മകൾക്കൊപ്പം സ്‌കൂളിലേക്ക് പോവുകയായിരുന്ന അദ്ധ്യാപിക കാറിടിച്ച് മരണപെട്ടു

തിരുവനന്തപുരം . ഇരുചക്രവാഹനത്തിൽ മകൾക്കൊപ്പം സ്‌കൂളിലേക്ക് പോകുകയായിരുന്നു അദ്ധ്യാപിക കാറിടിച്ച് മരണപെട്ടു. പുഴനാട് ലയോള സ്‌കൂളിലെ അദ്ധ്യാപികയും ചാങ്ങ സ്വദേശിയുമായ അഭിരാമി (33) ആണ് മരണപ്പെട്ടത്. കൂടെയുണ്ടായിരുന്ന മകൾ അർപ്പിതക്ക് (10) ഗുരുതരമായ പരിക്കുണ്ട്. ചൊവ്വാഴ്ച രാവിലെ പത്ത് മണിയോടെയായിരുന്നു അപകടം ഉണ്ടായത്.

അമിത വേഗത്തിലെത്തിലെത്തിയ കാർ അദ്ധ്യാപിക ഓടിച്ചിരുന്ന സ്‌കൂട്ടറിലിടിക്കുകയായിരുന്നുവെന്നാണ് ദൃക്സാക്ഷികൾ പറയുന്നത്. ഉടൻ ആശുപത്രിയിലെത്തിച്ചെങ്കിലും അഭിരാമിയുടെ ജീവൻ രക്ഷിക്കാനായില്ല. ആശുപത്രിയിലെത്തിക്കും മുൻപ് തന്നെ അഭിരാമിയുടെ മരണം സംഭവിച്ചിരുന്നു. സംഭവത്തിൽ പൊലീസ് കേസെടുത്തിട്ടുണ്ട്.