കണ്ണൂര്‍ തളിപ്പറമ്പില്‍ വന്‍ ലഹരി വേട്ട; എംഡിഎംഎ അടക്കമുള്ള മയക്കമരുന്നുമായി യുവതികളും യുവാക്കളുമടക്കം ഏഴ് പേരെ എക്‌സൈസ് അറസ്റ്റ് ചെയ്തു.

കണ്ണൂരിലെ ബക്കളത്തെ സ്‌നേഹ ഇന്‍ ഹോട്ടലില്‍ നിന്നുമാണ് ഇന്നലെ ലഹരിഉത്പന്നങ്ങളുമായി ഏഴംഗ സംഘത്തെ പിടിച്ചത്. എംഡിഎം, ഹാഷിഷ് ഓയില്‍, എല്‍എസ്ഡി സ്റ്റാമ്ബ് എന്നിവയടക്കം 5 ലക്ഷം രൂപയുടെ ലഹരി മരുന്നുകളാണ് എക്‌സൈസ് പിടികൂടിയത്. ന്യൂ ഇയര്‍ ആഘോഷത്തിനായി കൊണ്ടുവന്ന ലഹരി മരുന്നുകളാണ് എക്‌സൈസ് വകുപ്പ് പിടിച്ചെടുത്തത്.

പുതുവര്‍ഷ ആഘോഷത്തില്‍ ഡിജെപാര്‍ട്ടികളില്‍ മറവില്‍ ലഹരി ഒരുക്കുന്നത് പതിവെന്ന് തെളിയിച്ചുകൊണ്ടാണ് വാഗമണ്ണിന് പിന്നാലെ കണ്ണൂരിലേയും ലഹരി പാര്‍ട്ടി. എംഡിഎംഎ ഉള്‍പ്പെടെയുള്ള മയക്കമരുന്നുമായി ഒരു യുവതിയടക്കം ഏഴ്‌പേരെയാണ് അറസ്റ്റ് ചെയ്തിരിക്കുന്നത്. അതിനിടെ പുതുവത്സര ആഘോഷങ്ങളുടെ ഭാഗമായി ഡിജെ പാര്‍ട്ടി നടത്തുന്ന സംഘങ്ങള്‍ക്ക് ലഹരിക്കായി അതി മാരകമായ മയക്കുഗുളിക വിതരണം ചെയ്യാനായി ബൈക്കില്‍ കറങ്ങി നടന്നിരുന്ന യുവാവിനെ തന്ത്രപരമായി എക്സൈസ് കുടുക്കി. വീരാജ്പേട്ടയില്‍ നിന്നും കണ്ണൂര്‍ ജില്ലയിലെ മലയോര പ്രദേശമായ ഇരിക്കൂറില്‍ ഡിജെ പാര്‍ട്ടി നടത്താനായി ബൈക്കില്‍ കൊണ്ടു വരികയായിരുന്ന മാരക മയക്കുഗുളികകളുമായാണ് യുവാവ് പിടിയിലായത്.

പുതുവര്‍ഷം ആഘോഷിക്കുന്നതിനായി സംഘടിപ്പിച്ച ഡിജെ പാര്‍ട്ടിക്കിടെ ലഹരി കൂട്ടാനായി വന്‍ നഗരങ്ങളിലെ ഹോട്ടലുകളിലും ക്ലബ്ബുകളിലും ഉപയോഗിക്കുന്ന വിലയേറിയ മയക്കുഗുളികയാണിത്. കര്‍ണാടകയില്‍ നിന്നും കടത്തിക്കൊണ്ടു വന്ന മയക്കുഗുളികളുമായാണ് ഇരിക്കൂര്‍ സ്വദേശിയായ യുവാവ് അറസ്റ്റിലായത്.

കണ്ണൂര്‍, കോഴിക്കോട്, കാസറഗോഡ്, പാലക്കാട്, വയനാട് സ്വദേശികളാണ് ലഹരി മരുന്നുമായി പിടിയിലായത്.

Summary : Big drugs hunt in Kannur Taliparambu; Excise arrested seven people, including women and youths, with drugs including MDMA.