‘പോര് മുറുകും’, രാജ്ഭവനിലെ ചായ സൽക്കാരം കൂട്ടത്തോടെ ബഹിഷ്‌കരിച്ച് മുഖ്യമന്ത്രിയും മന്ത്രിമാരും

തിരുവനന്തപുരം . കെ ബി ഗണേഷ് കുമാറും കടന്നപ്പള്ളി രാമചന്ദ്രനും മന്ത്രിമാരായി സത്യപ്രതിജ്ഞ ചെയ്യുന്ന ചടങ്ങിൽ പങ്കെടുക്കാനെ ത്തിയ മുഖ്യമന്ത്രി പിണറായി വിജയനും ഗവർണറും തമ്മിൽ ഒരക്ഷരം മിണ്ടിയില്ല. പുതിയ മന്ത്രിമാരുടെ സത്യപ്രതിജ്ഞ ചടങ്ങിന് പിന്നാലെ രാജ്ഭവനില്‍ ഗവര്‍ണര്‍ ഒരുക്കിയ ചായസത്കാരം കൂട്ടത്തോടെ ബഹിഷ്കരിച്ച് മുഖ്യമന്ത്രിയും മന്ത്രിമാരും ബഹിഷ്‌ക്കരിക്കുകയായിരുന്നു. രാജ്ഭവനിൽ വെച്ചാണ് സത്യ പ്രതിജ്ഞ ചടങ്ങു നടന്നത്. ആറ് മിനിട്ട് നീണ്ട ചടങ്ങിൽ ഗവർണറും മുഖ്യമന്ത്രിയും പങ്കെടുത്തെങ്കിലും പരസ്പരം ഒരക്ഷരം മിണ്ടാൻ ഇരുവരും കൂട്ടാക്കിയില്ല.

സത്യ പ്രതിജ്ഞ ചടങ്ങിന് ശേഷം രാജ്ഭവനിൽ ഒരുക്കിയിരുന്ന ചായ സൽക്കാരത്തിൽ പോലും പങ്കെടുക്കാതെ മുഖ്യമന്ത്രി മടങ്ങി. പുതിയ മന്ത്രിമാരും എ കെ ശശീന്ദ്രനും മാത്രമാണ് ചായ സൽക്കാരത്തിൽ പങ്കെടുത്തത്. മുഖ്യമന്ത്രിയും മറ്റു മന്ത്രിമാരും ചായ പോലും കുടിക്കാൻ കൂട്ടാക്കാതെ രാജ് ഭവനിൽ നിന്ന് മടങ്ങുകയായിരുന്നു.

സത്യപ്രതിജ്ഞ വേദിയില്‍ മുഖ്യമന്ത്രിയും ഗവര്‍ണറും പരസ്പരം മുഖം കൊടുക്കുകയോ ഹസ്തദാനം ചെയ്യുകയോ ഉണ്ടായില്ലെന്നതാണ് ശ്രദ്ധേയം. പിന്നാലെയാണ് ചായ സത്കാരം മുഖ്യ മന്ത്രിയും മന്ത്രിമാരും കൂട്ടത്തോടെ ബഹിഷ്കരിക്കുന്നത്. സത്യപ്രതിജ്ഞ ചടങ്ങിനെത്തിയ ഗവര്‍ണര്‍ ആരിഫ് മുഹമ്മദ് ഖാനും മുഖ്യമന്ത്രി പിണറായി വിജയനും വേദിയില്‍ അടുത്തടുത്തായിരുന്നു ഇരുന്നത്.

സത്യപ്രതിജ്ഞ ചടങ്ങ് മുഖ്യമന്ത്രിയും ഗവര്‍ണറും തമ്മിലുള്ള അകൽച്ച ഒവിവാകുന്നതിനു കാരണമാകുന്നവർക്കെല്ലാം തെറ്റി. അസാധാരണ രംഗങ്ങള്‍ക്കാണ് വേദി പക്ഷെ സാക്ഷ്യംവഹിച്ചത്. ചടങ്ങ് ആരംഭിച്ചത് മുതല്‍ ഇരുവരും പരസ്പരം മുഖത്തു പോലും നോക്കിയില്ല എന്നതാണ് എടുത്ത് പറയേണ്ടത്.

ചടങ്ങ് പൂര്‍ത്തിയാക്കി ഉടന്‍ തന്നെ ഗവര്‍ണര്‍ മുഖ്യമന്ത്രിയെ നോക്കുക പോലും ചെയ്യാതെ മടങ്ങി. ഇതിനുപിന്നാലെ മുഖ്യമന്ത്രിയും രാജ് ഭവനിലെ ചായസല്‍ക്കാരത്തില്‍ പങ്കെടുക്കാതെ മടങ്ങി. പരസ്പരം സംസാരിക്കാനോ ഹസ്തദാനം ചെയ്യാനോ അഭിവാദ്യം ചെയ്യാനോ ഇരുവരും തയ്യാറാവുകയുണ്ടായില്ല. ഗവര്‍ണറും സര്‍ക്കാരും തമ്മിലുള്ള പോര് ivideyonnum അവസാനിക്കാൻ പോകുന്നില്ലെന്ന് സൂചനയാണ് ഇത് നൽകുന്നത്.