പോപ്പുലർ ഫ്രണ്ടിന് രഹസ്യ വിഭാഗം.തെളിവുകൾ പുറത്തുവിട്ട് എൻഐഎ.

പോപുലര്‍ ഫ്രണ്ടിന് രഹസ്യ വിഭാഗമുണ്ടെന്ന് ആവര്‍ത്തിച്ച്‌ എന്‍.ഐ.എ. ഇതര സമുദായത്തില്‍ പെട്ടവരുടെ ഹിറ്റ്ലിസ്റ്റ് ഒരുക്കാനാണ് രഹസ്യ വിഭാഗം പ്രവര്‍ത്തിച്ചത്.
പി എഫ്.ഐ ഓഫിസ് കേന്ദ്രീകരിച്ചായിരുന്നു ഇവരുടെ പ്രവര്‍ത്തനമെന്നും എന്‍.ഐ.എ പറയുന്നു.
വിവര ശേഖരണം നടത്തി പി.എഫ്.ഐ നേതാക്കള്‍ക്ക് കൈമാറുന്നത് ഈ വിഭാഗമാണ്. റെയ്ഡിനിടെ പിടിച്ചെടുത്ത ഡിജിറ്റല്‍ രേഖകളുടെ പരിശോധനയില്‍ പി.എഫ്.ഐ നേതാക്കളുടെ ഐ.എസ് ബന്ധത്തിന് തെളിവുണ്ടെന്നും എന്‍.ഐ.എ കോടതിയില്‍ അറിയിച്ചു.
പ്രതികളുടെ റിമാന്‍ഡ് നീട്ടണമെന്ന് ആവശ്യപ്പെട്ട് എന്‍.ഐ.എ സമര്‍പ്പിച്ച ഹരജിയിലാണ് ഇക്കാര്യമുള്ളത്. രാജ്യ വിരുദ്ധ പ്രവര്‍ത്തനങ്ങള്‍ക്ക് ഫണ്ട് നല്‍കിയതില്‍ അന്വേഷണം തുടരുകയാണ് ചൂണ്ടിക്കാണിച്ചുകൊണ്ടാണ് പ്രതികളുടെ റിമാന്‍ഡ് നീട്ടണമെന്ന് എന്‍.ഐ.എ ആവശ്യപ്പെട്ടത്. 14 പ്രതികളുടെ റിമാന്‍ഡ് കാലാവധി 180 ദിവസത്തേക്ക് കൂടി നീട്ടണമെന്നാണ് ആവശ്യം.