തൃശ്ശൂര് . കേരള സാഹിത്യ അക്കാദമിക്കെതിരെ രൂക്ഷമായ വിമര്ശനവുമായി കവിയും സംവിധായകനും ഗാനരചയിതാവുമായ ശ്രീകുമാരന് തമ്പിയും രംഗത്ത്. അക്കാദമി പ്രസിഡണ്ട് കെ. സച്ചിദാനന്ദനും സെക്രട്ടറി കെ.സി. അബൂബക്കറും കേരള ഗാനം എഴുതണമെന്ന് നിര്ബന്ധപൂര്വ്വം ആവശ്യപ്പട്ട ശേഷം അപമാനിച്ചുവെന്നാണ് ശ്രീകുമാരന് തമ്പിയുടെ വെളിപ്പെടുത്തൽ. ഇക്കാര്യങ്ങള് വ്യക്തമാക്കി ശ്രീകുമാരന് തമ്പി ഫേസ്ബുക്കില് കുറിപ്പായി പുറത്ത് വിടുകയായിരുന്നു. ഗദ്യം മാത്രം വിഴുങ്ങാനറിഞ്ഞിരിക്കെ കവിപ്പട്ടം നേടിയ കെ.സി. അബൂബക്കറിന്റെ വിധി എഴുത്ത് ആയിരുന്നു ഇത്.
ശ്രീകുമാരന് തമ്പിയുടെ ഫേസ്ബുക്ക് പോസ്റ്റില് പറയുന്നതിങ്ങനെ.
കേരളസാഹിത്യ അക്കാദമിയില് നിന്നും പ്രശസ്ത കവിയും പ്രഭാഷകനുമായ ബാലചന്ദ്രന് ചുള്ളിക്കാടിനുണ്ടായ അനുഭവം അറിഞ്ഞപ്പോള് മാസങ്ങള്ക്കു മുമ്പ് എനിക്ക് കേരളസാഹിത്യ അക്കാദമിയില് നിന്നുണ്ടായ ഒരു ദുരനുഭവം ഓര്മ്മ വന്നു. കേരള ഗവണ്മെന്റിന് എവിടെയും എല്ലാക്കാലത്തും ഉപയോഗിക്കാന് പാകത്തില് ഒരു കേരളഗാനം എഴുതിക്കൊടുക്കണമെന്ന് അക്കാദമി സെക്രട്ടറിയായ ശ്രീ. അബൂബക്കര് എന്നോട് ആവശ്യപ്പെട്ടു. ആദ്യം ഞാന് ആ ക്ഷണം നിരസിച്ചു. കേരളസാഹിത്യ അക്കാദമി ഇന്നേവരെ എന്റെ ഒരു പുസ്തകത്തിനും അവാര്ഡ് നല്കിയിട്ടില്ല. സമഗ്രസം ഭാവനയ്ക്കുള്ള പുരസ്കാരമോ ഫെലോഷിപ്പോ നല്കിയിട്ടില്ല. ഞാന് പിന്തുണ ആവശ്യപ്പെട്ട് ആരുടേയും പിന്നാലെ നടന്നിട്ടുമില്ല. അതുകൊണ്ടു തന്നെ എനിക്ക് അക്കാദമിയോട് പ്രത്യേക കടപ്പാടോ വിധേയത്വമോ ഇല്ല. അതുകൊണ്ടാണ് ഈ പാട്ടെഴുത്തില് നിന്ന് പിന്മാറാന് ഞാന് തീരുമാനിച്ചത്.. (എന്തിന്? ഇപ്പോള് നടന്ന പുസ്തകോത്സവത്തിനു പോലും എന്നെ ക്ഷണിച്ചിട്ടില്ല)
അബൂബക്കറും സച്ചിദാനന്ദനും വീണ്ടും നിര്ബന്ധിച്ചപ്പോള് സാമാന്യമര്യാദയുടെ പേരില് ഞാന് സമ്മതിച്ചു. അബൂബേക്കര് എന്നോട് ചോദിച്ചു. താങ്കളല്ലാതെ മറ്റാര്? എന്ന്.
ചെറിയ ക്ലാസിലെ കുട്ടിക്കു പോലും മനസിലാകുന്ന രീതിയിലായി രിക്കണം പാട്ട് എന്ന് പ്രത്യേകം നിര്ദ്ദേശിച്ചിരുന്നു. അതുകൊണ്ട് രചനാശൈലി ഞാന് ലളിതമാക്കി. ഒരാഴ്ചക്കുള്ളില് ഞാന് പാട്ട് എഴുതി അയച്ചു. എനിക്ക് തൃപ്തിയായില്ല എന്ന് അബൂബേക്കറില് നിന്ന് മെസ്സേജ് വന്നു. ഞാന് എങ്കില് എന്നെ ഒഴിവാക്കണം എന്ന് പറഞ്ഞു. വീണ്ടും സച്ചിദാനന്ദന് എനിക്ക് മെസേജ് അയച്ചു. താങ്കള്ക്ക് എഴുതാന് കഴിയും എന്നു പറഞ്ഞു. ആദ്യ വരികള് (പല്ലവി) മാത്രം മാറ്റിയാല് മതി. പാട്ടിന്റെ രണ്ടാം ഭാഗം മനോഹരമാണ് എന്ന് അബൂബേക്കര് പറഞ്ഞു. ഞാന് പല്ലവി മാറ്റിയെഴുതിക്കൊടുത്തു. അതിനു ശേഷം സച്ചിദാനന്ദനില് നിന്ന് നന്ദി എന്ന ഒറ്റവാക്ക് മെസേജ് ആയി വന്നു. എന്റെ പാട്ട് സ്വീകരിച്ചോ നിരാകരിച്ചോ എന്ന് ഇപ്പോഴും അറിയില്ല.
