കെ കവിതയുടെ ഇ ഡി കസ്റ്റഡി മാർച്ച് 26 വരെ നീട്ടി, ജാമ്യം കോടതി പരിഗണിച്ചില്ല

ഡൽഹി സർക്കാരിന്റെ മദ്യനയം കള്ളപ്പണം വെളുപ്പിക്കാൻ ഉപയോഗപ്പെടുത്തിയ കേസിൽ പ്രതിയായ ബി ആർ എസ് നേതാവ് കെ കവിതയുടെ എൻഫോഴ്സ്മെൻ്റ് ഡയറക്ടറേറ്റ് കസ്റ്റഡി കാലാവധി കോടതി മാർച്ച് 26 വരെ നീട്ടി. മുൻ തെലങ്കാന മുഖ്യമന്ത്രി കെ ചന്ദ്രശേഖർ റാവുവിൻ്റെ മകൾ കവിത, മദ്യം വിൽക്കുന്നതിനുള്ള ലൈസൻസിൻ്റെ വലിയൊരു വിഹിതത്തിന് പകരമായി ആം ആദ്മി പാർട്ടിക്ക് 100 കോടി രൂപ കൈക്കൂലിനൽകിയെന്നാണ് ഇ ഡി ആരോപിക്കുന്നത്.

കസ്റ്റഡി കാലാവധി അഞ്ച് ദിവസത്തേക്ക് നീട്ടണമെന്ന് ആവശ്യപ്പെട്ട് ഫെഡറൽ അന്വേഷണ ഏജൻസി നൽകിയ ഹർജിയിൽ നാല് പേരുടെ മൊഴികൾ ശേഖരിച്ചെന്നും അന്വേഷണത്തിനിടെ കണ്ടെത്തിയ തെളിവുകളുടെ അടിസ്ഥാനത്തിൽ കവിതയെ ചോദ്യം ചെയ്തുവെന്നും പറഞ്ഞിട്ടുണ്ട്. അന്വേഷണത്തിനിടെ അവരുടെ മൊബൈൽ ഫോൺ ഡാറ്റ ഫോർമാറ്റിംഗ് കാണിക്കുന്ന ഫോറൻസിക് റിപ്പോർട്ട് ലഭിച്ചെന്നും സെൽ ഫോൺ ഡാറ്റ വിശകലനം ചെയ്തു വരികയാണെന്നും ഇ ഡിയുടെ ഹർജിയിൽ പറഞ്ഞിട്ടുണ്ട്.

മാർച്ച് 15 ന് അറസ്റ്റിലായ കവിതയുടെ വീടിന് പരിസരത്ത് നടത്തിയ പരിശോധനയിൽ മേക്ക ശരണിൻ്റെ (അനന്തരവൻ) മൊബൈൽ പിടിച്ചെടുത്തിരുന്നു. അന്വേഷണ സംഘത്തിന് മുമ്പാകെ ഹാജരാകാൻ രണ്ട് തവണ വിളിച്ചിട്ടും മേക്ക ശരൺ ഹാജരായിട്ടില്ല. അദ്ദേഹം ഹാജരായില്ലെന്നും അന്വേഷണത്തിന് ഹാജരാകണമെന്നും ഹർജിയിൽ ഇ ഡി പറഞ്ഞിട്ടുണ്ട്.

കുറ്റകൃത്യത്തിൻ്റെ വരുമാനം കൈമാറ്റം ചെയ്യുന്നതിനോ വിനിയോഗിക്കുന്നതിനോ ശരണ് പങ്കുണ്ടെന്ന് കഴിഞ്ഞ ആഴ്‌ചയിലെ അന്വേഷണത്തിൽ ഇ ഡി കണ്ടെത്തിയിരുന്നു. കേസിൽ അന്വേഷണത്തിന് പ്രസക്തമായ വിവരങ്ങൾ അദ്ദേഹത്തിൻ്റെ കൈവശമുള്ളതിനാലും അന്വേഷണവുമായി സഹകരിക്കാ ത്തതിനാലും അദ്ദേഹത്തിൻ്റെ വീട്ടിൽ തിരച്ചിൽ നടത്തുകയാ ണെന്നും ഹർജിയിൽ പറഞ്ഞിട്ടുണ്ട്.

കവിതയുടെ ‘അടുത്ത ബന്ധു’ ആണ് ശരൺ എന്നും ഇഡി റെയ്ഡ് നടത്തുമ്പോൾ അവർ അവരുടെ വീട്ടിൽ ഉണ്ടായിരുന്നു എന്നും പറയുന്നു. ‘കുടുംബ ബിസിനസ്സിൻ്റെ ചില വിശദാംശങ്ങൾ, കുടുംബ ബിസിനസിൻ്റെ സാമ്പത്തികം മുതലായവ അന്വേഷിച്ചു, കവിത തൻ്റെ ഉപദേശകനെ/കുടുംബത്തിലെ അംഗത്തെ അറിയിക്കുമെന്നും അതേ വിവരങ്ങൾ മെയിൽ വഴി അവർ പങ്കിടുമെന്നും’ അപേക്ഷയിൽ ഇ ഡി പറഞ്ഞിട്ടുണ്ട്. എന്നാൽ ഒരു വിശദാംശം പോലും ഇഡിക്ക് നൽകിയിട്ടില്ലെന്നും ഇ ഡി പറഞ്ഞിട്ടുണ്ട്.

‘സമീർ മഹേന്ദ്രുവിനെ കൂടുതൽ ചോദ്യം ചെയ്യുന്നതിനും കുറ്റകൃത്യത്തിൻ്റെ വരുമാനം (പിഒസി) കൈമാറ്റം ചെയ്തതിൻ്റെ വിശദാംശങ്ങൾ ലഭിക്കുന്നതിനും അറസ്റ്റിലായ അയാളുടെ പങ്ക് കണ്ടെത്തുന്നതിനും വേണ്ടി കോടതിയിൽ ഒരു അപേക്ഷ സമർപ്പിച്ചിട്ടുണ്ടെന്ന് റിമാൻഡ് അപേക്ഷയിൽ പറഞ്ഞിട്ടുണ്ട്. കേസിൻ്റെ വിചാരണയ്ക്കിടെ കവിതയുടെ അഭിഭാഷകൻ നിതീഷ് റാണ ജാമ്യാപേക്ഷ സമർപ്പിക്കുകയുണ്ടായി. ജാമ്യം സംബന്ധിച്ച ഉത്തരവ് അടുത്ത വാദം കേൾക്കുന്ന തീയതിയിൽ പുറപ്പെടുവി ക്കാമെന്നും ED അഭിഭാഷകൻ തുടർന്ന് പറഞ്ഞു. തെലങ്കാന ലെജിസ്ലേറ്റീവ് കൗൺസിൽ അംഗമായ കവിതയെ മാർച്ച് 15 ന് ഹൈദരാബാദിലെ ബഞ്ചാര ഹിൽസിലെ വസതിയിൽ നിന്നാണ് കേന്ദ്ര അന്വേഷണ ഏജൻസി അറസ്റ്റ് ചെയ്യുന്നത്.