വന്ദേഭാരതിനെ ചുറ്റി വലിയ ചര്‍ച്ചകള്‍ നടക്കുന്നുണ്ടെന്ന് കേന്ദ്ര റെയില്‍വേ മന്ത്രി അശ്വിനി വൈഷ്ണവ് .ദേശീയ മാധ്യമത്തിന് നല്‍കിയ അഭിമുഖത്തില്‍ സംസാരിക്കുകയായിരുന്നു അദ്ദേഹം .വന്ദേ ഭാരത് എക്‌സ്പ്രസ് ഇഷ്ടപ്പെടാത്ത വലിയൊരു വിഭാഗമുണ്ട് . എന്തുകൊണ്ടാണ് അവര്‍ അത് ഇഷ്ടപ്പെടാത്തത്? കാരണം, നാല്‍പ്പതും അമ്പതും അറുപതും വര്‍ഷങ്ങളായി ആ രാഷ്‌ട്രീയ വര്‍ഗം തുടര്‍ച്ചയായി 1940-കളിലെ ഡിസൈനും 1950-കളിലെ ഡിസൈനും 1960-കളുടെ ഡിസൈനും ഉള്ള ട്രെയിനുകള്‍ നല്‍കി. ലോകം അതിവേഗം മുന്നോട്ട് പോകുമ്പോൾ അവ ഒരിക്കലും നവീകരിച്ചില്ല. അവര്‍ ഇന്ത്യയെ വളരെ ഇരുണ്ട അവസ്ഥയില്‍ നിര്‍ത്തി, അവരുടെ ചിന്ത ഈ ജനതയെ മുഴുവന്‍ വോട്ട് ബാങ്കായി നിലനിര്‍ത്തുക എന്നതായിരുന്നു – അശ്വിനി വൈഷ്ണവ് പറഞ്ഞു.നമ്മുടെ പ്രധാനമന്ത്രി ആ ചിന്താ പ്രക്രിയയെയും രാഷ്‌ട്രീയ വ്യവഹാരങ്ങളെയും അടിസ്ഥാനപരമായി എല്ലാവര്ക്കും വ്യക്തമാകുന്ന ഭാഷയിൽ അവതരിപ്പിച്ചു . നമ്മുടെ ജനങ്ങളെ ശാക്തീകരിക്കേണ്ടതുണ്ടെന്ന് അദ്ദേഹം പറയുന്നു. ഈ ട്രെയിനുകളില്‍ യാത്ര ചെയ്യുന്ന കുട്ടികളെ നോക്കൂ. ഈ ട്രെയിനുകളില്‍ യാത്ര ചെയ്യുന്ന യുവാക്കളെ നോക്കൂ. അവരുടെ വീഡിയോകള്‍ നോക്കൂ. യൂട്യൂബിലേക്കു പോകുക. യൂട്യൂബില്‍ രണ്ടരലക്ഷത്തോളം ഫോളോവേഴ്‌സുള്ള കോട്ടയത്തുനിന്നുള്ള ഒരാള്‍ ഇന്നലെ ഒരു വീഡിയോ പോസ്റ്റ് ചെയ്തു. ‘ഞാന്‍ ലോകമെമ്പാടും സഞ്ചരിച്ചിട്ടുണ്ട്, ജര്‍മ്മനിയിലുള്ളതുപോലെയൊരു പോലൊരു ട്രെയിന്‍, സ്വിറ്റസർലണ്ടിലുള്ളതുപോലൊരു ഒരു ട്രെയിന്‍ ഇന്ത്യയില്‍ വരുമെന്ന് ഞാന്‍ എപ്പോഴും സ്വപ്നം കാണുമായിരുന്നു.’ ഇന്ന് ഇന്ത്യയ്‌ക്ക് ഒരു ലോകോത്തര ട്രെയിന്‍ ലഭിച്ചതില്‍ ഞാന്‍ വളരെ സന്തോഷവാനാണ്’- ആ വ്യക്തി പറയുന്നു, എനിക്ക് ഓര്‍മ്മയില്ല. ആ ചാനലിന്റെ കൃത്യമായ പേര് – അശ്വിനി വൈഷ്ണവ് കൂട്ടിച്ചേര്‍ത്തു.ഇന്നത്തെ ഇന്ത്യ അഭിലാഷ ഇന്ത്യയാണ്. ഇന്നത്തെ യുവാക്കള്‍ ചെറിയ ചെറിയ നുറുക്കുകള്‍ കൊണ്ട് സന്തുഷ്ടരല്ല. ഇന്നത്തെ യുവാക്കള്‍ ലോകത്തിലെ ഏറ്റവും മികച്ചത് ആഗ്രഹിക്കുന്നു. നമ്മള്‍ അവര്‍ക്ക് നല്‍കണം. ഒരു രാഷ്‌ട്രീയ വര്‍ഗമെന്ന നിലയില്‍ അത് നമ്മുടെ കടമയാണ്. പ്രധാനമന്ത്രി കൊണ്ടുവന്ന ചിന്താഗതിയിലെ അടിസ്ഥാനപരമായ മാറ്റമാണിത്. പുതിയ കാര്യങ്ങള്‍ കൊടുത്തുകൊണ്ടേയിരിക്കുക . വന്ദേ ഭാരത് എക്‌സ്പ്രസ് ട്രെയിനുകളുടെ ഭാവി പദ്ധതികളും റെയില്‍വേ മന്ത്രി വെളിപ്പെടുത്തി. ട്രെയിനുകള്‍ക്ക് ചെയര്‍ കാര്‍, വന്ദേ മെട്രോ ഫോര്‍മാറ്റ്, വന്ദേ സ്ലീപ്പര്‍ ഫോര്‍മാറ്റ് എന്നിങ്ങനെ മൂന്ന് വ്യത്യസ്ത ഫോര്‍മാറ്റുകള്‍ ഉണ്ടായിരിക്കുമെന്ന് അദ്ദേഹം പറഞ്ഞു. നിലവില്‍, വന്ദേ ഭാരത് എക്‌സ്പ്രസ് കോച്ചുകളില്‍ എ സി ചെയര്‍ (ഇക്കണോമി), എക്‌സിക്യൂട്ടീവ് ചെയര്‍ (പ്രീമിയം) എന്നീ രണ്ട് ക്ലാസുകളില്‍ ചെയര്‍ കാര്‍ ഫോര്‍മാറ്റ് മാത്രമാണുള്ളത്.200 കിലോമീറ്റര്‍ ദൂരത്തിലുള്ള സ്ഥലങ്ങളെ ബന്ധിപ്പിക്കുന്നതിന് ചെറിയ ദൂരത്തേക്ക് വന്ദേ മെട്രോ ഉപയോഗിക്കുമെന്ന് അശ്വിനി വൈഷ്ണവ് പറഞ്ഞു. അടുത്തുള്ള രണ്ട് നഗരങ്ങള്‍ക്കിടയില്‍ ഷട്ടില്‍ സര്‍വീസ് നടത്താനും ഈ ട്രെയിനുകള്‍ ഉപയോഗിക്കും.