അക്കാദമിയില് നിന്ന് അനുകൂലമായോ പ്രതികൂലമായോ ഔദ്യോഗികമായി ഒരു അറിയിപ്പും കിട്ടിയിട്ടില്ല. ഒരാഴ്ച കഴിഞ്ഞപ്പോള് സാഹിത്യ അക്കാദമി കവികളില് നിന്നും കേരളഗാനം ക്ഷണിക്കുന്നു എന്നു കാണിക്കുന്ന ഒരു പരസ്യം സ്വകാര്യചാനലുകളില് വന്നത് എന്റെ ശ്രദ്ധയില് പെട്ടു. എന്റെ പാട്ട് അവര് നിരാകരിച്ചു എന്നാണല്ലോ ഇതിനര്ത്ഥം. മൂവായിരത്തിലധികം പാട്ടുകളെഴുതിയ എനിക്ക് കെ.സി. അബൂബക്കര് എന്ന ഗദ്യകവിയുടെ മുമ്പില് അപമാനിതനാകേണ്ടി വന്നു. ഇതിന് ഉത്തരം പറയേണ്ടത് നമ്മുടെ സാംസ്കാരിക മന്ത്രി സഖാവ് സജി ചെറിയാനും എന്റെ പാട്ടുകള് ഇഷ്ടപ്പെടുന്ന ആസ്വാദകരുമാണ്.
ഞാനെഴുതിയ ഈ പുതിയ കേരളഗാനം എന്റെ ചിലവില് റിക്കോര്ഡ് ചെയ്ത് ഞാന് ലോകത്തുള്ള എല്ലാ മലയാളികള്ക്കും വേണ്ടി യൂട്യൂബില് അധികം വൈകാതെ അപ്ലോഡ് ചെയ്യും. എല്ലാ മലയാളികളുടെയും സ്വത്തായിരിക്കും ആ പാട്ട്. എനിക്ക് പകര്പ്പവകാശം വേണ്ട. വിദ്യാലയങ്ങള്ക്കും സാംസ്കാരിക സംഘടനകള്ക്കും കുട്ടികള്ക്കും ആ പാട്ട് ഇഷ്ടം പോലെ ഉപയോഗിക്കാം. കേരളത്തെക്കുറിച്ചും മലയാളഭാഷയെക്കുറിച്ചും ഏറ്റവുമധികം ഗാനങ്ങളും കവിതകളും എഴുതിയിട്ടുള്ള എഴുത്തുകാരന് എന്ന നിലയില് എനിക്ക് ചെയ്യാന് കഴിയുന്നത് ഇത് മാത്രമാണ്.
കണ്ണൂര് . കേരളത്തെ ബോംബ്കൾ ഉപയോഗിച്ച് തകർക്കുവാൻ ഒരുങ്ങുകയാണോ സിപിഎം.നിർമ്മിച്ച് കൂടിയിരിക്കുന്ന ബോംബുകൾ രാഷ്ട്രീയ ശത്രുക്കൾക്കെതിരെ എറിയുകയുയാണ് സി പി…
ന്യൂഡൽഹി . ലോക്സഭാ തിരഞ്ഞെടുപ്പിൽ കേരളത്തിൽ ബിജെപി അക്കൗണ്ട് തുറക്കുമെന്ന് കേന്ദ്ര ആഭ്യന്തര മന്ത്രി അമിത് ഷാ. എൻഡിഎ സംഖ്യം…
പൊന്നാനി. മത്സ്യബന്ധന ബോട്ടിൽ കപ്പലിടിച്ച് 2 പേരെ കാണാതായി. ഇടിയുടെ ആഘാതത്തിൽ ബോട്ട് രണ്ടായി മുറിഞ്ഞ് കടലിൽ താഴുകയായിരുന്നു. സ്രാങ്ക്…
കോഴിക്കോട് . ആർഎംപി നേതാവ് കെ എസ് ഹരിഹരന്റെ വീടിന് നേരെ സ്ഫോടക വസ്തുക്കൾ ഉപയോഗിച്ച് ആക്രമണം. സ്കൂട്ടറിലെ ത്തിയ…
റഫയിലേക്കുള്ള ഇസ്രയേലിന്റെ കടന്നാക്രമണം ഏതുവിധേനെയും അവസാനിപ്പിക്കുക എന്നത് ഇപ്പോൾ ലോകരാഷ്ട്രങ്ങളുടെ ആവശ്യമായി മാറിയിരിക്കുകയാണ്. ഒരു നാട്ടിൽ ഇത്രയേറെ ദുരിതം വിതച്ചുള്ള…
സ്ത്രീ വിരുദ്ധ പരാമർശം നടത്തി വിവാദത്തിലായിരിക്കുകയാണ് കെ എസ് ഹരിഹരൻ… ആർ എം പി നേതാവായ ഹരിഹരൻ ഒരു പൊതുപരിപാടിയിൽ…