കോഴിക്കോട് . ഐസിയു പീഡന പരാതിയില് നിന്നും പിന്മാറാന് ജീവനക്കാര് അതിജീവിതയെ ഭീഷണിപ്പെടുത്തിയ സംഭവത്തില് കോഴിക്കോട് മെഡിക്കല് കോളേജില് ഗുരുതര സുരക്ഷാവീഴ്ച നടന്നു. മെഡിക്കല് വിദ്യാഭ്യാസ ഡയറക്ടറുടെ റിപ്പോര്ട്ടിൽ ആണ് ഇക്കാര്യം പറഞ്ഞിരിക്കുന്നത്. ഇനിയും ഇത്തരം സംഭവം ആവര്ത്തിക്കാതിരിക്കാന് സുരക്ഷാ സംവിധാനങ്ങള് ശക്തിപ്പെടുത്താനും വാര്ഡുകള് സിസിടിവി നിരീക്ഷണത്തിലാക്കാനും മെഡിക്കല് വിദ്യാഭ്യാസ ഡയറക്ടരുടെ ഉത്തരവ്.
തൈറോയ്ഡ് ശസ്ത്രക്രിയക്ക് ശേഷം ഐസിയുവില് പ്രവേശിപ്പിച്ച യുവതിയെ ശശീന്ദ്രന് എന്ന അറ്റന്ഡര് പീഡിപ്പിച്ചു എന്നായിരുന്നു പരാതി. ഈ പരാതി പിന്വലിക്കാന് ആശുപത്രിയിലെ അഞ്ച് ജീവനക്കാര് യുവതിയെ സന്ദര്ശിച്ചു ഭീഷണിപ്പെടുത്തുകയായിരുന്നു. സംസ്ഥാന ആരോഗ്യ രംഗത്തിനാകെ നാണക്കേട് ഉണ്ടാക്കുന്നതായിരുന്നു സംഭവം.ഭീക്ഷണി ഉണ്ടായതോടെയാണ് അതിജീവിത ആരോഗ്യ വകുപ്പിനെ സമീപിക്കുന്നത്.
സെക്യൂരിറ്റി, സിസിടിവി സംവിധാനങ്ങളില് മെഡിക്കല് കോളേജിന്റെ ഭാഗത്ത് നിന്നും ഗുരുതര വീഴ്ചകളുണ്ടെന്നാണ് അന്വേഷണത്തില് മെഡിക്കല് വിദ്യാഭ്യാസ ഡയറക്ടർ കണ്ടെത്തിയിരിക്കുന്നത്. ഇനിയും ഇത്തരം സംഭവങ്ങള് ആവര്ത്തിക്കുന്നത് തടയാന് സുരക്ഷാ സംവിധാനം ശക്തിപ്പെടുത്തണം. എല്ലാ വാര്ഡുകളും വ്യക്തമാകുന്ന തരത്തില് സിസിടിവി സ്ഥാപിക്കണം. സ്ത്രീകളായ രോഗികളെ റിക്കവറി റൂമില് നിന്നും മാറ്റാന് മെയില് അറ്റന്ഡര്മാരെ നിയോഗിക്കരുതെന്നും മെഡിക്കല് വിദ്യാഭ്യാസ ഡയറക്ടര് ഉത്തരവിട്ടുണ്ട്. സ്വീകരിച്ച നടപടികള് സംബന്ധിച്ച റിപ്പോര്ട്ട് കൈമാറണമെന്നും മെഡിക്കല് വിദ്യാഭ്യാസ ഡയറക്ടര് ആവശ്യപ്പെട്ടിട്ടുണ്ട്.
അതിജീവിതയെ ഭീഷണിപ്പെടുത്തിയ സംഭവത്തില് സസ്പെഷനിലായിരുന്ന അഞ്ചു ജീവനക്കാരെ കഴിഞ്ഞ ദിവസം തൃശൂര് കോട്ടയം മെഡിക്കല് കോളേജുകളിലേക്ക് സ്ഥലം മാറ്റി ഉത്തരവിറക്കുകയായിരുന്നു. സസ്പെന്ഷനിലായ ജീവനക്കാരെ തിരിച്ചെടുത്തത് നേരത്തെ വിവാദമായിരുന്നു. പിന്നീട് ഈ ഉത്തരവ് പിന്വലിച്ച് കഴിഞ്ഞ സെപ്റ്റംബറില് വരെ വീണ്ടും സസ്പെന്ഷന് നടപടി നീട്ടി. ഈ സസ്പെന്ഷന് പിന്വലിച്ചാണ് ജീവനക്കാരെ വിവിധ ഇടങ്ങളിലേക്ക് സ്ഥലം മാറ്റുന്നത്.
തിരുവനന്തപുരം . കോഴിക്കോട് മെഡിക്കല് കോളജ് ആശുപത്രിയിൽ ചികിത്സാപ്പിഴവ് കൊണ്ട് പിഞ്ചുകുഞ്ഞിന്റെ നാവ് മുറിച്ചതാണോ നമ്പര് വണ് കേരളം എന്നു…
ന്യൂഡൽഹി . എഎപി രാജ്യസഭാംഗം സ്വാതി മലിവാളിനെതിരെ ഉണ്ടായ ലൈംഗീക അതിക്രമ സംഭവത്തിൽ ഡൽഹി മുഖ്യമന്ത്രി അരവിന്ദ് കേജ്രിവാളിന്റെ പഴ്സനൽ…
ന്യൂഡൽഹി . കോവിഷീൽഡിനു പിന്നാലെ കോവിഡ് പ്രതിരോധ വാക്സീനായ കോവാക്സിനും പാർശ്വഫലമുണ്ടെന്ന് ഞെട്ടിക്കുന്ന റിപ്പോർട്ട്. പ്രമേഹബാധിതർ മരണപ്പെടുന്നതായും ചിലരിൽ ഹൈപ്പർടെൻ…
കോഴിക്കോട് . ഐ സി യുവിൽ ചികിത്സയിൽ കഴിഞ്ഞിരിക്കുന്ന യുവതിയെ ജീവനക്കാരൻ പീഡനത്തിനിരയാക്കിയ സംഭവം നടന്ന കോഴിക്കോട് മെഡിക്കൽ കോളേജിൽ…
കേരളത്തിൽ വീണ്ടും അമീബിക് മസ്തിഷ്ക ജ്വരത്തിന്റെ ഭീതിയിൽ അഞ്ചു കുടുംബങ്ങൾ. രോഗം സ്ഥിരീകരിച്ചതിനെ തുടർന്ന് കോഴിക്കോട് മെഡിക്കൽ കോളേജ് ആശുപത്രിയിൽ…
വോട്ടുകൾ പെട്ടിയിലായിട്ടും വടകരയിലെ അങ്കക്കലി തീർന്നിട്ടില്ല. വോട്ടെണ്ണൽ കഴിഞ്ഞാലെങ്കിലും അങ്കത്തിന്റെ വെറി വടകരയിൽ തീരുമോ? ഇല്ലെന്നാണ് കരുതേണ്ടത്. തെരഞ്ഞെടുപ്പിനു ശേഷമുണ്ടായ…