സംസ്ഥാന സ്കൂൾ യുവജോത്സവ നടത്തിപ്പ് യോഗത്തിൽ ശിവൻകുട്ടി തുടങ്ങുമ്പോൾ മൈക്ക് ചത്തു

സംസ്ഥാന സ്കൂൾ യുവജോത്സവ നടത്തിപ്പിനായി സബ് കമ്മിറ്റികൾ രൂപീകരിക്കാൻ ചേർന്ന യോഗത്തിൽ മൈക്ക് ചത്തു. സംസ്ഥാന വിദ്യാഭ്യാസ മന്ത്രി ശിവൻകുട്ടി പ്രസംഗിക്കാൻ വരുമ്പോഴാണ് സംഭവം. പ്രസംഗിക്കാനെത്തിയ ശിവൻകുട്ടി മൈക്കിൽ പല തവണ തട്ടി നോക്കി മൈക്ക് മാത്രം അനങ്ങുന്നില്ല. ഇതെന്തുവാടെ ഇങ്ങനെ? എന്നായിരുന്നു മന്ത്രിയുടെ ചോദ്യം. സംഘാടക സമിതിയിലെ അധ്യാപകർ ഉൾപ്പടെ ഉള്ളവർ നെട്ടോട്ടമോടി. ആകെ ഭയന്നു. കൊല്ലം ജില്ലാ പഞ്ചായത്ത് ഹാളിൽ ആയിരുന്നു സംഭവം.

സംസ്ഥാന സ്കൂൾ യുവജനോത്സവത്തിന്റെ സബ് കമ്മിറ്റികൾ രൂപീകരിക്കാനാണ് ജില്ലാ പഞ്ചായത്ത് ഹാളിൽ യോഗം ചെന്നത്. ധന കാര്യ മന്ത്രി കെ ബാലഗോപാലനും, മന്ത്രി ശിവൻ കുട്ടിയും യോഗത്തിൽ എത്തിയിരുന്നു. ജില്ലയിലെ എം എൽ എ മാരും ജില്ലാ പഞ്ചായത്ത് പ്രസിഡന്റും മൊക്കെ യോഗത്തിൽ പങ്കെടുക്കാൻ ഉണ്ടായിരുന്നു. മന്ത്രി ശിവൻകുട്ടി പ്രസംഗിക്കാൻ നോക്കുമ്പോൾ മൈക്കിൽ നിന്ന് ഒരു ശബ്ദവും പുറത്തേക്ക് വന്നില്ല. മന്ത്രിക്ക്‌ മാത്രമല്ല, സദസിൽ ഉണ്ടായിരുന്ന എൻ ജി ഒ യൂണിയൻ പ്രസിഡന്റിനും കോപം വന്നു.

ജീവനക്കാരെ നോക്കി വരദരാജൻ ക്ഷുഭിതനായി. വയ്യെങ്കിൽ കളഞ്ഞിട്ടു പോകാനാണ് വരദരാജൻ ജീവനക്കാരെ നോക്കി പറഞ്ഞത്. മന്ത്രി ശിവൻ കുട്ടിയും വരദരാജനുമൊക്കെ മുഖ്യ മന്ത്രി പിണറായി വിജയനെ ഒന്ന് അനുകരിക്കാനാണ് നോക്കിയത്. മൈക്ക് ജോലി ചെയ്യില്ലെന്ന് മനസിലായപ്പോൾ ശകുനിയായ മൈക്കിനെ മാറ്റി പുതിയ മൈക്കുമായി എത്തിയവർക്കും പണികിട്ടി. ക്ഷുഭിതനായ മന്ത്രി ‘ഒന്നും വേണ്ടെന്നായിരുന്നു’ മറുപടി പറഞ്ഞത്. മൈക്ക് വർക്ക് ചെയ്യാത്തതിന് ജീവനക്കാരുടെ മെക്കിട്ടു കേറുന്ന വിദ്യാഭ്യാസ മന്ത്രിയെയാണ് യോഗം കണ്ടത്.