ഒരു ബ്രിട്ടീഷ് ഇന്ത്യൻ യുവതിയായ സാറാ പട്ടേൽ തന്റെ ഇൻസ്റ്റഗ്രാം അക്കൗണ്ടിൽ അപ്‌ലോഡ് ചെയ്ത വീഡിയോയാണ് ഇതിന്റെ ഒറിജിനൽ ആയിട്ടുള്ളത്.

ഇപ്പോഴിതാ വീണ്ടും താരത്തിന്റെ ഡീപ് ഫേക്ക് വീഡിയോ വൈറലായി. എന്നാല്‍ ഈ ക്ലിപ്പ് ആദ്യത്തെ വൈറൽ വീഡിയോ പോലെ അശ്ലീലമെന്ന് പറയാവുന്നതല്ല. മറ്റൊരു പെൺകുട്ടിയുടെ മുഖത്ത് രശ്മികയുടെ മുഖം മോർഫ് ചെയ്ത രീതിയിലാണ് പുതിയ വീഡിയോ. ക്രഷ്മിക എന്ന പേരിലുള്ള രശ്മികയുടെ ഫാന്‍ പേജിലാണ് വീഡിയോ പ്രത്യക്ഷപ്പെട്ടിരിക്കുന്നത്.