ബേക്കറി കത്തിച്ചു കൈയടിക്കെടാ…

ചേരാനല്ലൂരിലെ അച്ഛന് ഒരു ബിഗ് സല്യൂട്ട്

ചില കാര്യങ്ങൾ കാണുമ്പോൾ നമുക്ക് പ്രതികരിക്കാൻ തോന്നും. മറ്റുചിലത് അയ്യോ കഷ്ടമായി എന്നു പറഞ്ഞു സഹതപിച്ച്… സഹതപിച്ചു മാത്രം മാറിനിൽക്കും. ചിലപ്പോൾ, പതിവുപോലെ സോഷ്യൽ മീഡിയയിൽ ഒരു പോസ്റ്റ് ഇട്ടേക്കാം. ഇനിയും മറ്റു ചിലപ്പോൾ പ്രതികരിക്കാൻ മാത്രമല്ല. ഒന്നിച്ച് കയ്യടിക്കെടാ എന്ന് ഉച്ചത്തിൽ പറയാൻ തോന്നും. ഇന്ന് 2022 ഡിസംബർ 23ന് എല്ലാ മുഖ്യധാര മാധ്യമങ്ങളിലും വന്ന ഒരു വാർത്ത ഇതാണ്ചേ.രാനല്ലൂരിലെ ഒരു ബേക്കറിയിൽ സാധനം വാങ്ങാനെത്തിയ പതിമൂന്നുകാരിയെ കയറിപിടിച്ച ബേക്കറി ഉടമ പോക്‌സോ കേസില്‍ അറസ്‌റ്റിലായി.ചേരാനെല്ലൂര്‍ വിഷ്‌ണുപുരത്താണ് സംഭവം. ചേരാനെല്ലൂര്‍ വിഷ്‌ണുപുരം വേണാട്ട്‌ ഹൗസില്‍ കണ്ണന്‍ എന്ന ബാബുരാജിനെയാണ്‌ (51) ചേരാനെല്ലൂര്‍ പൊലീസ്‌ അറസ്‌റ്റ്‌ ചെയ്‌തത്‌. സംഭവം അറിഞ്ഞെത്തി പെണ്‍കുട്ടിയുടെ പിതാവ് ബേക്കറി കത്തിച്ചു. ഇതോടെ ഇദ്ദേഹത്തെയും അറസ്റ്റ് ചെയ്തു.ന്യായീകരണം പക്ഷേ പതിവുപോലെ തന്നെ നിയമം കയ്യിലെടുക്കാൻ ആർക്കും അനുവാദമില്ല.
സാധനം വാങ്ങാൻ ബേക്കറിയിലെത്തിയ പെണ്‍കുട്ടിയെ ബാബുരാജ്‌ കയറിപിടിക്കുകയായിരുന്നുവെന്ന്‌ ചേരാനെല്ലൂര്‍ പൊലീസ്‌ പറഞ്ഞു. വിവരമറിഞ്ഞ പെണ്‍കുട്ടിയുടെ അച്ഛന്‍ വിഷ്‌ണുപുരം ജങ്‌ഷനിലുള്ള കണ്ണന്‍ ബേക്കറിയിലെത്തി രാത്രി എട്ടോടെയാണ് പെട്രോള്‍ ഒഴിച്ചു തീ കൊളുത്തിയത്. ബേക്കറി ഭാഗമികമായി കത്തിയിട്ടുണ്ട്‌. ബാബുരാജിനെയും പെണ്‍കുട്ടിയുടെ അച്ഛനെയും കോടതിയില്‍ ഹാജരാക്കി റിമാന്‍ഡ്‌ ചെയ്‌തു.

പറയാതെ വയ്യ. ഇതൊരു തുടക്കമാകട്ടെ എന്ന് ആശംസിക്കാൻ തോന്നുന്നു. ഈ വാർത്ത വായിക്കുന്ന ഏതൊരു അച്ഛനും അമ്മയും ആ അച്ഛന്റെ ഒപ്പമുണ്ടെന്ന് പറയാൻ ആഗ്രഹിക്കുന്നുവെന്നും..